1 Samwelo 2:12 - Baibo Busansulushi Bwa Libuku Ili

¹² Bana bakwe Eli basankwa bakalinga babiibi. Tebakalinga kunyumfwila Lesa

1 Samwelo 2:12 교차 참조

Jelemiya 2:8

Bapailishi tabakwe kwiipushawo ayi, ‘Ino Mwaami Lesa uli kuli?’ Ncakwiila babona pamilawo tebakalinga kwinshiiwo, sobwe. Bamatanjilili abalo bakangashukila. Balaluki bakalinga kulaluka muliina lyakwe Baali, ee, kabakonkela shibumbwabumbwa shitaaku mboshibete.”

2 Bene Kolinto 6:15

Ino Klistu aMubiibi ulya inga basuminishanya buyani? Ino ono mushomi inga weendelana buyani autashomi?

Boomboloshi 2:10

Ono bamulishalane ili lyoonse ndibakamana kufwa, kwakesa lishalane limwi ilyo lyatakalinga kwishi Mwaami Lesa anshaakacitila bene Isilaeli.

Bene Loma 1:21

Bakalinga kwishi Lesa, sombi tabakwe kumulemeka mbwaaelete nabibo kumulumbaisha ceebo bakalinga kuyeeyabo shitacite ncito alimwi mitwi yabo iliswitebo munshinshe.

Joni 17:3

Buumi butamaani ubu nkwishiba ndimwe nobaLesa bancinencine nweenkabo akwishiba Jesu Klistu uyo ngomwakatuma.

Joni 16:3

Balaakucita boobo mukwiinga tababeshi baTa anebo tabenshi.

Joni 8:55

Nakubi kwaamba ayi mwebo tamumwishi, nebo ndimwishi alimwi na ndaamba ayi nshimwishi, nkokwaamba ayi ndaba mubeshi bweenka mbuli ndimwe. Ono nebo ndimwishi alimwi ndacita bwaamba liswi lyakwe.

Jelemiya 22:16

Lakwe wakalinga kwiimikanina bapenshi abakandu mumilandu. Aboobo shintu shoonse shakalinga kumweendela kabotu. Sa te kucita boobo mbocaamba kwishiba ndime? Nebo neMwaami Lesa ndaamba.

Jelemiya 9:6

Mulishiite pakati ka bubeshi. Mububeshi bwabo balakaka akunshiba, nebo neMwaami Lesa ndaamba.”

1 Baami 21:13

Lyalo basankwa beshishimfulunganya bobilo abo bakekala kabalangene anguwe akumubekesha ayi wakashingana Mwaami Lesa alimwi amwaami wa cishi. Lyalo bakamukusha mundabala akumucaya kumabwe.

1 Baami 21:10

Mubike basankwa beshishimfulunganya bobilo kwikala kabalangene anguwe kwaamba ayi bamubekeshe ayi wakashingana Mwaami Lesa alimwi amwaami wa cishi. Lyalo mumukusheewo akumutola kunsengwe lya ndabala mukumuuma mabwe akumucaya.”

1 Samwelo 25:17

Bulya ndaamba ayi mwishibe cikani ico akwaamba ayi muyeeye mbomweelete kucita, mukwiinga pamwaami wesu abamuŋanda yakwe boonse inga pacitika cilensha boowa. Cibiibi ncakwaamba ayi mwaami wesu ngushicimpamya alimwi taalwiitikwa.”

1 Samwelo 10:27

Sombi bantu bamwi batayeeyi kabotu bakaamba ayi, “Anu musankwa uyu inga watupulusha buyani?” Bakaamba shibiibi pali Saulo, aboobo taaku cipo ncibakamuletelaawo. Sombi Saulo wakalinga kuumwitebo.

1 Samwelo 3:7

Ono mwanike taakwe kwishiba ayi nguMwaami Lesa, ceebo taakwe kunyumfwawo kale liswi lyakwe Lesa.

Boomboloshi 19:22

Ono kabacilya akulisangalasha, bakabonabo bantu babiibi bamundabala iyo, bashinguluka ŋanda bakonkoonsha kucisasa akwaambila mucembele mwine ŋanda ayi, “Kusha mweensu wako pansengwe tucitaakwe nkwela.”

Dutolonomi 13:13

bantu bamwi bamucita shibi ba mumushobo wanu bayungoola bantu mumandabalaabo ayi balambile balesa abo mbomutakwe kulambilawo kale,

1 Samwelo 3:13

Ndakamulwiitawo kale ayi ndaakupa mulandu bamuŋanda yakwe kwamuyayaya ceebo bana bakwe basankwa bakancobola. Eli wakalinga kwishi ayi mbobatoocita ubo, sombi taakwe kubakasha.

Jelemiya 9:3

Balabambabamba milaka yabo anga mbuta kwaamba ayi bakushe bubeshi. Teshi kwaamba lushinisho kubalengesha kukoma mucishi, sobwe. Mwaami Lesa waamba ayi, “Bantu bangu baleelika cibiibi pacibiibi Tabantambuliiwo ayi ndi Lesa wabo, sobwe.

Esekelo 22:26

Bapailishi balapwaya milawo yangu akutalemeka shintu shangu shisalalite. Tabacishi kupansaanya shintu shisalalite ashitasalalite pakulambila. Balo baleeisha ayi taapu bupusano pakati ka shintu shisalalite kweelana aMilawo ashitasalalite. Tabalami abushiku bomwi abomwi bwakookesha bwa Cibelu. Paceebo ceeco bene Isilaeli tabandemeki.

Dutolonomi 13:14

mulyeelete kunyumfwishisha kabotu. Na mwacana ayi ncakwiila bubi bwa mushobo uyu bwacitika,