1 Pita 2:19 - Baibo Busansulushi Bwa Libuku Ili

¹⁹ Mukwiinga ncibotu na muntu wapenshekwa kwakubula mulandu ceebo ulishi ayi Lesa nkwaali.

1 Pita 2:19 교차 참조

1 Pita 2:20

Ino muli mpindunshi na mwapenshekwa akuumwa uko kumweelete mukwiinga mwacita cilubo? Sombi na mwapenshekwa nakubi kwaamba ayi mwacita kabotu, Lesa ulaakumupa coolwe.

1 Bene Kolinto 15:10

Sombi kwiinda muluse lwakwe Lesa ndakaba mbuli mboombete bulya alimwi luse ulo ndwaakantondesha talukwe kunyonyookabo, sobwe. Sombi ndakasebensa cankusu kwiinda batumwi bamwi boonse. Nakubi boobo teshi ndime ndakasebensa, sombi nduse lwakwe Lesa luli anebo.

Luka 6:32

“Ono na kamusunibo bantu abo bamusuni, inga Lesa wamupetanshi coolwe? Mukwiinga abalo bamucita shibi balisunibo baabo babasuni!

Bene Loma 13:5

Paceebo ceeco ulyeelete kunyumfwila beendeleshi, kuteshibo ceebo ca bukali bwakwe Lesa, sombi ayi mukwiinga mumoyo wako ulishi ayi mboweelete kucita ubo.

Joni 15:21

Sombi balaakucita shintu shoonse ishi pali ndimwe ceebo ca liina lyangu mukwiinga tabamwishi uyo wakantuma.

2 Timoti 1:12

Nceceeco ncentoopengela bobulya. Nakubi boobo nshinyumfwi nsoni ceebo ndimwishi uyo ngoonshoma. Aboobo ndishinishite kwaamba ayi ulakonsha kusunga isho shoonse nshaakabika mumaansa angu ayi ndame kushikila bushiku bwakoombolosha.

2 Bene Kolinto 8:1

Ono nobamakwesu, tulisuni kwaamba ayi mwishibishishe shaluse Lesa ndwakatondesha shoonde sha muMakedoniya.

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

Kulumbaisha 119:86

Milawo yanu yoonse ilashomeka. Amuncaafwe ceebo bantu aba batoompensha kwakubula mulandu.

Kulumbaisha 69:4

Abo bampatitebo kutaaku ncendakacita mbaanji kwiinda misusu yangu. Balwani bangu mbeshinkusu batooyanda kuncaya, balaamba shakubeca pali ndime mukundwana. Bakankakatisha kuboosha shintu nshentakwe kwiipa.

Kulumbaisha 38:19

Balwani bangu mbaanji alimwi balicite nkusu abuumbi. Ee, mbaanji bampatitebo pataapu aciliiwo.

Kulumbaisha 35:19

Mutasuminishi balwani bangu, babeshi, kulisumpwita pali ndime kwiinda mukunkoma. Mutabaleeki bantu aba bampatitebo kutaaku ancindakacita kunangilisha meenso abiibi.

Jobo 21:27

“Ndishi kabotu kabotu nshemutooyeeya, ee, miyeeyo yanu ibiibi pali ndime ndiishi.

Milimo ya Batumwi 11:23

Ono ndyaakashika akubona Lesa mbwaakapa coolwe bantu abo, wakakondwa. Wakabayuminisha ayi batolelele kushoma muMwaami Jesu amyoyo yabo yoonse.

Bene Ebulu 10:2

Bantu abo balambila Lesa nebakasalashikwa cancinencine kuswa kushibiibi shabo, naakwiinga taboongumani mumyoyo ceebo ca shibiibi shabo alimwi naakwiinga bakacileka akubenga milambu yoonse.

1 Pita 4:15

Ono na umwi wapenshekwa, citabi ceebo cakwaamba ayi ngumucayi, mwiipi, shikutyola milawo nabi shikunjila mumakani ngwaateshi.