1 Samwelo 17:12 - Baibo Busansulushi Bwa Libuku Ili

¹² Defedi wakalinga mwanaakwe Jese mwine Efulati mundabala ya Betileemu kucishi ca Juda. Jese wakalinga kucite baana basankwa bosanwe abotatwe, alimwi muciindi cakwe Saulo wakalinga kucembelete abuumbi.

1 Samwelo 17:12 교차 참조

Matalikilo 35:19

Lakelo ndyaakafwa, bakamubika mweela nshila iya kuEfulati uko bulya kwiitwa ayi Betileemu.

1 Samwelo 16:18

Mpeeke womwi pakati ka basebenshi wakakumbula ayi, “Ndibweneewo mwaana musankwa wakwe Jese mwine Betileemu ucishi kulisha kabotu kalumbu. Ngumusankwa utacite boowa, shilumamba mubotu, ucishi kubandika alimwi uboneka kabotu abuumbi. Mwaami Lesa uli anguwe.”

1 Samwelo 17:58

Lyalo Saulo wakamwiipusha ayi, “Webo ocikula bwangu, anu uli mwanaakwe ni?” Defedi wakakumbula ayi, “Nebo nkambo, ndi mwanaamusebenshi wanu Jese wa kuBetileemu.”

Lute 4:22

Obedi wakashala Jese, lyalo Jese wakashala Defedi.

Mateyo 2:6

‘Webo Betileemu wa mucishi ca Judeya, toobete ndabala iniini pamandabala oonse a muJudeya, ceebo muli ndiwe mulaakuswa mutanjilili eshi akeembele bantu bangu bene Isilaeli anga ngumweembeshi.’ ”

Mateyo 1:6

Jese wakashala mwaami Defedi. Ono Defedi wakashala Solomoni muli muka Uliya.

1 Samwelo 16:1

Mwaami Lesa wakaambila Samwelo ayi, “Utootola ciindi cilaamfu buyani kuungumana ceebo cakwe Saulo? Nebo ndamukaka kale kunoocili mwaami wa cishi ca Isilaeli. Susha lwiica lwako amafuta a maolifi unooya. Ntookutuma kuli Jese wa kuBetileemu. Ndasalaawo womwi pabana bakwe basankwa kuba mwaami.”

Mateyo 2:1

Jesu wakashalilwa mundabala ya Betileemu mucishi ca Judeya, munshiku isho Elodi ndyaakalinga mwaami wa mucishi ico. Ndyaakashalwabo, bantu basongo bakaswa kwicwe bakashika muJelusalemu akwiipusha ayi,

Mika 5:2

Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”

Kulumbaisha 132:6

Twakanyumfwa shaLibokoshi lya Cipangano muEfulata. Twakalicana mumyuunda ya ndabala ya Jeyalimu.

1 Samwelo 17:11

Saulo abene Isilaeli bamwi ndibakanyumfwa maswi ayo a mwine Filisiti uyo, bakakankamana akuloonda abuumbi.

Lute 4:17

Beshikamukobonyina Naomi banakashi bakaambila bantu boonse ayi, “Kwashalwa mwaana kuli Naomi!” Bakatumba mwaana uyo ayi Obedi. Obedi ngowakalinga ishi Jese uyo wakashala Defedi.

1 Samwelo 1:1

Kwakalinga musankwa wa mumukowa wakwe Efuleemu wakalinga kwiitwa ayi Elikana. Wakalinga kwikala mundabala ya Lama, mucishi ca tulundu ca Efuleemu. Elikana wakalinga mwanaakwe Jeloamu alimwi mwishikulu wakwe Eliyu mwanaakwe Towu mucipani cakwe Sufu.

2 Samwelo 23:1

Ono aya ngamaswi akweelaako akwe Defedi. Ngamaswi abulaluki akwe Defedi mwanaakwe Jese, maswi a muntu wakasumpulwa kuMwaami Lesa Wiindaawo, musankwa uyo Lesa wakwe Jakobo ngwaakasala kuba mwaami. Ncakwiila uyo shikwiimba nyimbo shibotu wa bene Isilaeli.