1 Pita 5:5 - Baibo Busansulushi Bwa Libuku Ili

⁵ Amwebo nobasankwa bacikula bwangu mulyeelete kunoolibombya kubamanene basankwa. Noonse mulyeelete kunoolibambite kusebenselana cakuliceesha. Kweelana amaswi akwe Lesa aamba ayi, “Lesa ulakaka bantu balisumpula, sombi ulapa luse kubaabo baliceesha.”

1 Pita 5:5 교차 참조

Jemusi 4:6

Sombi Lesa ulatupa luse lwakushikoma. Nceceeco Malembo ncaambila ayi, “Lesa ulakaka bantu balisumpula sombi ulapa luse kubaabo baliceesha.”

Tushimpi 3:34

Ncakwiila ulaweluluka bantu balisumpula, sombi ulapa luse kubaabo baliceesha.

Bene Efeso 5:21

Ceebo mulalemeka Klistu, mulyeelete kunyumfwana.

Bene Loma 12:10

Amusunane cancinencine mbuli banabankashi muli Klistu alimwi akunoolibambite kupaana bulemu.

Bene Filipi 2:3

Mutaciti cintu nabi comwi cakulisuna nabi kulisumpula. Sombi muliceeshe, lyoonse kunoobona babyaanu anga balamwiindaawo.

Bene Kolose 3:12

Mwebo muli bantu abo Lesa mbwaakasuna akumusala kwaamba ayi mube bantu bakwe. Paceebo ceeco, mulyeelete kuba beshinkumbu, bacita kabotu, baliceesha, balibombya akuba bantu bacata myoyo.

Isaya 66:2

Sa teshi ndime ndakalenga shintu shoonse ishi? Ncakwiila ndime ndakalengesha ayi shibeeko.” Mwaami Lesa waamba. “Ono muntu unkonda ngooyu: muntu ulibombya, ulisenda na walubisha alimwi uloonda maswi angu.

Bene Loma 13:14

Tatweelete kubika maano musheesho shiyanda mubili, sombi Jesu Klistu abe nsheshakulwanisha shesu.

1 Pita 4:5

Sombi balaakulyaambilila mulandu wabo pameenso akwe Lesa, uyo weshi akoomboloshe boomi abafu.

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Bene Ebulu 13:17

Amunyumfwile bamatanjilili banu kwiinda mukukonkela milasho yabo. Lyoonse balalama buumi bwanu cakutookesha mukwiinga balaakusansulwita Lesa mbuli mbobakasebensa milimo yabo. Na kamubanyumfwila, balaakusebensa milimo yabo iyo cakusangalala. Sombi na kamutabanyumfwili, balaakusebensa cabuumba, aboobo ici teshi cikamucafweewo, sobwe.

Bene Lefi 19:32

“Kamubonesha bulemu kubamanene alimwi akubalemeka. Kamumpa bulemu akunyumfwila. Nebo ndime Mwaami Lesa.

1 Pita 4:1

Ono mukwiinga Klistu wakapenshekwa mumubili, amwebo mulyeelete kuliyumyayumya kwiinda mumuyeeyo ngomunya wakalinga kucite Klistu ceebo uyo woonse upenshekwa, teendeleshekwi abubi.

Kulumbaisha 132:9

Bapailishi banu abafwale bululami anga ncakufwala. Abalo bantu banu basalalite kabeemba cakusangalala.

Jobo 29:14

Ndakalinga kucita shintu shiluleme ciindi coonse. Ndushinisho milimo yangu yoonse yakalinga ibotu.

Jobo 22:29

Lesa ulabombya balisumpula alimwi akupulusha balibombya.

Isaya 61:10

Ndasangalala cankusu muMwaami Lesa. Moyo wangu ulisangalete abuumbi muli Lesa. Ceebo wamfwalika lupulusho anga ncakufwala ca peculu akumfwalika bululami anga ngumungaanjo. Wamfwalikabo bweenka shibwiinga nabi mupailishi mbwaalibotesha kumutwi, nabibo shibwiinga mbwaalibotesha ashakulibotesha sha makwebo.

2 Makani 6:41

“NoBaami baLesa, ono amunyamuke mwise kuŊanda yanu akwikalaamo kwalyoonse alyoonse pantu pomwi aLibokoshi lyanu lya Cipangano citondesho ca nkusu shanu. NoBaami baLesa, bapailishi banu ababe ankusu shakutanjilila bantu kulupulusho ayi bantu banu basangalale mububotu bwanu.

Kulumbaisha 132:16

Ndaakupa shoolwe bapailishi ba mumo mushintu shoonse nsheshi bakanoocita. Bantu bekalaamo balaakwiimba cakusangalala.

Kulumbaisha 138:6

NoBaami baLesa, nakubi kwaamba ayi muli kwiculu mulalama baliceesha alimwi beshikulisumpula mulabona shintu shoonse nshebacita.

Esekelo 26:16

Lyalo bamaami bali kuloombe lwa lweenge balaakuswa pashuuna shabo sha bwaami, bakafuule mingaanjo yabo ashakufwala shabo shakatungwa shakubotesha. Balaakwikala panshi kabaloondete alimwi kabatutuma cakutacilekaawo ceebo ca mapensho ako.

Luka 22:26

Sombi mwebo tabushi mbomweelete kuba ubo, sobwe. Munene pali ndimwe ulyeelete kuba mbuli mwanike alakwe mweendeleshi ulyeelete kuba musebenshi wanu noonse.

1 Timoti 5:1

Utanookalalila munene, sombi ulyeelete kumwaambila cabulemu anga mbaiso. Abalo bacikula bwangu kobacita anga mbanandumi shako,

1 Pita 3:8

Cakweelaako, noonse amucatane amoyo womwi akuba amyoyo ibombu. Mulyeelete kusunana abashominyinaanu akunoonyumfwilana nkumbu alimwi akuliceesha.

Tushimpi 25:7

Ncibotu mwiine kukulwiita ayi, “Inda use ukalile kokuno,” kwiinda kwaamba ayi akulenshe nsoni pameenso a wacinenenene. Nshewabona ameenso ako

Danyelo 11:12

Mwaami wa bene Ijipiti ulaakulisumpula abuumbi ceebo cakukoma kwakwe alimwi aceebo ca bashilumamba baanji abo mbweshi akacaaye. Sombi teshi akatolelele kukoma.