41 Mpomunyaawo mwine Filisiti ulya wakatalika kwisa cisena kufwaafwi aDefedi, shikumunyamwita liyawo kaali panembo lyakwe.
Lisumo lyakwe lyakalinga linene abuumbi anga ngumutika wa mungwala. Mutwi wa ceela wa ndilyo wakalinga kulema makilogilamu ali osanwe aobilo. Uyo wakalinga kumunyamwita liyawo wakalinga kweendela kunembo lyakwe.
Mpeeke wakabwesa nkoli yakwe mumaansa, akusaloola mabwe abulungene mukalonga akwaabika mucipokolo cakwe ncaasebensesha pakweembela mbelele. Lyalo wakabwesa cipaya cakuwaalisha mabwe cakwe akusena pafwaafwi amwine Filisiti uyo.
Mwine Filisiti uyo ndyaakalanga akucana kwaamba ayi nguDefedi, mwanike mubotu ciwa alimwi wiimfwi kabotu, wakamunyansha.
Mpomunyaawo Mwaami Lesa wakaambila Joshuwa ayi, “Tondeka lisumo ndyoocite mulyaansa kundabala ya Ai, ceebo ntooipa mumaansaako.” Mpeeke Joshuwa wakatondeka lisumo kundabala iyo.
