1 Makani 21:16 - Baibo Busansulushi Bwa Libuku Ili

¹⁶ Defedi wakabona munjelo wakalinga kwiimfwi muluuwobo alimwi wakalinga kucite mupeeni mulyaansa lyakwe kaalibambite kunyonyoola Jelusalemu. Lyalo Defedi abamaloba abo boonse bakalinga kufwete masaka, bakafukama cakushisha shiwa panshi.

1 Makani 21:16 교차 참조

Shakubelenga 14:5

Lyalo Mose aAloni bakafukama cakushisha shiwa panshi kunembo lya bene Isilaeli boonse.

1 Baami 21:27

Ono Elija ndyaakamana kwaamba, Aabu wakakwamoona shakufwala shakwe akufwala masaka. Wakalikasha kulya akutalika koonabo mumasaka alimwi kaaenda kaaungumene alimwi cabuumba.

2 Baami 19:1

Mwaami Esekiya ndyaakanyumfwa makani ayo, wakakwamoona shakufwala shakwe kubuumba, wafwala lisaka akuya kuŊanda yakwe Lesa.

2 Baami 6:17

Lyalo wakatalika kupaila ayi, “NoBaami baLesa, amumucalule meenso kwaamba ayi abone!” Mwaami Lesa wakanyumfwa mupailo wakwe. Lyalo musebenshi wakwe uyo ndyaakalangilisha kukalundu wakabona maaki aanji ashikoci sha mulilo shiinji kashishingulukite Elisha.

Shakubelenga 22:31

Kuswawaawo Mwaami Lesa wakalengesha ayi Balaamu abone munjelo kaaimfwi apo kaacite amupeeni. Abonebo boobo, wakaliwaala panshi akuya mukushishawo ciwa.

Shakubelenga 16:22

Sombi Mose aAloni bakafukama cakushisha shiwa shabo panshi akwaamba ayi, “NobaLesa, ndimwe matalikilo abuumi boonse. Ono na muntu womwi wabisha, sa inga mwakalalila bantu boonse?”

Matalikilo 3:24

Mpeeke kwicwe lya muunda wakabikaako shilengwalengwa shuumi shiitwa ayi bakelebu amupeeni wakalinga kunyaka mulilo, kwaamba ayi kubule ushika pafwaafwi acisamu cipa buumi.

Boomboloshi 13:20

Ono bwiishi ndibwakaya mwiculu kuswa pacipaililo, munjelo uyo wakaya kwiculu mubwiishi ubo. Ingayi Manowa amukaakwe babone boobo, bakafukama cakushisha shiwa panshi.

Esekelo 9:8

Ono kabaciya bucaya, nebo ndindakacaala neenka, ndakafukama cakushisha ciwa panshi akulila ayi, “Maawe noBaami balesa Beshinkusu shoonse! Sa mutooyanda kucaya boonse bakacaalaawo pabene Isilaeli mubukali bwanu buyoosha mbomwapoomweta pandabala ya Jelusalemu?”

Esekelo 30:25

Ndaakupa nkusu mwaami wa bene Babiloni, sombi Falawo lakwe maansaakwe alaakuba cifwe. Ndaakupa mwaami wa bene Babiloni mupeeni ayi akoosebenseshe mukulwana cishi ca Ijipiti. Lyalo ndyeshi bakeshibe ayi nebo ndi Mwaami Lesa.

Shakubelenga 22:23

Ono mbongolo ndiyakabona munjelo uyo kaaimfwi apo kaacite amupeeni, yakaswa munshila akuya mumuunda. Balaamu wakayuuma akwiiboosha munshila.