1 Makani 29:19 - Baibo Busansulushi Bwa Libuku Ili

¹⁹ Amupe Solomoni mwanaangu moyo wakulyaaba kuli ndimwe cakumaninina kwaamba ayi anookonkela milawo amilasho yanu yoonse akuyaka Ŋanda yanu iyo njendabambila kale shintu shoonse.”

1 Makani 29:19 교차 참조

Kulumbaisha 72:1

NobaLesa, amulengeshe mwaami koombolosha cabululami. Amumulengeshe koombolosha cakutanyengelela mbuli ndimwe.

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

Jemusi 1:17

Shipo shoonse shibotu shitacite kampenda shilaswabo kwiculu kuli Lesa Mulengi wa mimuni yoonse ili mwiculu. NguLesa utapilooki mbuli shimfule shilongalonga.

1 Makani 22:14

Ndakalipensha abuumbi ceebo cakucana shiyandika pakuyaka Ŋanda yakwe Lesa. Ndabambaako makilogilamu a golodi ali 3,400,000 alimwi amakilogilamu a silifa ali 34,000,000. Kuteelabo pasheesho sheenka, kuli bulonse uunji asheela shilemulemu shiinji shitakonsheki kupimwa. Aalo mapulanga amabwe ndabamba kale, sombi ulyeelete kuletelaawo ashimwi.

Kulumbaisha 119:80

Moyo wangu utabi akampenda kumilasho yanu, kwaamba ayi ntakalenshekwi nsoni.

1 Makani 29:18

Ono noBaami baLesa, baLesa bakwe Abulaamu, Isaki alimwi aJakobo bamashali besu bakulukulu, lyoonse amulame kuyandishisha kuli mumyoyo yabo uku akulengesha ayi batolelele kushomeka kuli ndimwe.

Isaya 38:3

“NoBaami baLesa, amwiingashile kwaamba ayi ndakalinga kumusebensela cakushomeka alimwi camoyo woonse. Lyoonse ndakalinga kucita shintu nshemwakalinga kusuni ayi ncite.” Kuswawaawo wakalila abuumbi.

Jelemiya 30:18

Mwaami Lesa waamba ayi, “Ndaakuboosha bamulunyungu lwakwe Jakobo kucishi cabo. Ndaakunyumfwila nkumbu bamumaandaabo boonse. Ndabala ya Jelusalemu ilaakuyakwa alimwi pamatongo a njiyo. Ayalo ŋanda ya bwaami ilaakuyakwa peenka mpoyakalinga.

2 Baami 17:37

Mulyeelete kukonkela milasho amilawo lyoonse iyo njendakamulembela. Mutanoolambila balesa bamwi.

2 Makani 6:30

amukutike mipailo yabo. Amubakutike kwiculu uko nkomwikala, mubalekelele alimwi akubacafwa. Mwebo nweenka ndimwe mwishi miyeeyo ya bantu. Amucitile muntu womwi awomwi mbuli mbwaaelete

Kulumbaisha 72:2

Lyalo akalele bantu banu cakutanyengelela, akweendelesha cabululami bantu banu balyatililwa.