4 Mwaami Defedi wakasala bantu bali 24,000 kwaamba ayi banokweendelesha mulimo wakuyaka Ŋanda yakwe Lesa. Wakasala abamwi bali 6,000 ayi bakabe bacinenenene aboomboloshi.
Lyalo muJelusalemu Jeoshafati wakasala bene Lefi bamwi, bapailishi bamwi alimwi abamatanjilili ba bamumaandaabo bamwi ayi banokoombolosha milandu yakusotoka Milawo ya Mwaami Lesa akumana kupusana pakati ka bantu abo bakalinga kwikala muJelusalemu.
“Mukasale boomboloshi alimwi abacinenenene bamwi mumukowa wanu womwi awomwi mumandabala ayo Mwaami Lesa, Lesa wanu ngweshi akamupe. Bantu abo balyeelete kunokoombolosha cakutasalulula.
Nkokwaamba ayi mulyeelete kulilama kabotu nobeene akulama likoto lya bantu abo Mushimu Usalashi mbowakamupa ayi mulame. Amweembele kabotu coonde cakwe Lesa, abo mbwaakapulusha ayi babe baakwe kwiinda mulufu lwa Mwanaakwe.
Ceebo bapailishi balyeelete kunokwiisha lushinisho lwapali Lesa. Paceebo ceeci, bantu balyeelete kunooya kuli mbabo mukwiiya kuyanda kwangu, mukwiinga mbasebenshi bangu nebo neMwaami Lesa Shinkusu shoonse.
Mutanjilili wa bene Lefi kuJelusalemu nguUsi mwanaakwe Bani mwishikulu wakwe Ashabiya. Ashabiya wakalinga mwanaakwe Mataniya, Mataniya wakalinga mwanaakwe Mika. Usi wakalinga wamucipani cakwe Asafu ico cakalinga kucite mulimo wakwiimba muŊanda yakwe Lesa.
Jowelo mwanaakwe Sikili ngowakalinga mutanjilili wabo, kuboolaawo nguJuda mwanaakwe Asenuwa.
Bene Lefinyinaabo bamwi boonse bakapekwa milimo imwi yoonse ya muTente ya Cipangano amuŊanda yakwe Lesa.
“Na kwaba milandu pakati ka bantu, bapailishi mbobeelete koombolosha kweelana amilasho yangu. Balyeelete kulama kusekelela kwakulemeka ndime kweelana amilawo amilasho yangu. Balyeelete kulama bushiku bwangu bwakookesha bwa Cibelu.
Mpomunyaawo Jeoiyada wakasala bapailishi abene Lefi ayi banokweendelesha milimo ya muŊanda yakwe Lesa. Bantu abo bakalinga kucita milimo iyo yakabapa mwaami Defedi alimwi akubenga milambu yakutenta kuMwaami Lesa kweelana aMilawo njaakapa Mose. Bakalinga kweendelesha abwiimbi alimwi ashakusekelela.
mbobakalinga kuyumuna shintu shakuyakisha akunokweendelesha basebenshi bakalinga kucita milimo ipusenepusene. Bene Lefi bamwi bakalinga balembi, bamwi bakalinga beshikulindilila.
