1 Makani 4:4 - Baibo Busansulushi Bwa Libuku Ili

⁴ Penuwelo wakayaka ndabala ya Gedo, alakwe Esa wakashala Usha. Aba mbobamulunyungu lwakwe Ulu mwaana wakwiiya wakwe Efulata uyo wakayaka ndabala ya Betileemu.

1 Makani 4:4 교차 참조

1 Makani 4:18

Mukaakwe mwine Juda wakashala Jeledi uyo wakayaka ndabala ya Gedo, Eba uyo wakayaka ndabala ya Soko, Jekutiyelo uyo wakayaka ndabala ya Sanowa. Aba boonse bakalinga bana bakwe Bitiya mwanaakwe Falawo uyo wakalinga kweebetwe kuli Meledi.

1 Makani 2:50

Aba mbobakalinga bamulunyungu lwakwe Kalebu. Bana bakwe Ulu mwaana wakwiiya wakwe Kalebu aEfulata, nguShobali uyo wakayaka ndabala ya Kilyati Jeyalimu,

1 Makani 4:39

bakapalanganina kulubasu lwa kumbo kuya mukushika akuGedo uko nkobakalinga kweembelela mbelele shabo kwicwe lya cinyika ico ndabala inene nkoyakalinga kubete.

1 Makani 2:19

Lyalo Asuba ndyaakafwa, Kalebu wakeeba Efulati uyo wakamushalila mwaana musankwa, Ulu.

Joshuwa 15:36

Kubikaawo aShalaimu, Aditaimu, Gedela alimwi aGedelotaimu. Nkokwaamba ayi mandabala anene pantu pomwi akalinga likumi aone kubikaawo amishi yakalinga kushingulukite mandabala ayo.

Lute 4:11

Bamaloba abamwi boonse bakalinga kumwinjililo wa ndabala bakaamba ayi, “Ee tuli bakamboni. Mwaami Lesa aalengeshe bakaako kuba mbuli Lakelo aLeya, abo bakashalila Jakobo baana baanji. Aakulengeshe kubila mucipani cakwe Efulati akupuka muno muBetileemu.

1 Makani 4:3

Ulu wakashala baana basankwa botatwe, nkokwaamba ayi Etamu, Penuwelo, alimwi aEsa. Etamu wakashala Jesiliilu, Ishima, alimwi aIdibashi. Nankashi yabo nguAseleliponi.

1 Makani 4:5

Ashuli uyo wakayaka ndabala ya Tekowa wakalinga kweebete banakashi bobilo, Ela alimwi aNaala.

1 Makani 2:51

Saluma uyo wakayaka ndabala ya Betileemu alimwi aAlefi uyo wakayaka ndabala ya Beti Gada.

1 Makani 2:54

Bamulunyungu lwakwe Saluma mbaaba: Bene Betileemu, bene Netofa, bene Atoloti Beti Joabu musa wa bene Manaati alimwi abene Soli