1 Samwelo 2:30 - Baibo Busansulushi Bwa Libuku Ili

³⁰ Kalekale nebo neMwaami Lesa, Lesa wa bene Isilaeli ndakashomesha ayi bamuŋanda yako abeshikamukowa wako bananooba bapailishi lyoonse alyoonse. Sombi bulya sunu casutuka! Nebo ndapa bulemu abo bampa bulemu akunyansha baabo bansebaanya.

1 Samwelo 2:30 교차 참조

Joni 12:26

Uyo woonse utooyanda kusebensela ndime, ulyeelete kunkonkela kwaamba ayi nkweenga kaambete, alakwe musebenshi wangu akanooliiko. Abalo baTa balaakupa bulemu muntu woonse usebensela ndime.

Malaki 1:6

Mpeeke Mwaami Lesa Shinkusu shoonse wakaambila bapailishi ayi, “Mwaana ulalemeka baishi, alakwe musebenshi ulalemeka mwaami wakwe. Nebo ndi ishiwanu, ono tamundemekelinshi? Alimwi ndi mwaami wanu, ceebonshi tamumpi bulemu? “Mwebo mulacobola liina lyangu, sombi muleepusha ayi, ‘Ino tulakunyansha munshilanshi?’

2 Makani 15:2

Lyalo wakaya mukukumana amwaami Asa. Wakamwaambila ayi, “NoBaami baAsa abantu banu bene Juda abene Benjameni amunkutike! Mwaami Lesa unanooli amwebo kulilabo kamuli anguwe. Na mumuyandoole mulaakumucana, sombi na mwamufutatila alakwe ulaakumufutatila.

Isaya 29:13

Mwaami Lesa ulaamba ayi, “Aba bantu balaba pafwaafwi anebo mukwaamba, balandemekabo pamulomo, sombi myoyo yabo ili kulaale anebo. Kupaila nkobampaila, taaku mbokubete mukwiinga baleeisha milawo ipangabo bantu anga njemilawo yakwe Lesa.

Kulonga 29:9

balaamba mumakome alimwi ashisooti kumitwi. Ubo mboweelete kubenga Aloni alimwi abana bakwe basankwa. Balo, pantu pomwi abamulunyungu lwabo balyeelete kunsebensela mulimo wa bupailishi lyoonsebo.

Kulumbaisha 91:14

Mwaami Lesa utokwaamba ayi, “Ndaakupulushabo baabo bansuni, akufuna baabo bashoma muliina lyangu.”

Kulumbaisha 50:23

Mulambu upa bulemu kuli ndime nkunumba, ndushinisho anebo ndaakupulusha muntu uli woonse unyumfwila!”

1 Pita 1:7

kwaamba ayi lushomo ndomucite lweeleshekwe akuboneka ayi ndwaalushinisho. Mukwiinga bweenka golodi, ukonsha kunyonyoolwa, mboweeleshekwa mumulilo alushomo ndomucite, ulo lwiinda pagolodi, mbolucitwa mumasunko. Lyalo Lesa ulaakumulumbaisha akumupa bulemu pabushiku Jesu Klistu aakuyubululwa.

Joni 5:23

kwaamba ayi bantu boonse balemeke Mwaana mbobalemeka baIshi. Uyo woonse utalemeki Mwaana taalemeki abaIshi abo bakamutuma.

Kulumbaisha 18:20

Mwaami Lesa wanambula ceebo ndacita shiluleme. Wampa coolwe mukwiinga nshicite mulandu.

Joni 8:49

Jesu wakakumbula ayi, “Nshicite shikaswa, sobwe. Ndalemeka baTa, sombi mwebo mulanyansha.

Danyelo 4:34

Mwaami Nebukadinesa wakaamba ayi, “Myaaka yosanwe amyaaka yobilo ndiyakeenda, nebo neNebukadinesa, ndakeenamuka. Maano angu akaboolaamo. Lyalo ndakalumba Lesa wa kwiculu Wiindaawo. Ndakalemeka akulumbaisha Lesa uyo muumi kwalyoonse alyoonse. “Bulelo bwakwe, mbulelo bwamuyayaya. Bweene bwakwe bulaakunoolikobo kwalyoonse alyoonse.

Shakubelenga 11:20

sombi mweenshi wakabumbulu. Mulaakwiilya kushikila ikanoopulila amumatwi anu alimwi kushikila ikamuleemye. Ici cilaakucitika ceebo mwakaka Mwaami Lesa uyo ngomuli akwe pakati kanu, akutongooka kuli nguwe ayi naakwiinga tamuswikobo kucishi ca Ijipiti.’ ”

1 Bene Kolinto 4:5

Aboobo mutoomboloshi muntu nabi womwi kushikila Jesu Klistu akese mukoombolosha. Lakwe aakwisa ulaakuyubulula shabushishi bwa mumunshinshe alimwi ulaakubika patuba miyeeyo ya mumyoyo ya bantu. Lyalo Lesa ulaakulumbaisha muntu woonse kweelana ambwaaelete.

