1 Pita 3:5 - Baibo Busansulushi Bwa Libuku Ili

⁵ Mbweeke ubo kale kale banakashi basalalite bakalinga kushoma muli Lesa, mbobakalinga kulibotesha. Ncakwiila bakalinga kulibombya kubameebaabo.

1 Pita 3:5 교차 참조

1 Timoti 5:5

Mukalubinje mwanakashi utacite beshikumucafwa nabi beshikumulama, wakabika kulangila kwakwe muli Lesa alimwi ulatolelela kupaila akumusenga shalucafwo lwakwe mashiku amalumwi.

1 Timoti 5:10

ucite mpuwo ibotu ya milimo yakwe. Ulyeelete kuba mwanakashi wakakusha kabotu bana bakwe, wakalinga kutambula beensu muŋanda yakwe, wakalinga kucita milimo yakulibombya kubashominyina, wakalinga kucafwa bantu mumapensho alimwi wakalibenga kucita shintu shibotu.

1 Timoti 2:15

Sombi mwanakashi ulaakupulushikwa kwiinda mukushala baana, na watolelela kushoma, kuba alusuno, kunoosalalite alimwi akulibombya.

Milimo ya Batumwi 9:36

Mundabala ya Jopa mwakalinga kwikala mwanakashi wakalinga kushoma muli Jesu wiitwa ayi Tabita (muciGiliki liina lyakwe nguDokasi nkokwaamba ayi nalufwi). Mwanakashi uyu wakalinga kucita milimo ibotu lyoonse akunoocafwa bakandu.

Luka 2:37

Paciindi ico wakalinga kucite myaaka makumi osanwe aotatwe alimwi ayone. Ciindi coonse ici wakalinga kuya kuŋanda yakwe Lesa. Wakalinga kupaila kuli Lesa mashiku amalumwi alimwi wakalinga kuba aciindi cakulikasha kulya.

Jelemiya 49:11

Amushiye banabanshiwa banu, ndaakubalama. Bamukalubinje banu abalo balakonsha kucinka manungo muli ndime.”

Tushimpi 31:30

Kacawa kalacenjeeka akwalo kuboneka kabotu kulamana sombi mwanakashi ulemeka Mwaami Lesa ulyeelete kulumbaishikwa.

1 Samwelo 2:1

Mpeeke Aana wakapaila ayi, “Mwaami Lesa wansangalasha abuumbi, Ndikondetwe abuumbi ceebo ca ceeco ncaacita! Balwani bangu ntoobaseka. Ndisangalete abuumbi ceebo Lesa wancafwa!

Bene Ebulu 11:11

Ndushomo lwakalengesha ayi Abulaamu abe amwaana musankwa, nakubi kwaamba ayi wakalinga wacembela abuumbi alimwi alakwe Sala wakalinga wacembelabo kaatacitewo mwaana. Abulaamu wakashoma ayi Lesa ulaakucita kweelana akushomesha kwakwe.

1 Timoti 2:10

Sombi baliboteshe amilimo ibotu yeelete banakashi balyaamba ayi balalambila Lesa.

Milimo ya Batumwi 1:14

Aba bantu bakalinga kubungana akupailila pantu pomwi lyoonse, kubikaawo abanakashi bamwi, Maliya banyina abamakwabo Jesu.

Tushimpi 31:10

Nciyumu kucana mwanakashi ucite mibo ibotu. Mwanakashi weelete uleenda mabwe amakwebo eetwa ayi lubi.

Bene Efeso 5:33

Nakubi boobo alaamba apali ndimwe. Musankwa uli woonse ulyeelete kusuna mukaakwe bweenka mbwaalisuni mwiine. Alakwe mwanakashi ulyeelete kulemeka ibaye.

1 Pita 1:3

Atulumbe Lesa Ishi Mwaami wesu Jesu Klistu! Ceebo ca nkumbu shakwe shiindaawo, wakatupa buumi bupya ayi tube akulangila kwiine kwiine kwiinda mukubusha Jesu Klistu kuswa kubafu.