24 Ono kamunyumfwila Mwaami Lesa akumusebensela cakushomeka alimwi acamoyo woonse. Amwiibaluke shintu shikankamanisha isho nshaakamucitila.
Amumulumbaishe ceebo nguLesa wanu. Mwebo nobeene mwakabona ameenso anu shintu shikankamanisha nshaakacita ceebo ca ndimwe.
Pakusekelela kwabo balalishilwa tulumbu tunene atuniini, misebe amitoolilo akunwa waini. Sombi kumilimo ya Mwaami Lesa tababikiiko amaano. Ncakwiila milimo ya maansaakwe baleesuula.
Kuloonda Mwaami Lesa ngomatalikilo a lushibo, sombi balo baluya balanyansha busongo akukaka kulilemeka.
Mukwiinga Lesa wesu ncakwiila ngumulilo unyonyoola.
Kuloonda Mwaami Lesa ngomatalikilo a busongo. Boonse abo bakonkela milasho yakwe mbobacite lushibo lwiine lwiine. Aalumbaishikwe lyoonse alyoonse.
Ono shoonse shanyumfwikwa. Anu meelelesho amakani oonse ngaaya: Kolemeka Lesa akukonkela milawo yakwe yoonse mukwiinga uyu ngomulimo woonse wakapekwa muntu.
Bulowa ubo mbweshi bukananikwe kushisamu sha kumilyango ya maandaanu, bulaakuba ncecitondesho ayi ngamaandaanu. Na ndaboona bulowa ubo, ndaakumusotokela, nkokwaamba ayi mwebo teshi nkamuletelewo mwaalu unyonyoola pakunoopa mulandu bene Ijipiti.
Ono nobamakwesu ceebo Lesa wakatunyumfwila nkumbu abuumbi, ndamusenga kwaamba ayi mulibeenge amyoyo yanu yoonse ayi mube mulambu uumi kuli Lesa, usalalite alimwi umusangalasha. Iyi njenshila yancinencine yakulambililaamo Lesa.
Moyo wangu utabi akampenda kumilasho yanu, kwaamba ayi ntakalenshekwi nsoni.
“Mpeeke Lesa wakaambila muntu ayi, ‘Kuloonda Mwaami Lesa mbobusongo. Kufutatila bubi ndolushibo lwiine lwiine.’ ”
Ono Jesu ndyaakabona Natanaelo keesa kuli nguwe wakaamba ayi, “Anooyu mwine Isilaeli wancinencine, muli nguwe taamu kampenda.”
Lyalo Joshuwa wakatolelela ayi, “Anu ono kamulemeka Mwaami Lesa akumusebensela cakushomeka munshila shoonse. Amusowe balesa bakalinga kulambila bamashali banu bakulukulu muMesopotamya amuIjipiti. Lyalo musebenselebo Mwaami Lesa.
Maswi aya nga mucipangano ca Mwaami Lesa ico ncaakaambila Mose ayi apange abene Isilaeli mucishi ca Moabu. Uku nkwiilikoobo pacipangano cakwe ambabo paKalundu ka Sinayi.
Mpomunyaawo Mose wakabunganya bene Isilaeli boonse akubaambila ayi, “Mwakalibonena nobeene shoonse isho Mwaami Lesa nshaakacita kuli Falawo mwaami wa kuIjipiti, bamatanjilili bakwe alimwi akucishi cakwe coonse.
Sombi kamulambilabo ndime neMwaami Lesa, Lesa wanu. Nebo ndaakumufuna kuswa kubalwani banu.”
