21 Maanshi ayo aleemikanina kubombekwa uko kumupulusha bulya kwiinda mukubushikwa kwakwe Jesu Klistu kuswa kubafu. Kubombekwa uku teshi kusamba pamubili ayi tukushe matombe, sombi nkushomesha Lesa amiyeeyo iluleme.
Uyo woonse ushoma akubombekwa, ulaakupulushikwa. Sombi uyo utashomi, ulaakupekwa mulandu.
Pita wakabakumbula ayi, “Amusanduke kuswa kushibiibi shanu, mubombekwe muliina lyakwe Jesu kwaamba ayi Lesa amulekelele akumupa Mushimu Usalashi.
Paceebo ceeco, mwebo nomwakabombekwa akucatana pantu pomwi aKlistu, muli anga mulifwete buumi bwakwe Klistu.
Ino ucilindilanshi? Nyamuka ulumbaishe liina lyakwe, ubombekwe, Lesa akusalashe kwaamba ayi shibiibi shako shilekelelwe.’
kwaamba ayi acisalashe. Wakacisalasha ndyaakacisansha amaanshi kwiinda mumaswi akwe.
Atulumbe Lesa Ishi Mwaami wesu Jesu Klistu! Ceebo ca nkumbu shakwe shiindaawo, wakatupa buumi bupya ayi tube akulangila kwiine kwiine kwiinda mukubusha Jesu Klistu kuswa kubafu.
Mbweeke ubo, swebo soonse, baJuda nabi baswamashi bakunsengwe, basha nabi baangulukite, twakabombekwa muMushimu womwi kwaamba ayi tube mubili womwi alimwi soonse twakatambula Mushimu womwi mumyoyo.
Mukwiinga ndimwakabombekwa, cakaba anga mwakabikwa mucuumbwe pantu pomwi aKlistu alimwi mukubombekwa uko mwakabushikwa anguwe kwiinda mukushoma nkusu shakwe Lesa, uyo wakamubusha kuswa kubafu.
Paceebo ceeco, kamuya mukanokwiisha bantu bamishobo yoonse, mukababombeke muliina lya baTa, alya Mwaana alimwi alya Mushimu Usalashi.
Mukwiinga Klistu taakwe kwinjila muMusena Usalalite wakayaka bantu, ulibo cikoshanyo ca wooyo wa kwiculu. Sombi wakenjila mwiculu mwiine mwiine uko nkwaatwiimikaninaako kuli Lesa.
Ulyeelete kulwana nkondo ibotu ya lushomo kwaamba ayi ukatambule buumi butamaani. Ceebo ici ncaakakwiitila Lesa bulya bushiku ndiwakaamba kabotu shalushomo lwako pameenso a bakamboni baanji.
Ono nomusunikwi, Lesa wakashomesha shintu shoonse ishi kuli ndiswe. Aboobo atulisalashe kushintu shoonse shibisha mibili amyoyo yesu. Kwiinda mukulemeka Lesa, atweeleshe kwikala buumi busalalite pameenso akwe.
Mumakani oonse aya ngondaamba nobamakwesu, ndasebensesha liina lyangu alyakwe Apolosi mbuli citondesho ayi mwishibe caamba makani ayo aamba ayi, “Amubambe shaamba Malembo akwe Lesa.” Lyalo mutanoolisumpula ceebo ca muntu womwi akusuula umwi.
Paciindi ceenka ico, mashiku, shikulindilila kuntolongo wakabatola muŋanda mukubasansha shilonda, lyalo lakwe abamuŋanda yakwe bakabombekwa.
Ndibakalinga kuya munshila, bakashika pamusena umwi pakalinga maanshi. Mpomunyaawo mweendeleshi wakaamba ayi, “Amubone anaaya maanshi! Sa kuli cimwi nceenga cankasha kubombekwa?” [
Mwaami Lesa Shinkusu shoonse waamba ayi, “Bushiku ubo kulaakucalulwa kantupu pabamulunyungu lwakwe Defedi apabene Jelusalemu kakubasansha kuswa kushibiibi alimwi akutunkowesha.
Ono bantu boonse bakalinga mucishi ca panshi kuswa kuciindi cakwe Adamu kushikila akuciindi cakwe Mose, bakafwa. Kwakafwa abaabo boonse batakwe kubisha bweenka bwakabisha Adamu ndyaakasotoka mulawo ngwaakapekwa aLesa. Ono Adamu wakakoshanishikwa awooyo Lesa ngwaakaamba ayi ulaakwisa.
Abulaamu wakalinga kushoma ayi Lesa ulakonsha kubusha Isaki kuswa kubafu. Aboobo inga twaamba ayi Abulaamu wakatambula Isaki anga wabushikwa kuswa kubafu.
Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.
Mulasho uyu uliimfwi palusuno ulo luswa mumoyo usalalite, miyeeyo iluleme alimwi alushomo lwalushinisho.
Ncakwiila bulowa bwakwe Klistu bwalo buleendaawo nkusu. Bulakonsha kutucitila shiindaawo. Kwiinda muMushimu utamaani, wakalibenga kuli Lesa anga ngumulambu utacite kampenda. Bulowa bwakwe bulasalasha myoyo yesu kumicito itacite ncito, kwaamba ayi tusebensele Lesa muumi.
Aboobo, atusene pafwaafwi aLesa amyoyo yakutatonsha alimwi alushomo lwancinencine. Atusene kuli nguwe amyoyo yakasalashikwa itacite kampenda alimwi amibili yakasamba mumaanshi atacite matombe.
Amutolelele kutupaililaako. Tulishinishite ayi mumiyeeyo yesu taamu cilubo mukwiinga tulisuni kucita shiluleme ciindi coonse.
Amube amiyeeyo iluleme kwaamba ayi na bantu bamucobola ceebo ca shintu shibotu nshemucita kwiinda muli Klistu, bafwe nsoni ceebo ca sheesho nshebaamba.
Lyalo Simoni Pita wakakumbula ayi, “Anu na mboboobo Nkambo, mutansanshibo kushimpanta, sombi akumaansa alimwi akumutwi koonse.”
Filipo wakamukumbula ayi, “Inga wabombekwa na washooma amoyo wako woonse.” Mpeeke alakwe wakakumbula ayi, “Ncakwiila ndashooma ayi Jesu Klistu nguMwanaakwe Lesa.”]
