1 Joni 1:9 - Baibo Busansulushi Bwa Libuku Ili

⁹ Sombi na twalyaambilila shibiibi shesu, Lesa ulashomeka alimwi uliluleme, aboobo ulatulekelela shibiibi shesu akutusalasha kumicito yesu yoonse italuleme.

1 Joni 1:9 교차 참조

Kulumbaisha 32:5

Lyalo ndakasumina shibiibi shangu kuli ndimwe, alimwi nshikwe kushisa milandu yangu yoonse. Ndakaamba ayi, “Ntoolyaambilila shibiibi shangu kuli ndimwe noBaami baLesa,” ncakwiila mwakalekelela milandu yakubisha kwangu yoonse.

Tushimpi 28:13

Uyo ushisa shibiibi shakwe tabiiwo acoolwe, sombi uyo ulyaambilila shibiibi shakwe akushileka, ulaakulekelelwa.

Jelemiya 33:8

Ndaakubasalasha kuswa kushibiibi isho nshebakambishila. Ncakwiila ndaakulekelela shibiibi shabo alimwi abwaashu bwabo.

1 Joni 1:7

Sombi na katweenda mumumuni, bweenka mbuli mbwaali mumuni lakwe, nkokwaamba ayi tulekala mubwanabwankashi alimwi bulowa bwakwe Jesu Mwanaakwe, bulatusalasha kuswa kushibiibi shoonse.

Esekelo 36:25

Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.

Bene Ebulu 10:23

Atutolelele mukulangila nkotucite uko nkotushimikila, mukwiinga Lesa wakatushomesha, ulashomeka.

1 Timoti 1:15

Ono makani alushinisho alimwi eelete kutambulwa cakumaninina akushomwa ngakwaamba ayi, “Klistu Jesu wakesa mukupulusha bamucita shibi.” Ono nebo ndeendaawo kubica.

Neyemiya 1:6

Amumboone noBaami baLesa akuteya matwi anu kwaamba ayi munyumfwe mupailo wangu nemusebenshi wanu uyo ngoontoopaila kunembo lyanu malumwi amashiku pabasebenshi banu bene Isilaeli. Ndalyaambilila shibiibi shesu sobene Isilaeli, nebo abamuŋanda ya bata, nshetwakamubishisha.

Esekelo 37:23

Teshi bakalibishewo tubili kushikoshanyo shabo, kushibumbwabumbwa shabo shilensha bunya nabi kushibiibi shabo shimwi shoonse. Ncakwiila ndaakubasalasha kuswa kushibiibi shabo shoonse. Balaakuba bantu bangu anebo ndaakuba Lesa wabo.

1 Bene Kolinto 1:9

Lesa uyo wakamwiita ayi mube mubwanabwankashi aMwanaakwe Jesu Klistu Mwaami wesu, ulashomeka.

Dutolonomi 7:9

Amwiibaluke kwaamba ayi Mwaami Lesa, Lesa wanu ngoLesa eenkabo alimwi ulashomeka. Ulaakubamba cipangano cakwe akutondesha lusuno lwakwe luli mushobo womwi lyoonse kushikila akumashalane ali cuulu abantu bamusuni alimwi bakonkela milawo yakwe.

Milimo ya Batumwi 19:18

Kuswawaawo bashomi baanji bakalinga kwisa akulyaambilila pameenso a bantu shibiibi shoonse nshebakacita.

Maako 1:5

Bantu baanji ba mucishi ca Judeya amundabala inene ya Jelusalemu, bakaya kuli Joni mukunyumfwa. Ndibakamana kulyaambilila shibiibi shabo, wakababombeka muMulonga wa Joodani.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

Kulumbaisha 19:12

Taaku ukonsha kubona shilubo shakwe shoonse. Anu amundekelele nkambo kushibiibi shitaboneki.

