22 Ono bulya mbomwasalasha myoyo yanu mukunyumfwila shalushinisho ambuli mbomusunene abashominyinaanu, mulyeelete kusunana amyoyo yoonse.
Mulasho uyu uliimfwi palusuno ulo luswa mumoyo usalalite, miyeeyo iluleme alimwi alushomo lwalushinisho.
Amutolelele kusunana mbuli bamukowa.
Taaku muntu wakabonawo kale Lesa. Sombi na tulisunene, cilaamba ayi Lesa ulekala muli ndiswe alimwi lusuno lwakwe lulaboneka cancinencine muli ndiswe.
Nomusunikwi, atusunane mukwiinga lusuno lulaswa kuli Lesa. Uyo woonse usuni mubye ngumwanaakwe Lesa alimwi ulimwishi.
Cakweelaako, noonse amucatane amoyo womwi akuba amyoyo ibombu. Mulyeelete kusunana abashominyinaanu akunoonyumfwilana nkumbu alimwi akuliceesha.
Kamusena pafwaafwi aLesa alakwe ulaakusena pafwaafwi amwebo. Amusambe kumaansa mwebo nobamucita shibi! Amusalashe myoyo yanu nobantu baamba nshemutaciti.
Lesa wakatupa mulawo wakwaamba ayi tushome muMwanaakwe Jesu Klistu alimwi akusunana kweelana aKlistu mbwaakatulwiita.
Nobamakwesu, tulyeelete kulumba Lesa ceebo canu lyoonse. Cililuleme abuumbi kuli ndiswe kulumba Lesa ceebo lushomo lwanu lwakomena abuumbi alimwi kusunana kwanu kutooya ciindaawo.
Mwaami Jesu aakomeneshe kusunana kwanu alusuno lwanu kubantu boonse kwaamba ayi shishike palusuno ndotucite pali ndimwe.
Na umwi waamba ayi, “Lesa ndimusuni,” sombi kaapatite mubye, ngumubeshi. Anu inga wasuna buyani Lesa ngwaatana kubonaawo na kaapatite mubye ngwaabona?
Amulemeke bantu boonse. Amusunane abashominyinaanu. Kamuloonda Lesa. Amulemeke muleli munene wa kuLoma.
Taakwe kuboneshaawo bupusano pakati pali ndiswe ambabo mukwiinga wakasalasha myoyo yabo abalo ceebo bakashoma.
Makani ngomwakanyumfwa kuswa kumatalikilo ngakwaamba ayi tulyeelete kusunana.
Pabuumi bwakupaila kwiine kwiine, mwiilikewo lusuno lwa bwanabwankashi, apalo palusuno lwa bwanabwankashi ulo, mwiilikewo lusuno kubantu boonse.
Ndapaila ayi mukomene mulusuno, lushibo lwancinencine alimwi akunyumfwishisha kwanu kwa shintu shoonse,
Amucite cili coonse mukulama bwanabwankashi buswa kuMushimu Usalashi muluumuno ulo lumucatanya pantu pomwi.
Sombi kwiinda muMushimu Usalashi usebensa mulushomo lwesu, swebo tutoolangila kwaamba ayi Lesa ulaakutululamika.
Sombi ndicite litongooshi pali ndiwe ceebo toonsuni bweenka mbowakalinga kunsuni kataanshi.
Mukwiinga ciindi cashikila cakwaamba ayi Lesa atalike koombolosha bantu bakwe. Ono na Lesa ulaakutaanguna koombolosha ndiswe, ino cilaakuba buyani kubaabo batashomi Makani Abotu akwe Lesa?
Cinene ncakwaamba ayi musunane cankusu ceebo na mwasunana, inga kamulibambite kulekelelana shibiibi.
Ndushomo lwakalengesha ayi Abulaamu anyumfwile Lesa ndyaakalwiitwa kuya kucishi ico Lesa mwiine ncaakashomesha ayi ulaakumupa. Wakaswa mucishi cine mishaabo kaateshi ankwaakalinga kuya.
Ncakwiila bulowa bwakwe Klistu bwalo buleendaawo nkusu. Bulakonsha kutucitila shiindaawo. Kwiinda muMushimu utamaani, wakalibenga kuli Lesa anga ngumulambu utacite kampenda. Bulowa bwakwe bulasalasha myoyo yesu kumicito itacite ncito, kwaamba ayi tusebensele Lesa muumi.
