1 Timoti 2:8 - Baibo Busansulushi Bwa Libuku Ili

⁸ Ndisuni basankwa kuli koonse, kabapaila amaansa kaanyamukite, amoyo usalalite, kakutaaku kukalala nabi kupikishanya.

1 Timoti 2:8 교차 참조

Kulumbaisha 134:2

Amunyamune maansaanu mwiculu pakupaila muŊanda iyo isalalite akulumbaisha Mwaami Lesa.

Kulumbaisha 63:4

Ndanoomulumbaisha lyoonse mubuumi bwangu. Ndanoonyamuna maansaangu akupaila kuli ndimwe.

Bene Ebulu 10:22

Aboobo, atusene pafwaafwi aLesa amyoyo yakutatonsha alimwi alushomo lwancinencine. Atusene kuli nguwe amyoyo yakasalashikwa itacite kampenda alimwi amibili yakasamba mumaanshi atacite matombe.

Taitasi 3:8

Makani aya ngalushinisho. Ndisuni ayi shintu ishi ushiishe cankusu kwaamba ayi bashoma muli Lesa balibeenge mumicito ibotu, iyo ibotela akucafwa bantu boonse.

Jemusi 4:8

Kamusena pafwaafwi aLesa alakwe ulaakusena pafwaafwi amwebo. Amusambe kumaansa mwebo nobamucita shibi! Amusalashe myoyo yanu nobantu baamba nshemutaciti.

Luka 24:50

Lyalo Jesu wakabatanjilila kuswa mundabala inene iyo kushikila kuBetani. Ndibakashika wakanyamuna maansaakwe akubapa coolwe.

Isaya 1:15

“Mwaakunyamuna maansaanu pakupaila, teshi nkamulangilisheewo, sobwe. Teshi nkanyumfwe nabi mukapaile mankanda aanji buyani mukwiinga maansaanu aliswitebo milandu yakutila bulowa.

1 Pita 3:7

Amwebo nobasankwa mulyeelete kwikala calushibo lwa pacikwati abamakaanu. Amubalemeke mukwiinga banakashi mbantu batacite nkusu shiinji alimwi mulaakutambula cipo ca buumi butamaani pantu pomwi ambabo, ico Lesa ncaapa muluse lwakwe. Kamucita boobo kwaamba ayi Lesa anookumbula mipailo yanu.

1 Timoti 5:14

Nceceeco nceensunini ayi bamukalubinje banakashi bacanike beebwe, babe abaana akubamba maandaabo kwaamba ayi balwani besu babule pakutubekeshesha.

Milimo ya Batumwi 21:5

Sombi ciindi ca kwikala ambabo ndicakamana, twakaswaako akutolelela palweendo lwesu. Lyalo boonse pantu pomwi abamakaabo alimwi abana babo bakatushindikila kuswa mundabala inene. Nditwakashika muloombe lwa lweenge twakafukama ambabo akupaila kuli Lesa.

Milimo ya Batumwi 10:4

Konelyasi wakalangilishisha munjelo uyo akwiipusha ayi, “Mbuyani nkambo?” Munjelo wakamukumbula ayi, “Lesa wakondwa amipailo yako alimwi alucafwo lwako kubantu bapenshi, aboobo ulilibambite kukukumbula.

Milimo ya Batumwi 10:2

Musankwa uyu alimwi abamuŋanda yakwe boonse bakalinga kulyaaba kuli Lesa akumulambila camoyo woonse. Alimwi wakalinga kucafwa bumbi baJuda bakandu akupaila kuli Lesa ciindi coonse.

Milimo ya Batumwi 7:60

Kuswawaawo wakafukama akupaila muliswi lya peculu ayi, “Nkambo, amubalekelele cibiibi ici ncebatoocita!” Ndyaakamana kwaamba boobo, wakatula moyo. Alakwe Saulo wakasumina ayi bacita kabotu kumucaya.

1 Bene Kolinto 7:7

Necakabota naakwiinga bantu boonse balinga mbuli ndime. Ono ceebo cakwaamba ayi muntu womwi awomwi ulicite cipo cakwe kuswa kuli Lesa, umwi aumwi ulicite cipo camushobo upusene amubye.