1 Bene Kolinto 6:11

Ubo mbobabete bamwi pakati kanu. Sombi bulya mwakasanshikwa mwasalashikwa alimwi mwakalulamikwa muliina lya Mwaami Jesu Klistu aMushimu wakwe Lesa.

Malilo 3:23

Lwalo lulaba lupya bwaca abwaca. Kushomeka kwakwe nkunene abuumbi.

Bene Ebulu 6:10

Lesa uliluleme, aboobo teshi akalube ncito njemwakacita, alimwi alusuno ndomwakamubonesha kwiinda mulucafwo ndomwakacita aloolo ndomucicita kubashominyinaanu.

1 Baami 8:47

amukutike mipailo ya bantu banu. Na kucishi uko kweenka nkweenga kababete basanduka kuswa kushibiibi shabo akupaila kuli ndimwe, kabalyaambilila shibiibi shabo shoonse, noBaami baLesa amukutike mipailo yabo.

Ciyubululo 15:3

Bakalinga kwiimba lwiimbo lwakwe Mose musebenshi wakwe Lesa alimwi alwiimbo lwa Mwanaambelele ayi, “NoBaami baLesa Beshinkusu shoonse, micito yanu njinene alimwi ilakankamika abuumbi! NoBaami baLesa ba mishobo yoonse ya bantu, nshila shanu shililuleme alimwi nshalushinisho!

Bene Ebulu 11:11

Ndushomo lwakalengesha ayi Abulaamu abe amwaana musankwa, nakubi kwaamba ayi wakalinga wacembela abuumbi alimwi alakwe Sala wakalinga wacembelabo kaatacitewo mwaana. Abulaamu wakashoma ayi Lesa ulaakucita kweelana akushomesha kwakwe.

Mateyo 3:6

Ndibakamana kulyaambilila shibiibi shabo, wakababombeka muMulonga wa Joodani.

Isaya 45:21

Amwaambe ceshi cicitike, ee, amukonkolole. Amulifuuyefuye palwaanu nobeene. Ngani wakaamba cikani ici kale kale? Ngani wakacaamba kacicilibo kulaale kucitika? Sa teshi ndime neMwaami Lesa? Ncakwiila taaku Lesa aumwi kulekabo ndime. Ndi Lesa ululeme alimwi Mupulushi. Ee, taaku lesa aumwi, ndimebo.

Bene Efeso 5:26

kwaamba ayi acisalashe. Wakacisalasha ndyaakacisansha amaanshi kwiinda mumaswi akwe.

Bene Loma 3:26

Sombi bulya ulatondesha ayi ulalulamika bantu bashoma muli Jesu Klistu kwaamba ayi beshibe ayi lakwe mwiine uliluleme.

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Kulonga 34:7

Ndalama cipangano cangu kumashalane ali shuulu ashuulu, alimwi akulekelela bantu pabubi ashibiibi shabo. Sombi teshi nkaalilwe kupa mulandu baana alimwi abameeshikulu babo, kushikila akulishalane lyatatu alyane, ceebo ca shibiibi sha bamashali babo.”

1 Baami 8:30

Kamunyumfwila mipailo yangu aya bantu banu bene Isilaeli na balanga kuŋanda yanu pakupaila. Amutukutike kwiculu uko nkomwikala akutulekelela shibiibi shesu.

Jelemiya 3:13

Citooyandikabo nkusumina mulandu wako. Webo wakaashukila ndime neMwaami Lesa, Lesa wako. Wakalinga kubikila maano balesa beensu munshaashisamu shoonse shicite shimfule shibotu. Mukucita boobo tewakalinga kunyumfwila. Nebo neMwaami Lesa ndaamba.’ ”

Joni 17:25

Ta noMululeme, nakubi kwaamba ayi bamucishi tabamwishi, nebo ndimwishi alimwi aba balishi kwaamba ayi ndimwe mwakantuma.

Luka 22:57

Sombi Pita wakakaka akwaamba ayi, “Sobwe omwanakashi, nshimwishiiwo muntu uyo!”