Lesa uliluleme, aboobo teshi akalube ncito njemwakacita, alimwi alusuno ndomwakamubonesha kwiinda mulucafwo ndomwakacita aloolo ndomucicita kubashominyinaanu.
Alimwi kwiinda mubuumi bwesu butacite kampenda, lushibo lwesu, kukalika moyo kwesu, inkumbu nshetucite, muMushimu Usalashi, mulusuno lwancinencine,
Anu mulawo wangu ngwakwaamba ayi musunane.
Mbweeke ubo amwebo nobanakashi, mulyeelete kulibombya kubameebaanu, kwaamba ayi na bamwi pakati kabo tabashomi Maswi akwe Lesa, inga bashoma kwiinda mubwikaalo bwanu cakubula kwaamba maswi.
Ndyaakamanisha mulimo wakwe woonse, wakaba nshila ya lupulusho lutamaani kubaabo boonse bamunyumfwila.
Kwiinda munkusu sha Mushimu Usalashi uyo ukala muli ndiswe, kobamba kabotu shintu shibotu isho nshewakapekwa ayi ulame.
bamacembele banakashi anga mbanyoko alimwi abamyooye anga mbanankashi shako, cakubula lunkumbwa kuli mbabo.
Kutabi muntu ukuubya ceebo cakuba mwanike. Sombi ube citondesho kubashomi boonse mumyaambo, mubuumi, mulusuno, mulushomo amukubula kampenda.
Ono bweenka mbondakakulwiitilishawo kale ndindakaya kuMakedoniya, kala umo muEfeso kwaamba ayi unookasha basankwa abo batokwiisha shakubeca.
Swebo tulyeelete kulumba Lesa lyoonse ceebo canu nobamakwesu, nomusunikwi kuMwaami Lesa mukwiinga Lesa wakamusala kuswa kumatalikilo kwaamba ayi mupulushikwe. Lesa wakamulengesha kuba bantu bakwe kwiinda mumulimo wa Mushimu Usalashi alimwi alushomo lwanu mushalushinisho.
Mwebo nobene Galatiya baluya! Anu ngani wakamulowa? Nditwakamushimikila shapali Jesu Klistu, twakamusansulwita patuba ayi wakapopwa pamucilingano.
Mwakalinga kwisa kabotu abuumbi muMakani Abotu! Ino ngani wakamukasha kunyumfwila shalushinisho?
Ceebo na kamwikala kweelana abuyanda mibili yanu mulaakufwa. Sombi na kwiinda muMushimu Usalashi mwacilekela limwi shoonse shibiibi nshemucita, mulaakuba abuumi butamaani.
Sombi bamwi abo basuni kucita nshebasuni beene akukaka kucita shiluleme kabacitabo shitaluleme, Lesa ulaakuboombolosha mubukali bwakwe.
Kwiinda muli nguwe, Lesa wakampa mulimo unene wa butumwi kwaamba ayi nsebensele Klistu mukulengesha bantu ba mishobo yoonse ayi bamushome akunoomunyumfwila.
Amubasalashe alushinisho ayi babe bantu banu. Maswi anu ndolushinisho.
Mwebo mwasalashikwa kale kwiinda mumaswi ngondamwaambila.
Lyalo maswi akwe Lesa akanyumfwika kubantu baanji. Mpeeke bashomi bakalinga kuya bufulilakobo alimwi bapailishi baanji bakashoma Makani Abotu.
Ceebo ca mbabo ndalibenga kuli ndimwe kwaamba ayi abalo balibeenge calushinisho kuli ndime.
Aboobo amushiye shibiibi shoonse nshemushibite abubi ubo buli mumyoyo yanu. Amutambule cakulibombya maswi ayo Lesa ngaakashanga muli ndimwe, ayo akonsha kumupulusha.
Mumiyeeyo yakwe Lesa Ishiwesu wakamusala. Mwakasalashikwa aMushimu Usalashi ayi munoonyumfwila Jesu Klistu akusanshikwa abulowa bwakwe. Luse aluumuno shikomene muli ndimwe lyoonse alyoonse.
Mishimu iyi yakalinga ya baabo batakwe kunyumfwila Lesa kale kale, ndyaakalinga kulindila amoyonteeka ciindi ico Nowa ndyaakalinga kupanga bwaato. Mwakalingabo bantu baniinibo, bosanwe abotatwe bakapuluka kumaanshi.