Milimo ya Batumwi 10:31

Wakaamba ayi, ‘Konelyasi, Lesa wanyumfwa mipailo yako alimwi akuyeeya lucafwo lwako kubantu bapenshi.

Joni 4:21

Lyalo Jesu wakaamba ayi, “Nankashi, ncakwiila ciindi cilaakushikila ndyeshi mukabule kulambila baTa pakalundu aka nabi kuJelusalemu.

Luka 23:34

Mpeeke Jesu wakaamba ayi, “Ta, amubalekelele mukwiinga tabeshi ncebatoocita.” Kuswawaawo bakooma cisolo kwaamba ayi baabane shakufwala shakwe.

Mateyo 21:21

Jesu wakabakumbula ayi, “Ntoomulwiita calushinisho ayi na mulashoma cakutatonsha, inga mwacita bweenka mbuli mbondacita mukuyu uyu. Sombi teshi ceeci ceenka, mulakonsha nabi kwaambila kalundu aka ayi, ‘Swaawo apo mpoobete uye uliwaale mulweenge,’ cilaakucitika.

Mateyo 5:44

Sombi nebo ntoomulwiita ayi, ‘Amusune balwani banu akubapaililaako abo bamupensha,

Kulumbaisha 66:18

Nindalinga kucikondwa shibiibi mumoyo wangu, naakwiinga Mwaami Lesa taakwe kunyumfwa mupailo wangu.

Kulumbaisha 26:6

Ndasamba kumaansa kutondesha ayi taaku cibiibi ncendakacita, ndeendaana kucipaililo canu mukumulambila noBaami baLesa.

Kulumbaisha 24:4

Ngooyobo ucita shisalalite, utacite cibiibi mumoyo. Ngooyo utalambili shibumbwabumbwa, nabi kubeca pakushomesha cakulumbila.

Jobo 16:17

Sombi nshiciteewo mulandu wakucisa bantu alimwi mupailo wangu kuli Lesa ngwa lushinisho.

Mateyo 6:12

Amutulekelele shibiibi shesu, bweenka mbotulekelela batubishisha.

Tushimpi 21:27

Mulambu wa bamucita shibi Lesa tausuniiwo. Ino mbuyani walo uyo ngobabenga amyoyo yobilo?

Tushimpi 15:8

Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.

Kulumbaisha 35:13

Sombi ciindi ndibakaciswa ndakafwala masaka. Ndakalikasha kulya, akupaila mutwi wangu kookontyamikitwe,

1 Baami 3:11

Lyalo wakamwaambila ayi, “Mukwiinga wasenga busongo akulela cabululami, kuleka kwikala buumi bulaamfu nabi bubile nabi kufwa kwa balwani bako,

Kulumbaisha 28:2

Amukutike kupaila kwangu ndyeemulila ayi muncaafwe, ee, ndyeentondeka maansa kuMusena wanu Usalalite Wiindaawo,

Kulumbaisha 141:2

Mupailo wangu ube anga ntununkila kabotu pakutenta kunembo lyanu. Kutambika maansaangu kube anga ngumulambu wa macolesha.

1 Bene Kolinto 1:2

Tutoolembela ndimwe nocoonde cakwe Lesa ca muKolinto. Lesa wakamusala kwiinda muli Klistu Jesu alimwi akumwiita ayi mube bantu bakwe pantu pomwi abantu boonse bali kumisena ipusenepusene, abo balemeka Mwaami Jesu Klistu, Mwaami wabo aswebo soonse.

2 Bene Kolinto 2:14

Ono aalumbwe Lesa utulengesha kukoma kwiinda muli Klistu. Ulatusebensesha mukulengesha makani apali Klistu kuya koonse koonse anga mbweema bubotu.

Bene Filipi 1:12

Nobamakwesu, ntooyanda kumwishibisha ayi shakacitika kuli ndime shacafwilisha abuumbi kwaamba ayi Makani Abotu anyumfwike kubantu baanji.

1 Bene Tesalonika 1:8

Bantu baanji baanji, kuteshibo muMakedoniya amuAkeya, bakanyumfwa Makani Abotu apali Jesu. Sombi bakanyumfwa ampuuwo ya lushomo lwanu muli Lesa yamwaika kumisena imwi yoonse. Aboobo taaku nceenga twaambaawo pacikani ico.