1 Pita 4:17 - Baibo Busansulushi Bwa Libuku Ili

¹⁷ Mukwiinga ciindi cashikila cakwaamba ayi Lesa atalike koombolosha bantu bakwe. Ono na Lesa ulaakutaanguna koombolosha ndiswe, ino cilaakuba buyani kubaabo batashomi Makani Abotu akwe Lesa?

1 Pita 4:17 교차 참조

Jelemiya 25:29

Amubone ntooyanda kutalika kuleta mapensho pandabala iyo iitwa liina lyangu. Sa ncakwiila mutooyeeya ayi nkamulekebo kutamupa mulandu? Sobwe, teshi nkamulangebo kwakutamupa mulandu ceebo ndaakuleta nkondo pali boonse abo bekala mucishi ca panshi. Nebo neMwaami Lesa Shinkusu shoonse ndaamba.’

2 Bene Tesalonika 1:8

Ulaakwisa amulilo weshi ukanoobilima akutondesha bukali bwakwe kubakaka kwishiba Lesa abaabo bakaka kukonkela shaamba Makani Abotu a paMwaami wesu Jesu.

Esekelo 9:6

Muye mucaye bacembele, bacikula bwangu basankwa abanakashi, banakashi banene abanike, sombi kuteelesha kukumya wooyo ucite cishibilo. Mutalikile muŊanda yangu isalalite.” Aboobo bakatalikila bamaloba abo bakalinga kunembo lya Ŋanda yakwe Lesa.

1 Pita 2:8

Malembo akwe Lesa alaamba alimwi ayi, “Ili ndyelibwe lyeshi likalengeshe bantu kulisuntula ndyelyeelyo lyeshi likalengeshe bantu kuwa.” Bakalisuntula ceebo tabakwe kunyumfwila maswi akwe Lesa. Ici cakacitika kweelana akuyanda kwakwe.

Bene Loma 2:9

Mapensho alimwi amakatasho alaakuba pabantu abo bacita shibiibi, kutaanguna baJuda, pesule baswamashi bakunsengwe.

Luka 23:31

Ino ono na bantu kabacita boobo kucisamu cicili citontola, ino kulaakuba buyani caakuyuma?”

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Amosi 3:2

Waamba ayi, “Pakati ka mishobo yoonse ya pacishi ca panshi, ndimwebo ndakasala kuba bantu bangu. Paceebo ceeco ndaakumupa mulandu pashibiibi shanu shoonse.”

Isaya 10:12

Sombi Mwaami Lesa waamba ayi, “Ndamanisha kucita nsheentoocita paKalundu ka Siyoni amundabala ya Jelusalemu, ndaakupa mulandu muleli munene wa kuAsilya ceebo cakulisumpula, ee, ceebo cakulinaamuna kwakwe.”

Bene Ebulu 5:9

Ndyaakamanisha mulimo wakwe woonse, wakaba nshila ya lupulusho lutamaani kubaabo boonse bamunyumfwila.

Bene Ebulu 2:4

Alakwe Lesa wakalinga kuyumya bukamboni bwabo kwiinda mukucita shaankamiko shipusenepusene ashitondesho sha nkusu sha kwiculu alimwi akwiinda mukubapa shipo sha Mushimu Usalashi kweelana akuyanda kwakwe.

Bene Ebulu 2:2

Makani Lesa ngaakaamba kwiinda mubaanjelo, akatondeshekwa ayi ngancinencine. Aboobo uyo woonse utakwe kucita kweelana amakani ayo, Lesa wakamupa mulandu weelete.

Bene Galatiya 5:7

Mwakalinga kwisa kabotu abuumbi muMakani Abotu! Ino ngani wakamukasha kunyumfwila shalushinisho?

Bene Ebulu 11:8

Ndushomo lwakalengesha ayi Abulaamu anyumfwile Lesa ndyaakalwiitwa kuya kucishi ico Lesa mwiine ncaakashomesha ayi ulaakumupa. Wakaswa mucishi cine mishaabo kaateshi ankwaakalinga kuya.

Bene Galatiya 3:1

Mwebo nobene Galatiya baluya! Anu ngani wakamulowa? Nditwakamushimikila shapali Jesu Klistu, twakamusansulwita patuba ayi wakapopwa pamucilingano.

Jelemiya 49:12

Mwaami Lesa waamba ayi, “Na bantu abo batakalinga kweelete kunwa munkomeshi ya bukali bwangu, bakanwa, ceebonshi mutooyeeya ayi mwebo teshi mukapekwewo mulandu? Teshi mukalekwebo, sombi mulyeelete kunwaamo.

Bene Loma 1:1

Ndime Paulo musebenshi wakwe Jesu Klistu. Lesa wakansala akunjita kwaamba ayi mbe mutumwi wakushimikila Makani Abotu aswa kuli nguwe.

Bene Galatiya 6:10

Paceebo ceeco, bulya mbotucite ciindi ceelete, atucite shibotu kubantu boonse, bunene bunene abo bali mulikoto lya bashomi.

1 Timoti 3:15

na ndaceelwa kwisa, makani aya eenka akakuboneshe bantu mbobeelete kwikala muŊanda yakwe Lesa, iyo ili ncecoonde cakwe Lesa muumi. Coonde ndyelicinko lya lushinisho alwiimbi lwa ndulo.

Bene Ebulu 3:6

Sombi Klistu mukuba Mwanaakwe Lesa, ulashomeka mukweendelesha bantu bakwe Lesa boonse. Nkokwaamba ayi swebo tuli bantu bakwe Lesa na twatolelela kutaloonda alimwi akulisumpwita mushintu ishi nshetutoolangila.

1 Pita 2:5

Amwebo mube anga ngamabwe oomi ayo Lesa ngweshi ayakishe ŋanda yakwe ya mushimu. Muŋanda iyo mweshi mukasebensele mbuli bapailishi basalalite mukubenga milambu ya mushimu itambulwa kuli Lesa kwiinda muli Jesu Klistu.