1 Timoti 3:7 - Baibo Busansulushi Bwa Libuku Ili

⁷ Bantu bakunsengwe balyeelete kunoomulemeka kwaamba ayi atakanyumfwi nsoni akucatwa mukoose kakwe Satana.

1 Timoti 3:7 교차 참조

2 Bene Kolinto 8:21

Ceebo tulisuni kucita shiluleme, kuteshibo pameenso aMwaami peenka, sombi akubantu.

2 Timoti 2:26

Mpeeke maano abo alaakuboolaamo akusupuka mukoose ka Mubiibi uyo wakabacatisha akubalengesha kunoocita kweelana akuyanda kwakwe.

Bene Kolose 4:5

Bwikaalo bwanu pabantu batashomi muli Klistu abube bwa busongo alimwi mulyeelete kusebensesha kabotu ciindi cakushimikila Makani Abotu kuli mbabo.

1 Timoti 6:9

Sombi abo basunishi kubila balawita mumasunko akucatwa mutoose twa shiyanda mubili shiinji shabuluya alimwi shinyonyoola. Shintu isho shilabanjisha mukunyonyooka kwa buumi bwabo akuloba.

1 Bene Tesalonika 4:12

Kwiinda mukucita boobo, mulaakubona kwaamba ayi bakunsengwe balaakutalika kumupa bulemu alimwi taaku ngweshi mukancinkemo manungo ayi ngweshi anoomupa nshemuyanda.

2 Bene Kolinto 6:3

Swebo tatusuni kwaamba ayi bantu batongooke mulimo wesu kwiinda mukubashinkilisha.

1 Bene Kolinto 10:32

Bwikaalo bwanu butabi mfumpu kubaJuda, baswamashi bakunsengwe nabibo kucoonde cakwe Lesa.

Milimo ya Batumwi 6:3

Anu nobamakwesu, amusale basankwa bali bosanwe abobilo kuswa mulikoto lyanu, abo bashibikitwe ayi baliswite Mushimu Usalashi alimwi mbasongo kwaamba ayi tubape mulimo uyu.

Taitasi 2:8

Kosebensesha maswi abotu atakoonshi kutongookwa, kwaamba ayi abo bakupikisha banyumfwe nsoni mukubula cibiibi cakwaamba pali ndiswe.

Taitasi 2:5

kuba balitibuka, batacite kampenda, bapisooka paŋanda, bacite nkumbu, banyumfwila bameebaabo kwaamba ayi maswi akwe Lesa atacobolwi.

1 Bene Tesalonika 5:22

akulitalamusha kushibiibi sha mushobo uli woonse.

1 Timoti 5:14

Nceceeco nceensunini ayi bamukalubinje banakashi bacanike beebwe, babe abaana akubamba maandaabo kwaamba ayi balwani besu babule pakutubekeshesha.

1 Bene Kolinto 5:12

Koombolosha bakunsengwe teshi mulimo wangu. Lesa ngowoombolosha bakunsengwe. Ino sa mwebo tamweelete koombolosha bashominyinaanu babisha? “Amukushe muntu mubiibi pakati kanu,” kweelana abwaamba Malembo akwe Lesa.

Milimo ya Batumwi 22:12

“Mundabala inene iyi mwakalinga musankwa wiitwa ayi Ananiyasi wakalinga kulambila Lesa amoyo wakwe woonse alimwi akukonkela Milawo. Wakalinga kulemekwa kubaJuda boonse ba kooko.

Milimo ya Batumwi 10:22

Basankwa aba bakakumbula ayi, “NguKonelyasi, munene wa bashilumamba bali mwaanda, watutuma. Ngumuntu ululeme, ulambila Lesa alimwi ulalemekwa bumbi abaJuda. Munjelo wakwe Lesa ngowakalwiita Konelyasi ayi akwiite kuŋanda yakwe mukunyumfwa ceeco nceshi ukamulwiite.”

Maako 4:11

Jesu wakabakumbula ayi, “Mwebo mwakapekwa lushibo lwa shintu shishisitwe sha Bweene bwakwe Lesa. Sombi bamwi abo batana kwishiba, balanyumfwa shintu shoonse mushikoshanyo

1 Samwelo 2:24

Amucileeke nobana bangu! Cintu ici bantu bakwe Lesa ncebatokwaamba pali ndimwe cilayoosha!

3 Joni 1:12

Boonse bantu balaamba ayi Demetiliyasi uli kabotu, alwalo lushinisho mbomunya. Aswebo tutoopa bukamboni pali nguwe alimwi ulishi kwaamba ayi bukamboni bwesu mbwancinencine,

1 Timoti 3:6

Taaelete kuba muntu wakasanduka onoono mukwiinga cimwi ciindi inga walisumpula akupekwa mulandu mbuli Satana.