1 Makani 21:12 - Baibo Busansulushi Bwa Libuku Ili

¹² Sa mulisuni kuba ansala kwamyaaka yotatwe mucishi canu? Sa mulisuni kucica balwani abalo kabesa cimuyandoola kwamyeenshi yotatwe? Sa mulisuni nshiku shotatwe Mwaami Lesa kaamulwana amupeeni wakwe? Ulaakucita boobo mukutuma mwaalu mucishi canu akusebensesha munjelo wakwe kuleta lufu mucishi coonse ca Isilaeli. Ono muyeeye pashintu ishi, lyalo mundwiite bukumbulo bwanu mboonjelete kutola kuMwaami Lesa.”

1 Makani 21:12 교차 참조

Milimo ya Batumwi 12:23

Paciindi ceenka ico munjelo wa Mwaami Lesa wakalengesha Elodi kuciswa mukwiinga taakwe kupa bulemu kuli Lesa. Mpeeke mapila akamulya, wafwa.

Luka 4:25

“Ono amunyumfwe, kwakalinga bamukalubinje banakashi baanji mulya muIsilaeli munshiku shakwe Elija mulaluki mukulukulu, ndikwakabula mfula myaaka yotatwe amyeenshi yosanwe awomwi, kwakaba nsala inene mucishi coonse.

Malilo 4:9

Abo bakacaikwa munkondo bali kabotu kwiinda baabo bafwa kunsala. Abo bafwa kunsala balanyanga mukubula cakubika pamulomo ciswa kumyuunda.

Jelemiya 47:6

Mutootama ayi, ‘Maawe omupeeni wa Mwaami Lesa, citooba ciindi cilaamfu buyani koocayabo kwakutookesha? Boolela mucipokolo cako, wikale mumo kwaamba ayi wookeshe.’

Jelemiya 42:16

ngayi nkondo iyo njemutooloonda, ilaakumweensha kweenka uko. Ayalo nsala njemutoolisukama, ilaakumucana nkomunya uko. Lyalo mulaakufwita kweenka kuIjipiti.

Jelemiya 12:12

Mutulundu toonse tutacite bwiisu muluyanga beshikunyonyoola balaakuwuumuka. Balaakucita boobo ceebo mupeeni wa Mwaami Lesa ulaakucaya kuswa kweela cishi kuya mukushika ankoceela, cakwaamba ayi taakuuwo aweshi akanooli muluumuno.

Isaya 66:16

Mwaami Lesa ulaakoombolosha bantu boonse amulilo alimwi amupeeni. Ncakwiila Mwaami Lesa baanji ulaakubacaya.

Kulumbaisha 91:6

Utaloondi myaalu isa mashiku, nabi shintu shiyoosha shicaya ciindi ca malumwi.

2 Baami 19:35

Mashiku ayo, munjelo wa Mwaami Lesa wakaya kumisumba ya bene Asilya akucaya bashilumamba bali 185,000. Kumuyamaca bantu ndibakabuka bakacanabo mituntu apa apapalya!

2 Baami 8:1

Ono Elisha wakaambila mwanakashi wakalinga kwikala muShunemu, uyo mwine mwaana ngwaakabusha kuswa kubafu ayi, “Mwaami Lesa utootuma nsala mucishi iyo yeshi ikatole myaaka yosanwe ayobilo. Webo abamuŋanda yako mulyeelete kuswaamo akuya kumwi.”

1 Baami 17:1

Ono mulaluki wakalinga kwiitwa ayi Elija, wa mundabala ya Tishibe mucishi ca Gilyadi, wakaambila mwaami Aabu ayi, “Kweelana ambocibete lushinisho ayi Mwaami Lesa, Lesa wa bene Isilaeli uyo ngoonsebensela ngumuumi, ntoomwaambila ayi teshi kukabewo mume nabi mfula kwamyaaka ili yobilo nabi yotatwe kushikila nkaambe ayi kube boobo.”

2 Samwelo 21:1

Muciindi ca bwaami bwakwe Defedi kwakaba nsala iyo yakatola myaaka yotatwe. Mpeeke Defedi wakeepusha Mwaami Lesa pacikani ico. Mwaami Lesa wakaamba ayi, “Nceebo cakwe Saulo alimwi abamuŋanda yakwe bacite mulandu wakutila bulowa. Saulo wakacaya bene Gibyoni.”

Dutolonomi 28:35

Mwaami Lesa ulaakulengesha ayi myeendo yanu ikakumanebo shuute sheshi shikanoocisa abuumbi alimwi shitashilikiki. Shilaakutumba mubili woonse, kuswa kushimpanta kushikila akumutwi.

Dutolonomi 28:27

Mwaami Lesa ulaakumuletela shuute, bweenka mbwaakacitila bene Ijipiti. Mibili yanu ilaakuba ashiloondaloonda, abunkulutu alimwi ashipele, sombi teshi shikanooshilikika.

Dutolonomi 28:25

“Mwaami Lesa ulaakulengesha ayi balwani banu bakamukoome. Pakuya mukulwana ambabo mulaakupolela lubasu lomwi, sombi pakubacica mulaakumwaikabo. Lyalo bantu boonse mucishi ca panshi balaakuloonda abuumbi pakubona sheshi shikamucitikile.

Dutolonomi 28:22

Mwaami Lesa ulaakumuletela malwashi ayambukila, shuute acimpwita. Ulaakutuma cilanga alimwi amuuwo ulungula ayi shinyonyoole shishango shanu. Anu myaalu iyi teshi ikamulekeewo kushikila mukamane kufwa.

Dutolonomi 28:15

“Sombi na mukabule kunyumfwila Mwaami Lesa, Lesa wanu alimwi akutakonkela kabotu milawo amilasho yakwe yoonse iyo njentoomupa sunu, mashingo aya oonse alaakwisa pali ndimwe.

Bene Lefi 26:17

Ndaakumufutatila ayi mukakomwe alimwi abo bamupatite balaakumweendelesha. Mulaakuloonda cakwaamba ayi mulaakucica nabi taaku utoomutandaanya.

Bene Lefi 26:10

Mulaakutebula shakulya shiinji abuumbi isho nsheshi shikamane mwaaka. Nacibi boobo mulaakunoosowa shakulya shamatumba ayi mubikemo sha mwaaka upya.

Kulonga 12:23

Ono Mwaami Lesa pakuya cicaya bene Ijipiti mucishi cabo, ulaakubona bulowa ubo peculu lya milyango alimwi apashisamu sha kumilyango. Mpeeke ulaakukasha shikunyonyoola kwinjila mumaandaanu ayi amucaaye.

1 Makani 21:11

Lyalo Gadi wakaya kuli Defedi akumwaambila ayi, “Ono amusaleewo.