1 Joni 2:14 - Baibo Busansulushi Bwa Libuku Ili

¹⁴ Ntoolembela ndimwe nobana bangu ceebo mulishi Ishiwesu. Ntoolembela ndimwe nobamashali bangu basankwa ceebo mulimwishi uyo wakalingaako kuswabo kumatalikilo. Ntoolembela ndimwe nobasankwa bacikula bwangu ceebo muli bayumu amaswi akwe Lesa ali muli ndimwe alimwi mwakoma Mubiibi ulya.

1 Joni 2:14 교차 참조

Kulumbaisha 119:11

Ndalama maswi anu mumoyo wangu, kwaamba ayi ntanoomubishisha.

1 Joni 2:13

Ntoolembela ndimwe nobamashali bangu basankwa mukwiinga mulimwishi uyo wakalingaako kuswabo kumatalikilo. Ntoolembela ndimwe, nobasankwa bacikula bwangu ceebo mwakoma Mubiibi ulya.

Bene Kolose 3:16

Maswi akwe Klistu aakalilile mumyoyo yanu lyoonse pakwiishanya alimwi akulwiitana cabusongo boonse. Amwiimbe nyimbo shakulumbaisha, shakulemeka Lesa alimwi anyiimbo shimwi sha Mushimu wakwe Lesa. Amwiimbile Lesa amyoyo yakulumba.

Joni 15:7

Na mwakalilila muli ndime aalo maswi angu akalilila muli ndimwe, inga mwaseenga cili coonse ncemusuni, mulaakupekwa.

Bene Efeso 6:10

Cakweelaako ncakwaamba ayi, nobamakwesu amuyume muMwaami Lesa kwiinda munkusu shakwe shiindaawo.

Joni 8:31

Jesu wakaambila baJuda bakamushoma ayi, “Na mukonkele kwiisha kwangu, ncakwiila mutooba bashikwiiya bangu.

Joni 5:38

Ncakwiila maswi abo teekali muli ndimwe mukwiinga tamushomi wooyo ngobakatuma.

Ciyubululo 2:7

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, ndaakumusuminisha kulya shisepo sha kucisamu cipa buumi cili kuMusena ukondelesha wakwe Lesa.

3 Joni 1:3

Mukwiinga ndakasangalala abuumbi bamwi bashominyineesu ndibakesa mukundwiita kushomeka kwako mukukonkela lushinisho, kweelana ambuli mbookala lyoonse.

2 Joni 1:2

Tulimusuni mukwiinga lushinisho luli muli ndiswe alimwi lulaakunoolimobo lyoonse alyoonse.

Bene Ebulu 8:10

Ono nebo neMwaami Lesa mbulya mbweshi nkapangane abene Isilaeli munshiku shitoosa. Ndaakubika milawo yangu mumiyeeyo yabo akwiilemba mumyoyo yabo. Ndaakuba Lesa wabo abalo balaakuba bantu bangu.

Bene Kolose 1:11

Lesa amuyuumye kwiinda munkusu shakwe shiinji kwaamba ayi mutolelele mukutaboola pesule amukukomenya moyo. Cakusangalala

2 Timoti 2:1

Ono omwanaangu liyumyeyumye muluse ndootucite muli Klistu Jesu.

Bene Filipi 4:13

Ndakonsha kucita shintu shoonse mukwiinga Klistu ngoompa nkusu.

Ciyubululo 2:3

Watolelela kupenshekwa ceebo ca ndime alimwi tookwe kutyongola, sobwe.

1 Joni 1:10

Na twaamba ayi tatuna kubishaawo, cilyeelenebo akwaamba ayi Lesa ngumubeshi alimwi maswi akwe taamo muli ndiswe.

Joni 8:37

Ndishi kwaamba ayi muli bana bakwe Abulaamu. Nakubi boobo mutoopinga kuncaya mukwiinga maswi angu taanjili mumyoyo yanu.

1 Joni 1:1

Tutoomulembela shaLiswi lipa buumi, ilyo lyakalingaako kuswa kumatalikilo. Twakalinyumfwa akulibona ameenso esu. Ee, twakalibona alimwi maanseesu akalicata.