1 Pita 4:8 - Baibo Busansulushi Bwa Libuku Ili

⁸ Cinene ncakwaamba ayi musunane cankusu ceebo na mwasunana, inga kamulibambite kulekelelana shibiibi.

1 Pita 4:8 교차 참조

Tushimpi 10:12

Lupato lulalengesha kwaambana, sombi lusuno lulapa kulekelela shilubo shoonse.

Bene Kolose 3:14

Pashintu shoonse ishi mulyeelete kuba alusuno, lwalo ndolucatanya shintu shoonse ishi, kwaamba ayi shilulame.

Tushimpi 17:9

Uyo ulekelela mubye mulandu ngayi ulisuni cibusa, sombi uya cibandika cilubo ca mubye ulalengesha cibusa kumana.

1 Pita 1:22

Ono bulya mbomwasalasha myoyo yanu mukunyumfwila shalushinisho ambuli mbomusunene abashominyinaanu, mulyeelete kusunana amyoyo yoonse.

Jemusi 5:20

amulabilile kwaamba ayi uyo woonse ukusha mubye munshila shakwe sha shibiibi, ulaakupulusha buumi bwa muntu uyo kuswa mulufu lutamaani akulengesha ayi shibiibi shakwe shiinji shikalekelelwe.

1 Bene Kolinto 13:1

Nebo inga kaancikonsha kwaamba milaka yaamba bantu nabibo yaamba baanjelo, ono na kaantacite lusuno kwaamba kwangu kuli anga nkulila kwa mulangu nabibo cinshimbi citokuumwa.

1 Bene Tesalonika 3:12

Mwaami Jesu aakomeneshe kusunana kwanu alusuno lwanu kubantu boonse kwaamba ayi shishike palusuno ndotucite pali ndimwe.

Bene Ebulu 13:1

Amutolelele kusunana mbuli bamukowa.

1 Timoti 1:5

Mulasho uyu uliimfwi palusuno ulo luswa mumoyo usalalite, miyeeyo iluleme alimwi alushomo lwalushinisho.

2 Bene Tesalonika 1:3

Nobamakwesu, tulyeelete kulumba Lesa ceebo canu lyoonse. Cililuleme abuumbi kuli ndiswe kulumba Lesa ceebo lushomo lwanu lwakomena abuumbi alimwi kusunana kwanu kutooya ciindaawo.

Tushimpi 18:13

Uyo ukumbula katana kunyumfwisha makani, ngumuluya alimwi ulalilenshabo nsoni.

Tushimpi 12:16

Na muluya wakalala ulafwambaana kutondesha bukali bwakwe, sombi ucenjete uloongulushabo na watukanwa.

3 Joni 1:2

Oosunikwi, ntoosenga kwaamba ayi shintu shoonse kasheenda kabotu kuli ndiwe alimwi akunoobukila buumi. Ndishinishite kwaamba ayi ulibo kabotu mumuuya.

Jemusi 5:12

Bunene bunene nobamakwesu, pakushomesha cimwi cintu mutanoolumbila kwiculu nabi cishi ca panshi nabi pacintu cimwi cili coonse. Nkwaambabo ayi, “Ee” na ulyeelete kusumina nabi ayi, “Sobwe” na ulyeelete kukaka, kwaamba ayi Lesa atakamupi mulandu.

1 Bene Kolinto 13:4

Lusuno lulakalika moyo akulengesha nkumbu alimwi talupi munyono, kulilumbaisha nabi kulisumpula.