1 Samwelo 12:21 - Baibo Busansulushi Bwa Libuku Ili

²¹ Mutakonkeli shibumbwabumbwa shitacite mpindu. Tashikoonshi kumucafwa nabi kumufuna mukwiinga taaku mboshibete.

1 Samwelo 12:21 교차 참조

Abakuku 2:18

Anu cibumbwabumbwa cilicite mpindunshi? Sa te ncintubo ico muntu ncaakapanga? Taaku nceenga muntu wacanaako kulekabo bubeshi. Ino nimpindunshi uyo wakacipanga njeenga wacanaako mukucinka manungo muli ncico? Amubone, cibumbwabumbwa ico tacikoonshi kwaamba!

Jelemiya 16:19

Nobaami baLesa mwebo nomumpa nkusu alimwi nolilinga lyangu, mwebo ndimwe ciyubilo cangu muciindi ca mapensho. Kuli ndimwe mishobo yoonse ya bantu nkweshi ikese kuswa kweela cishi akwaamba ayi, “Bamashali besu bakulukulu taaku ncebakalinga kucite, sombibo balesa bakubeca. Ncakwiila bakalinga kucitebo shibumbwabumbwa shitaaku mboshibete shatakalinga kubacafwaawo.

Jelemiya 10:15

Taakuuwo mbobabete, balyeelete kusuulwa. Ciindi cakoomboloshekwa kwabo caakushikila, balaakumana kuloba.

Jelemiya 14:22

Sa shibumbwabumbwa shilicite nkusu shakuleta mfula? Sa liculu lyeenka inga lyakonsha kulosha mfula yatepetepe? Sobwe, ndimwebo, Nobaami baLesa, baLesa besu. Aboobo kulangila kwesu kulibo kuli ndimwe ceebo ndimwebo nweenka nomucita shoonse ishi.

Dutolonomi 11:16

Mutakalisuminishi kuyungoolwa kuswa kuMwaami Lesa akutalika kulambila balesa bamwi akubasebensela.

1 Bene Kolinto 8:4

Ono aboobo pamakani akulya shakulya shipekwa kushibumbwabumbwa, tulishi ayi shibumbwabumbwa tashicite ncito. Alimwi tulishi ayi kulibo Lesa womwi.

Jona 2:8

“Abo balambila shibumbwabumbwa shitacite ncito, baleendwa nkumbu sheelete kuba shinebo.

Jelemiya 2:13

Bantu bangu bakacita shibiibi shobilo. Bamfutatila nebo nekantupu ka buumi akulikabila mikalo yabo beene, mikalo itakoonshi kusunga amaanshi.

Isaya 46:7

Balamubika pacifushi akumunyamuna. Lyalo balamwiimika pamusena wakwe, kwiimikana cakutakonsha kusena pamusena apo mpwaabikwa. Na muntu wapaila kuli nguwe, taakoonshi kukumbula nabi kupulusha muntu uyo kuswa kushintu shiyoosha.

Isaya 45:20

Mwaami Lesa waamba ayi, “Amuyoboloke akwisa. Ee, amuyoboloke mwebo nomwakalobokela pakati ka mishobo imwi. Batacite lushibo mbaabo banyamuna balesa ba shisamu, ee, abo bapaila kubalesa batakoonshi kubapulusha.

Jelemiya 10:8

Boonse tabacite maano alimwi mbaluya. Anu inga beeyanshi kushibumbwabumbwa isho shakapangwabo kushisamu?

Jelemiya 2:5

Mwaami Lesa utokwiipusha ayi, “Ino ncibiibinshi bamashali banu bakulukulu ncebakambonena, ico cakabalengesha kupambuka bobulya kuswa munshila yangu? Beene bakakonkela shibumbwabumbwa shitaaku mboshibete, lyalo abalo beene bakaba bantu bataaku mbobabete.

Isaya 41:29

Balesa boonse aba mbakubeca. Taaku ncebakonsha kucita nabi comwi. Shibumbwabumbwa taaku mboshibete, ngumuuwobo.”

Dutolonomi 32:21

Bakanengesha kunyumfwa busuba ceebo cakulambila citeshi Lesa. Bakankalasha ceebo cakulambila shibumbwabumbwa shitaaku mboshibete. Aboobo ndaakubalengesha busuba mukupa bulemu mushobo utacite ankooya. Ndaakubakalasha mukusuna bantu batacite lushibo.

Milimo ya Batumwi 14:15

“Mutoocitilanshi bobulya? Swebo tuli bantubo bweenka mbuli ndimwe. Twakesa mukumushimikila Makani Abotu kwaamba ayi musanduke kuswa kushintu sha mushobo wooyu shitaaku mboshibete, akusandukila kuli Lesa muumi uyo wakalenga liculu, cishi ca panshi alweenge alimwi ashintu shoonse shili muli nshisho.

Dutolonomi 30:17

Sombi na mukabule kucita boobo, mukayungoolwe kuya mukufukamina akulambila balesa bamwi,

2 Baami 17:15

Bakakaka milasho yakwe yoonse acipangano ico ncaakapanga abamashali babo bakulukulu alimwi akucenjesha uko nkwaakabapa. Bakalinga kulambila shibumbwabumbwa shitacite ncito abalo bakaba bantu batacite ncito. Bakakonkela bwikaalo bwa bantu bakalinga kubashingulukite nabi Mwaami Lesa wakabaambila ayi, “Mutanoocita isho nshebacita.”

Jona 2:9

Sombi ndaakubenga mulambu, akwiimba lwiimbo lwakulumba. Ico ncendakamushomesha cakulumbila, ndaakucicita. Ncakwiila lupulusho lulaswabo kuli ndimwe noBaami baLesa.”