Joni 5:44

Ino ono inga mwashoma buyani na mulisunibo kulilumbaisha nobeene, sombi kamutasuni ayi mulumbaishikwe kuli Lesa womwibo eenka?

Shakubelenga 35:34

Anu tamweelete kubisha cishi ncemushiiteemo mukwiinga nebo ndime Mwaami Lesa uyo wikala pakati ka bene Isilaeli.’ ”

Boomboloshi 9:10

“Lyalo shisamu shakaambila mukuyu ayi, ‘Kwesa ube mwaami wesu.’

Kulonga 28:43

Anu Aloni alimwi abana bakwe basankwa balyeelete kunoofwala shakufwala ishi lyoonsebo na benjila muTente ya Cipangano, nabi kuya kucipaililo mukusebensa mulimo wa bupailishi muMusena Usalalite, kwaamba ayi bakabule kucaikwa ceebo cakuba mubilibo. Uyu ngumulawo weshi ukabule kumana kuli Aloni alimwi abamulunyungu lwakwe.

1 Baami 11:11

Aboobo Mwaami Lesa wakaambila Solomoni ayi, “Ono mukwiinga wapwaya kashanga cipangano ncendakapanga awebo akusuula milasho yangu yoonse, ntooshomesha ayi ntookunyaya bwaami bwako akubupa wacinenenene wako womwi.

Kulumbaisha 73:20

Bweenka bulubwa ciloto na muntu wabuka macuunsa, mbweshi bakaloobe bamucita shibi na noBaami baLesa mukabuke.

Kulumbaisha 91:15

Na bakasenge lucafwo ndaakubacafwa. Na bakabe mumapensho ndaakunooli abo. Ncakwiila ndaakubafuna akubalemeka.

Tushimpi 4:8

Suna busongo, abwalo bulaakukusumpula. Bukakatile, lyalo bulaakukuletela bulemu.

Tushimpi 8:17

Nebo nebusongo ndisuni bantu abo bansuni. Abo boonse banyandoola cankusu, balancana.

Jelemiya 29:32

ncakwiila ndaakumupa mulandu pantu pomwi abamulunyungu lwakwe. Taaku shikamukowa nabibo womwi weshi akacaale alimwi teshi akabonewo shintu shibotu nsheshi nkacitile bantu bangu ceebo wakaambila bantu kubukila ndime neMwaami Lesa. Nebo neMwaami Lesa ndaamba.’ ”

Esekelo 34:10

Nebo neMwaami Lesa Shinkusu shoonse ndaamba ayi, ‘Nobeembeshi, ndaakumulwana akumupa mulandu palitanga lyangu. Ndaakumukasha kulama litanga langu kwaamba ayi mwebo mutakaliwo tubili mbelele sha ndilyo. Ndaakushifuna kumilomo yanu. Ncakwiila teshi mukashilyewo tubili.

1 Baami 2:27

Mpeeke Solomoni wakakusha Abiyata pamulimo wa bupailishi bwa Mwaami Lesa. Ico cakalengesha maswi akaamba Mwaami Lesa kuShilo pamupailishi Eli abamulunyungu lwakwe, kucitika cancinencine.

1 Makani 17:18

“Anu nebo neDefedi inga ndaambanshi acimwi? Mukwiinga mwebo mulinshi kabotu nebo nemusebenshi wanu.

2 Makani 26:18

kuya mukumukasha. Bakamwaambila ayi, “Mwebo baUsiya, tamucite nkusu shakutenta tununkila kabotu kuMwaami Lesa. Sombibo bapailishi bamulunyungu lwakwe Aloni mbobakasalwa kucita mulimo uyo. Amusweemo mumusena usalalite uyo. Mwebo mwakalasha Mwaami Lesa, aboobo Mwaami Lesa teshi akamupeewo coolwe.”

Kulumbaisha 18:26

Mulisalalite kubaabo basalalite kuli ndimwe. Sombi kubaabo bataluleme pameenso anu, muli bakali.

Tushimpi 12:8

Na muntu ulicite busongo, bantu balamulumbaisha, sombi na muntu taacite maano, bantu balamusebaanya.

Jelemiya 49:15

Ndaakumulengesha kuceya pamishobo yoonse. Bantu boonse balaakumunyansha.

Malaki 2:3

Ono ceebo ca ndimwe, ndaakupa mulandu bamulunyungu lwanu. Ndaakumunanika bufumba bwa milambu yanu pameenso, akumutola nkobabusowela.