1 Samwelo 17:36 - Baibo Busansulushi Bwa Libuku Ili

³⁶ Ndushinisho nebo nemusebenshi wanu ndacaya nkalamu alimwi abeya. Ono sunu mwine Filisiti ulya utooba bweenka mbuli banyama abo mukwiinga wanyansha likoto lya bashilumamba bakwe Lesa muumi.

1 Samwelo 17:36 교차 참조

1 Samwelo 17:10

Sunu nobashilumamba bene Isilaeli ndamuteteesha! Amumpe muntu ngweshi tulwanaakwe.”

Sekaliya 12:3

Ono ciindi ico caakushikila, mishobo ya mucishi ca panshi yoonse yaakubungana pantu pomwi ayi ilwane ndabala iyo, ndaakulengesha Jelusalemu kuba anga ndibwe lilemu. Nkokwaamba ayi kulila mushobo uyo weenga weelesha kulinyamuna, ulaakulicisa.

Sekaliya 2:8

Uyo woonse umutyunka munwe cilyeelenebo akutyunka ndime muliinso.” Paceebo ceeci Mwaami Lesa Shinkusu shoonse wakantuma kwaambila baabo bakalinga kusaala bantu bakwe ayi,

Esekelo 32:19

Ubeepushe ayi, ‘Sa mwebo mulisunikwi kwiinda bamwi? Mulaakuya kumusena wa bafu akoona pantu pomwi abaabo batapalwitwe.’

Isaya 36:18

Esekiya atamubeeci ayi Mwaami Lesa ulaakumupulusha. Sa balesa ba mishobo imwi bakafunawo kale shishi shabo kuswa kumwaami wa bene Asilya?

Isaya 36:15

Atamuyungooli ayi mucinke manungo muMwaami Lesa. Mutanooyeeya ayi Mwaami Lesa ulaakumufuna nabi kukasha likoto lya bashilumamba bene Asilya kubwesa ndabala yanu.’

Isaya 10:15

Sombi Mwaami Lesa waamba ayi, “Ono sa keembe inga keenda wooyo ukasebensesha? Sa cakutimbusha mapulanga inga calisumpula kuwooyo ucisebensesha? Sa mpimfwa njeenyamuna muntu na ngumuntu unyamuna mpimfwa?”

1 Samwelo 17:26

Mpeeke Defedi wakeepusha basankwa bakalinga pafwaafwi ayi, “Ino musankwa weshi akacaaye mwine Filisiti ulya akukusha malwesa ngwaatoolamba bene Isilaeli, ulaakucitilwa buyani? Alimwi lakwe ngumwine Filisiti buyani, utapalwitwe, weenga kaanyansha likoto lya bashilumamba bakwe Lesa muumi?”

1 Samwelo 14:6

Jonasani wakaambila musankwa cikula bwangu ayi, “Atusubukile kumisumba ya babalya bakunsengwe, bene Filisiti. Mpashi Mwaami Lesa utootucafwa. Na wacita ubo, taaku mpweenga cayumina kuli nguwe kutulengesha ayi tukome nabi tuli baniini buyani pano.”

1 Samwelo 17:35

ndakonkela munyama uyo, kumulwana akufuna mbelele mumulomo wakwe. Na munyama uyo wapilulukila ndime, ndamucata pamukolomeno akumuuma kushikila wafwa.

1 Samwelo 17:37

Mwaami Lesa uyo wakamfuna kunkalamu abasuntwe banene, utoomfuna akumwine Filisiti ulya.” Lyalo Saulo wakaambila Defedi ayi, “Ncibotu, koya alimwi Mwaami Lesa abe awebo.”

1 Samwelo 18:17

Mpeeke Saulo wakaambila Defedi ayi, “Ngu Melabu mwanaangu mwanakashi munene bantu. Ntoomutula mumaansaako ayi umweebe na usumine kunoosebensela ndime cakubula boowa, kunyumfwila alimwi akunoolwanabo nkondo ya Mwaami Lesa.” Saulo wakalinga walyaamboosha mwiine ayi, “Nebo ndakaaka kumucaya, nshikwe, akukamucayebo bene Filisiti.”

1 Samwelo 31:4

Mpomunyaawo Saulo wakaambila shikunyamuna shakulwanisha wakwe ayi, “Kusha mupeeni wako uncaisheeko mukwiinga bantu batapalwitwe aba inga besa mukunsekanya akuncaya.” Sombi cikula bwangu uyo taakwe kucita ubo mukwiinga wakaloonda abuumbi. Mpeeke Saulo wakabwesa mupeeni wakwe mwiine akuwitaawo kawiimfwi.

Esekelo 28:10

Ulaakufwa lufu lwa muntu utana kupalulwa mumaansa a baswamashi abo. Nebo neMwaami Lesa Shinkusu shoonse ndaamba.’ ”

2 Makani 32:17

Mwaami Senakelibu wakalemba ankalata yakucobola Mwaami Lesa, Lesa wa bene Isilaeli. Nkalata iyo yakalinga kwaamba ayi, “Bweenka balesa ba shishi shimwi mbobatakwe kufunawo kale bantu babo kuswa mumaansaangu, mbweeke ubo lesa wakwe Esekiya teshi akafuneewo bantu bakwe kuswa mumaansaangu.”

Danyelo 5:23

Ncakwiila mwebo mwakalisumpula akulwana Mwaami Lesa wa kwiculu. Mwakatuma bantu kumuletela nkomeshi shakaswa muŊanda yakwe. Lyalo mwebo, bacinenenene, bamakaanu alimwi abakasuwa banu mwakanwitaamo waini akulumbaisha balesa ba silifa, ba golodi, ba bulonse, ba nshimbi, ba shisamu alimwi aba mabwe abo batakonshi kubona, kunyumfwa nabi kwishiba cintu nabi comwi. Sombi tamukwe kulemeka Lesa uyo ucite buumi bwanu mumaansaakwe pantu pomwi anshemucita.