1 Samwelo 12:9 - Baibo Busansulushi Bwa Libuku Ili

⁹ Sombi bantu bakaluba Mwaami Lesa wabo. Mpeeke wakasuminisha Sisela uyo wakalinga mutanjilili wa bashilumamba ba ndabala inene ya Asoli, bene Filisiti alimwi amwaami wa cishi ca Moabu kulwana bamashali banu bakulukulu akubakoma.

1 Samwelo 12:9 교차 참조

Boomboloshi 13:1

Ono bene Isilaeli bakabisha alimwi pameenso a Mwaami Lesa. Aboobo Mwaami Lesa wakabaaba mumaansa a bene Filisiti kwamyaaka makumi one.

Boomboloshi 10:7

Paceebo ceeci Mwaami Lesa wakakalalila bene Isilaeli akubaaba mumaansa abene Filisiti aa bene Amoni.

Boomboloshi 4:2

Aboobo Mwaami Lesa wakabaaba mumaansa akwe Jabini mwaami wa bene Kenani wakalinga kulela muAsoli. Mutanjilili wa bashilumamba bakwe wakalinga kwiitwa ayi Sisela. Sisela wakalinga kwikala mundabala ya Alosheti Agoyimu.

Boomboloshi 3:12

Ono bene Isilaeli bakabisha pameenso a Mwaami Lesa alimwi. Aboobo Mwaami Lesa wakalengesha Egiloni mwaami wa kuMoabu ayi eendeewo nkusu pali mbabo.

Dutolonomi 32:18

Bakakaka Mwaandami, Lesa uyo wakabalenga, Bakaluba Lesa wabo uyo wakabapa buumi.

Jelemiya 2:32

Sa mooye inga waluba shakulibotesha shakwe? Sa nabwiinga inga walubako lilaaya lyakwe lya pabwiinga? Sombi nebo bantu bangu bakanduba kwa ciindi cilaamfu, ee, kwanshiku shitakoonshi kubelengekwa.

Isaya 63:10

Nakubi boobo bakamwaashukila akukalasha Mushimu wakwe Usalashi. Aboobo wakabaalookila akuba mulwani wabo ncakwiila wakabalwana mwiine.

Kulumbaisha 106:21

Bakaluba Lesa uyo wakabafuna ndyaakacita shaankamiko mucishi ca Ijipiti.

Boomboloshi 3:31

Ono moomboloshi wakaboolaawo Eyudi ndyaakafwa wakalinga kwiitwa ayi Shamuga mwanaakwe Anati. Musankwa uyo wakacaya bene Filisiti bali 600 kucakuculumishishako ŋombe. Alakwe mbwaakafuna bene Isilaeli ubo.

Boomboloshi 2:14

Aboobo Mwaami Lesa wakabaaba mumaansa a beshikusaala, abo bakasaala shintu shabo, akubalwani babo abo bakalinga kubashingulukite cakwaamba ayi bakaalilwa kulifuna.

Dutolonomi 32:30

Anu muntu womwi inga wakoma buyani bali cuulu, nabi bobilo kukoma bali shuulu likumi? Sa te nceebo cakwaamba ayi Mwaandami wabo wakabashiya beenka? Ndushinisho Mwaami Lesa, Lesa wabo wakabalekelesha.

1 Samwelo 12:15

Ono na mukabule kunookutika Mwaami Lesa, alimwi akutakonkela milawo yakwe, ulaakuba mulwani wanu bweenka mbwaakaba mulwani wa bamashali banu bakulukulu.

2 Samwelo 7:11

alimwi akuswabo ciindi ndindakasala boomboloshi ayi batanjilile bantu bangu bene Isilaeli. Ono ndaakukupa luumuno mukulengesha balwani bako boonse bakushingulukite kubula luta. Nebo neMwaami Lesa ndaakukupa bamulunyungu.