1 Joni 5:13 - Baibo Busansulushi Bwa Libuku Ili

¹³ Ndamulembela makani aya nomushoma muMwanaakwe Lesa kwaamba ayi mwishibishe ayi mulicite buumi butamaani.

1 Joni 5:13 교차 참조

Joni 20:31

Sombi ishi shakalembwa kwaamba ayi mushome ayi Jesu ngoUsalitwe, Mwanaakwe Lesa alimwi ayi kwiinda mukumushoma, mube abuumi butamaani.

Joni 1:12

Sombi kubaabo boonse bakamutambula akumushoma, wakabapa nkusu shakuba bana bakwe Lesa.

1 Joni 3:23

Lesa wakatupa mulawo wakwaamba ayi tushome muMwanaakwe Jesu Klistu alimwi akusunana kweelana aKlistu mbwaakatulwiita.

Joni 3:18

Nkokwaamba ayi uyo woonse ushoma muli nguwe taomboloshekwi, sombi uyo woonse utashomi woomboloshekwa kale mukwiinga taakwe kushoma Mwanaakwe Lesa uyo wakashalwa eenkabo.

1 Joni 2:21

Nshintoomulembela makani aya mukwiinga shalushinisho tamushishi, sombi mukwiinga mulishishi alimwi mulishi ayi taaku bubeshi buswa mulushinisho.

Bene Galatiya 4:6

Ono mukwiinga tuli bana bakwe, Lesa wakatuma Mushimu wa Mwanaakwe mumyoyo yesu. Walo ngoolengesha kwaamba ayi katwiita ayi, “Aba!” nkokwaamba ayi, “Ta!”

1 Joni 5:10

Uyo woonse ushoma Mwanaakwe Lesa ulicite bukamboni ubu muli nguwe. Sombi uyo utashomi Lesa, ulapa Lesa bubeshi mukwiinga taakwe kushoma bukamboni Lesa mbwaakapa paMwanaakwe.

1 Joni 2:1

Nobana bangu, ndamulembela makani aya kwaamba ayi mutakabishi. Sombi na umwi wabisha, tulicite shikutucafwa utwaambililaako kuli Ishiwesu, uyo nguJesu Klistu ululeme.

1 Joni 1:4

Twalemba makani aya kwaamba ayi kusangalala kwesu kumaninine.

1 Pita 5:12

Nkalata ifwaafwi iyi, nguSailasi wanembelaako, uyo mukwabesu ushomeka. Ndisuni kwaamba ayi muyumyeyumye akumulwiitilisha ayi ulu ndoluse lwakwe Lesa lwiine lwiine. Lyoonse kamushoma muluse ulo.

2 Bene Kolinto 5:1

Mubili ngotucite bulya uli anga ninkunka. Ono tulishi kwaamba ayi nkunka iyi yaakunyonyoolwa, tulaakwikala muŋanda yakatubambila Lesa kwiculu, ŋanda iyo teekwe kuyakwa amuntu alimwi njamuyayaya.

Milimo ya Batumwi 4:12

Lupulusho lulacanikabo muli nguwe eenka mukwiinga taaku liina alimwi mucishi ca panshi Lesa ndyaakapa ayi inga twapulukilaamo.”

Joni 2:23

Jesu ndyaakalinga muJelusalemu, pabushiku bwa Pasika bwakwiibaluka kusotokela, bantu baanji bakamushoma ndibakabona shaankamiko nshaakacita.

1 Joni 2:26

Ntoomulembela makani aya ceebo ca baabo basuni kumucenjeeka.

Milimo ya Batumwi 3:16

Musankwa uyu ngomubwene alimwi ngomwishi, wayuma kwiinda mukushoma liina lyakwe Jesu. Ncakwiila ndushomo lwakwe muli Jesu lwalengesha kwaamba ayi ayume cancinencine kweelana ambomubwene noonse.

Joni 21:24

Shikwiiya uyo ngowakapa bukamboni pashintu ishi alimwi ngowakashilemba. Aboobo tulishi kwaamba ayi bukamboni bwakwe mbwalushinisho.

Joni 5:24

“Ntoomwaambila calushinisho ayi uyo woonse unyumfwa maswi angu akushoma wooyo wakantuma ulicite buumi butamaani. Teshi akoomboloshekwe, sombi waswa kale mulufu kuya mubuumi butamaani.

1 Joni 2:25

Ncakwiila Klistu ncaakatushomesha, mbuumi butamaani.

1 Joni 4:9

Lesa wakatondesha ayi ulitusuni kwiinda mukututumina Mwanaakwe wakashalwabo eenka mucishi ca panshi ayi muli nguwe tukabe abuumi.

1 Joni 5:11

Bukamboni ubu mbwakwaamba ayi Lesa wakatupa buumi butamaani alimwi buumi ubu bulacanika muMwanaakwe.

1 Joni 5:20

Tulishi kwaamba ayi Mwanaakwe Lesa wakesa akutupa busongo ayi twishibe Lesa wancinencine. Tuli muli Lesa wancinencine ceebo tuli muli Jesu Klistu Mwanaakwe. Uyu ngoLesa wancinencine alimwi mbobuumi butamaani.