1 Pita 2:8 - Baibo Busansulushi Bwa Libuku Ili

⁸ Malembo akwe Lesa alaamba alimwi ayi, “Ili ndyelibwe lyeshi likalengeshe bantu kulisuntula ndyelyeelyo lyeshi likalengeshe bantu kuwa.” Bakalisuntula ceebo tabakwe kunyumfwila maswi akwe Lesa. Ici cakacitika kweelana akuyanda kwakwe.

1 Pita 2:8 교차 참조

Isaya 8:14

Nebo ndi anga ngumusena wakuyubaamo. Sombi kubene Isilaeli abene Juda ndaakuba anga ndibwe lisuntula bantu, ncakwiila mwaandami ulengesha bantu kuwa. Kubene Jelusalemu ndaakuba anga nkoose umo mweshi bakacatwe.

1 Bene Kolinto 1:23

Sombi swebo tulashimikila shakwe Klistu uyo wakapopwa pamucilingano. KubaJuda makani aya nimfumpu, akwalo kubaswamashi bakunsengwe taaku mbwaabete.

1 Pita 2:7

Kuli ndimwe nomushoma, libwe ili lilayandika abuumbi. Sombi kuli baabo batashomi, Lesa wakaamba ayi, “Libwe bayaki ndibakakaka, lyakaba ndyelibwe liyandika lya mulikonko lya ŋanda.”

Bene Loma 9:22

Mbweeke ubo Lesa mbwaakacita. Wakalinga kusuni kubatondesha bukali bwakwe kwaamba ayi bantu beshibe nkusu shakwe. Nakubi boobo wakanyumfwila nkumbu akulekelela baabo boonse mbwaakalinga kusuni kupa mulandu, abo bakalinga kweelete kunyonyoolwa.

Judi 1:4

Ndakacita boobo mukwiinga bantu bamwi batasuni kucita kuyanda kwakwe Lesa bakenjila mulikoto lyanu cabushishi. Bantu aba balafulunganya lwaanguluko ndotucite kwaamba ayi bacaninemo nshila yakunoocita shintu shilensha nsoni. Peculu lya waawo balakaka Jesu Klistu Mufundishi alimwi ngoMwaami wesu eenkabo. Shamulandu wa bantu aba shakalembwabo kale kale muMalembo akwe Lesa.

2 Pita 2:3

Ceebo cakusuna bubile, balaakusebensesha makani akubeca. Mulandu wabo utoobalindilila kuswabo kale kale alimwi kunyonyoolwa kwabo kulibambitwe kale.

1 Bene Tesalonika 5:9

Lesa taakwe kutusala ayi tukabone bukali bwakwe, sombi kwaamba ayi tukapulushikwe kwiinda muMwaami Jesu Klistu.

Luka 2:34

Mpeeke Simyoni wakabapa coolwe akulwiita Maliya banyina Jesu ayi, “Uyu mwaana wasalwa aLesa kwaamba ayi awishe akubusha baanji pakati ka bene Isilaeli. Ulaakuba citondesho cakuswa kuli Lesa ico baanji nceshi bakakake.

2 Bene Kolinto 2:16

Kubaabo batoosoweka, bweema ubo mbwalufu. Sombi kubaabo beshi bakapulushikwe, mbubotu alimwi bulaleta buumi. Ono ngani weelete kucita mulimo wa mushobo uyu?

Kulonga 9:16

Sombi kwaamba ayi muboneshe nkusu shangu alimwi ayi liina lyangu linyumfwike mucishi coonse ca panshi, ndamuleka ayi munoocili boomi.

Isaya 57:14

Mwaami Lesa waamba ayi, “Amubaleeke bantu baboolele. Amukushe cili coonse ceenga cashinkila bantu bangu munshila yabo.”

Isaya 37:26

“ ‘Sa tookwe kunyumfwaawo? Sa tooshi ayi ici ndakacibambabo kale kale? Ncakwiila ici ndakalengesha ayi cicitike. Ndakakupa nkusu shakunyonyoola mandabala acite malinga kuba matongo.

Bene Galatiya 5:11

Nobamakwesu, ono na nebo ncishimikila shakupalulwa ceebonshi bantu bacimpensha? Nendalinga kushimikila boobo, naakwiinga bantu kabatapikishi kushimikila shalufu lwakwe Jesu lwa pamucilingano.

1 Pita 2:6

Mukwiinga Malembo alaamba ayi, “Amubone, ndasala libwe liyandika abuumbi. Ndalibika muSiyoni mulikonko lya ŋanda, ushoma muli nguwe teshi akanyumfwe nsoni.”

Jobo 23:14

Ulaakuncita bweenka mbuli mbwaabambite pali ndime, Ulicite miyeeyo aimwi iinji njaabambite kucita pali ndime.