21 Bwikaalo ubu Lesa mbwaakamwiitila. Mukwiinga Klistu wakamupengela kumushiila citondesho ayi munookonkela mwaakeenda.
Uyo waamba ayi uli muli Lesa, alakwe ulyeelete kwikala bweenka bwakekala Jesu Klistu.
Lyalo Jesu wakaambila bashikwiiya bakwe ayi, “Na muntu utooyanda kukonkela ndime, ulyeelete kushiya akusuula shintu shoonse shimusangalasha, wanyamuna mucilingano wakwe akunkonkela.
Ono ndacita citondesho kwaamba ayi amwebo mulyeelete kunoocitila bamwi bweenka mbondamucitila.
Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.
Klistu wakaaba buumi ceebo ca ndiswe, munshila iyi tuleshiba lusuno mbolubete. Aboobo aswebo tulyeelete kwaaba buumi bwesu ceebo ca babyeesu.
Klistu mwiine wakayumuna shibiibi shesu mumubili wakwe pamucilingano kwaamba ayi tuswe munkusu sha shibiibi akwikala lyoonse mubululami. Ceebo ca shilonda shakwe mwashilikwa.
Munoonkonkela ndime bweenka anebo mboonkonkela Klistu.
Ono mukwiinga Klistu wakapenshekwa mumubili, amwebo mulyeelete kuliyumyayumya kwiinda mumuyeeyo ngomunya wakalinga kucite Klistu ceebo uyo woonse upenshekwa, teendeleshekwi abubi.
Amube amoyo mbuli wooyo wakalinga kucite Klistu Jesu.
Amulipatike lijoko lyangu, mwiiye kuli ndime ceebo nebo ndimoote alimwi ndimubombu mumoyo. Paceebo ceeco, mulaakucana kookesha mumyoyo yanu.
Abo Lesa mbaakasalila limwi, wakababika palubasu kwaamba ayi bakabe anga nguMwanaakwe alimwi ayi Mwanaakwe uyo akabe mutaanshi pakati ka bamakwabo baanji.
Mpeeke bakayuminisha bashomi kwaamba ayi batolelele kushoma cankusu muli nguwe lyoonse. Bakalinga kubalwiita ayi, “Swebo soonse tulyeelete kwiinda mumapensho aanji kwaamba ayi tukenjile muBweene bwakwe Lesa.”
Mukwiinga Klistu wakafwa linkanda lyomwibo kwaamba ayi Lesa alekelele shibiibi sha bantu boonse. Klistu lakwe uliluleme, ono wakafwita bataluleme kwaamba ayi babe beshicibusa bakwe Lesa. Wakacaikwa mumubili, sombi wakabushikwa mumushimu.
Uyo woonse utanyamuni mapensho akwe anga ngumucilingano akunkonkela, taaelete kuba waangu.
Na bantu bamubishisha nabi kumutukana, tamweelete kubabishisha nabi kubatukana amwebo. Sombi mwebo mulyeelete kusenga Lesa ayi abape coolwe mukwiinga Lesa wakamwiita kwaamba ayi mukatambule coolwe.
Ndamwaambila makani aya kwaamba ayi mube aluumuno mukushoma muli ndime. Mucishi ca panshi mulaakupenshekwa. Nakubi boobo amukalike myoyo, bubi bwa mucishi cino ndabukoma.”
Bamakwabesu bakamukoma kwiinda mubulowa bwa Mwanaambelele alimwi amaswi alushinisho ayo ngobakashimikila. Bakalinga kulibambite kwaaba buumi bwabo.
Cakalinga kweelete kuli Lesa, uyo wakalenga akulama shintu shoonse, ayi kwiinda mumapensho, abike Jesu pamusena wakuleta bana bakwe baanji ayi babe anguwe mubulemu bwakwe. Ceebo nguJesu ubatanjilila kulupulusho.
Ncakwiila uyo woonse usuni kwikala mubuumi bwabuLesa muli Klistu Jesu ulaakupenshekwa.
Bululami bulaakutanjila kunembo lya Mwaami Lesa, akubamba nshila yakwe ayi eendeemo.
Lesa wakasalilabo limwi Klistu cishi kacitana kulengwa alimwi ceebo ca ndimwe wakalengesha ayi mumubone ciindi cino cakumeelelesho.
ceebo mulishi milasho iswa kuMwaami Jesu iyo njetwakamupa.
kwaamba ayi kubule ushi aboole pesule ceebo ca mapensho ayo ali pakati kanu. Mwebo nobeene mulishi kwaamba ayi mapensho a mushobo uyu alasuminishikwa kweelana akuyanda kwakwe Lesa.
Wakalinga kubasansulwita akubatondesha kwiinda muMalembo ayi Usalitwe wakwe Lesa wakalinga kweelete kupenshekwa akubushikwa kuswa kubafu. Paulo wakabaambila ayi, “Uyu Jesu ngoontoomulwiitaawo, ngoUsalitwe wakwe Lesa.”
Aboobo, nebo nemwiine ndaakumubonesha shoonse nshaaelete kupenga ceebo ca ndime.”
Sa tecalinga kweelete ayi Usalitwe apenshekwe mushobo uyo kwaamba ayi enjile mubulemu bwakwe?”
Sombi amusangalale mukwiinga mutoopenga bweenka mbuli Klistu kwaamba ayi bwaakuboneka bulemu bwakwe, mukasangalale abuumbi.
