1 Samwelo 27:8 - Baibo Busansulushi Bwa Libuku Ili

⁸ Muciindi ico Defedi abantu bakwe bakalinga kuya mukusaala shintu sha bene Geshuli, bene Gesi alimwi abene Amaleki. Bantu abo kalekale mbobakalinga kwikala mucishi ico kuya mukushikabo akuSheli mucishi ca Ijipiti.

1 Samwelo 27:8 교차 참조

Joshuwa 13:2

Cishi ico cakalinga cacaalaako nceeci: cishi coonse ca bene Filisiti alimwi aca bene Geshuli

Joshuwa 13:13

Sombi bene Isilaeli tabakwe kutanda bene Geshuli alimwi abene Maaka. Balo asunu bacikala abene Isilaeli.

Boomboloshi 1:29

Abalo bamumukowa wakwe Efuleemu tabakwe kutanda bene Kenani ba kuGesa. Aboobo bene Kenani abo bakatolelela kwikala ambabo.

Joshuwa 16:10

Sombi bene Efuleemu tabakwe kutanda bene Kenani abo bakalinga kwikala muGesa. Kushikila asunu bene Kenani balekala abene Efuleemu, sombi balasebenseshekwa anga mbasha.

1 Makani 2:23

Sombi mwaami wa bene Geshuli alimwi awa bene Alamu bakakoma mandabala ali makumi osanwe amandabala likumi muGilyadi, kubikaawo amushi wa Jeya awa Kenati. Bakakoma amandabala oonse akalinga pafwaafwi amandabala ayo. Bantu boonse bakalinga kwikala kooko bakalinga bamulunyungu lwakwe Makiya, ishi Gilyadi.

2 Samwelo 15:8

Ndindakalinga kwikala kuGeshuli mucishi ca Silya nebo nemusebenshi wanu ndakashomesha cakulumbila ayi, ‘Na noBaami baLesa mukambooshe kuJelusalemu, ndaakumulambila muEbuloni.’ ”

2 Samwelo 14:32

Abusalomu wakakumbula Joabu ayi, “Bona ndatuma nkombe shakukwiita kwaamba ayi nkutume kubaami mukwiipusha ncindakaswita kuGeshuli. Mukwiinga bulya calingabo kabotu akunooshitebo nkuko! Ono bulya ntooyanda kubonana abaami, kwaamba ayi na kuli mulandu ngooncite, bancaayebo cimane.”

2 Samwelo 14:23

Kuswawaawo Joabu wakanyamuka akuya kuGeshuli akuboosha Abusalomu kuJelusalemu.

1 Samwelo 30:1

Lyalo ndipakeenda nshiku shobilo Defedi abashilumamba bakwe bakashika kuSikilagi. Ono bakacana bene Amaleki basaala kumalenge lya cishi ca Juda pantu pomwi andabala ya Sikilagi. Bakalwana ndabala iyo akwiitenta.

Kulonga 17:8

Kuswawaawo, bene Amaleki bakesa akutalika kulwana abene Isilaeli kuLefidimu.

Kulonga 15:22

Kuswawaawo Mose wakatanjilila bene Isilaeli kuswa kuLweenge Lusalala kuya muluyanga lwiitwa ayi Sheli. Bakeenda nshiku shotatwe muluyanga, sombi tabakwe kucanawo maanshi.

Joshuwa 12:5

Wakalinga kweendelesha akuKalundu ka Elimoni, Saleka, cishi ca Bashani coonse, kuya mukushika kunyinsa ya Geshuli alimwi aMaaka, kubikaawo amusa wa Gilyadi kushikila akunyinsa ya cishi ca mwaami Sioni wa kuEshiboni.

1 Samwelo 29:6

Mpomunyaawo Akishi wakeeta Defedi akumwaambila ayi, “Bweenka mbocibete lushinisho ayi Mwaami Lesa ngumuumi, webo ulashomeka. Nebo taaku bubi mboonkubwenene kuswa bushiku mbowakesa mulubansa lwangu kushikila asunu, sombi bamatanjilili bamwi tabasangalete kuya awebo kunkondo.

2 Samwelo 3:3

wakaboolaawo nguKilyabu muli Abigelo mwanakashi wakashiya Nabali mwine Kamelo. Watatu nguAbusalomu muli Maaka mwanaakwe Talumayi mwaami wa Geshuli,

2 Samwelo 3:22

Kapatana kwiindaawo aciindi cilaamfu, Joabu abashilumamba bakwe Defedi wakapola kuswa mukulwana. Bakaleta shintu nshebakasaala shiinji. Sombi ico ciindi Abina kaali wapansaana kale aDefedi muEbuloni mukwiinga Defedi wakamusuminisha kuya muluumuno.

2 Samwelo 8:12

Shintu isho shakaswa kubene Edomu, bene Moabu, bene Amoni, bene Filisiti, bene Amaleki alimwi acipansha ca sheesho nshaakasaala kuli Adadesa mwanaakwe Lewobu mwaami wa cishi ca Soba.

Shakubelenga 13:29

Bene Amaleki balekala kulubasu lwa kumalenge lya cishi, bene Iti, bene Jebusi alimwi abene Amoli balekalila kulubasu lwa tulundu. Balo bene Kenani balekala mweela Lweenge lwa Mediteleniyani alimwi amweela Mulonga wa Joodani.”

Shakubelenga 14:45

Mpeeke bene Amaleki alimwi abene Kenani abo bakalinga kwikala kooko bakatalika kulwanaabo akubakoma. Kuswawaawo bakabatandaanya akwisa mukubashisha kundabala ya Oma.