1 Bene Tesalonika 2:13 - Baibo Busansulushi Bwa Libuku Ili

¹³ Ono tulalumba Lesa cakutaboola pesule ceebo ndimwakatambula maswi akwe Lesa ayo ngomwakanyumfwa kuli ndiswe, tamukwe kwaatambula anga aswa kumuntu, sombi bweenka mbwaabete, ncakwiila ayi ngakwe Lesa. Ndushinisho, Maswi akwe Lesa aliciteeko kusandula buumi bwanu mwebo nobashomi.

1 Bene Tesalonika 2:13 교차 참조

Bene Ebulu 4:12

Mukwiinga maswi akwe Lesa ali anga ncintu cuumi alimwi alicite nkusu. Alikolete kwiinda mupeeni ukolete koonse kobilo. Alatimbula pakati kushikila apali moyo amuuya alimwi apali shifuwa alimwi amoomo. Maswi akwe Lesa alayubulula sheesho bantu nshebayeeya alimwi anshebasuni.

Bene Loma 10:17

Paceebo ceeco muntu ulashoma ceebo cakunyumfwa Makani Abotu alimwi aalo Makani Abotu alanyumfwika kwiinda mukushimikila shapali Klistu.

1 Pita 1:23

Lesa wakamupa buumi bupya, kuteshi kuswa kumbuto inyonyooka, sombi itanyonyooki, iyo ili ngomaswi akwe Lesa ayo aliiko alimwi eshi akanooliikobo lyoonse.

1 Pita 1:25

sombi maswi a Mwaami Lesa ananooliikobo muyayaya.” Maswi ayo ngaMakani Abotu ayo ngobakashimikila kuli ndimwe.

1 Pita 2:2

Ono mbuli bakateta mbobalilila mukupa, muyandishishe mukupa wiine wiine wa mushimu, kwaamba ayi kwiinda mukuunwa mukomene akupuluka,

Luka 11:28

Sombi Jesu wakakumbula ayi, “Ee, sombi bacite coolwe cinene mbaabo banyumfwa maswi akwe Lesa akucita mbwaamba!”

Milimo ya Batumwi 13:48

Baswamashi bakunsengwe ndibakanyumfwa boobo, bakasangalala abuumbi akutalika kulumbaisha maswi a Mwaami abotu. Mpomunyaawo abo Lesa mbwaakasala ayi babe abuumi butamaani, bakashoma.

1 Joni 3:3

Uyo woonse ucite lushomo akulangila muli Klistu ulalisalasha mwiine bweenka mbuli Klistu mbwaasalalite.

Bene Galatiya 4:14

Nakubi kwaamba ayi bulwashi bwangu bwakamupensha, tamukwe kunsuula nabi kunaama. Sombi mwakantambula anga ngumunjelo wakwe Lesa nabi anga nguKlistu Jesu mwiine.

2 Bene Kolinto 3:18

Swebo soonse sotucite shiwa shitafweketwe shisani, tuli anga nshilola shitondesha bulemu buswa kuMwaami. Tutoosandululwa kuba mbuli nguwe, kuswa mubulemu bumwi kuya mubuumbi bwiindaawo, kwiinda muMwaami uli nguMushimu.

Milimo ya Batumwi 17:11

Bene Biliya bakalinga kucite myoyo yakunyumfwishisha kwiinda bene Tesalonika. Bakalinga kukutika maswi amyoyo yabo yoonse alimwi lyoonse bakalinga kwiindulukaamo muMalembo akwe Lesa kwaamba ayi babone na shakalinga kwaamba Paulo nshalushinisho.

Bene Kolose 1:6

Makani Abotu atooletela bantu shoolwe alimwi baanji batokwaatambula mucishi ca panshi coonse, bweenka mbwaakacita pali ndimwe, kuswa bushiku ubo ndimwakaanyumfwishisha akwishiba luse lwakwe Lesa mbolubete.

Luka 8:21

Sombi Jesu wakabaambila ayi, “Bama abamakwesu mbaabo banyumfwa maswi akwe Lesa akucita mbwaamba.”

Joni 17:19

Ceebo ca mbabo ndalibenga kuli ndimwe kwaamba ayi abalo balibeenge calushinisho kuli ndime.

Mateyo 10:40

“Uyo woonse utambula ndimwe, ulatambula ndime alimwi uyo utambula ndime, ulatambula baTa abo bakantuma.

Joni 17:17

Amubasalashe alushinisho ayi babe bantu banu. Maswi anu ndolushinisho.

Joni 15:3

Mwebo mwasalashikwa kale kwiinda mumaswi ngondamwaambila.

Luka 8:11

“Ono mbulya mbocaamba cikoshanyo. Imbuto ndiswi lyakwe Lesa.

Mateyo 10:20

Ceebo teshi ndimwe mweshi mukanokwaamba, sombi Mushimu wakwe Ishiwanu uli kwiculu ngweshi ukabe muli ndimwe.

2 Pita 3:2

Ndisuni ayi mwiibaluke maswi akaamba balaluki bakulukulu basalalite kale kale alimwi amulawo wa Mwaami Mupulushi wesu, uyo batumwi ngobakamupa.

Jemusi 1:18

Mukuyanda kwakwe mwiine wakatupa buumi kwiinda mumaswi a lushinisho, ayi pakati ka shilengwa shakwe shoonse tube anga nshisepo shitaanshi.

Milimo ya Batumwi 17:32

Ndibakanyumfwa ayi Paulo utokwaamba shakubuka kuswa kubafu, bamwi bakatalika kumuseka. Sombi bamwi bakaamba ayi, “Tulisuni kwaamba ayi ukese ukatulwiteewo alimwi pacikani ncemunya ici.”

Milimo ya Batumwi 16:14

Pakati kabo pakalinga umwi mwanakashi wiitwa ayi Lidiya uswa kundabala ya Tiyatila. Wakalinga shimakwebo wa shisani shifubelafubela shamakwebo alimwi mwanakashi uyu wakalinga kulambila Lesa. Lyalo Lesa wakamucalula kalango ayi anyumfwishe nshakalinga kwaamba Paulo.

Milimo ya Batumwi 10:33

Mpomunyaawo ndakatuma bantu kuli ndiwe alimwi wacita kabotu kwisa. Ono soonse bulya tuli pameenso akwe Lesa kwaamba ayi utulwiite makani oonse ayo ngaakubambila Mwaami Lesa.”

Milimo ya Batumwi 2:41

Mpeeke bantu baanji bakashoma maswi akaamba Pita. Lyalo bakabombekwa. Alimwi pabushiku bweenka ubo, bantu aba bakaba mulikoto lyabo mpashi bakalinga shuulu shotatwe.

Milimo ya Batumwi 8:14

Ono batumwi bakalinga muJelusalemu ndibakanyumfwa ayi abalo bene Samaliya bashoma maswi akwe Lesa, bakatuma Pita aJoni kuli mbabo.

Luka 5:1

Bushiku bumwi Jesu wakalinga kwiimfwi muloombe lwa Lweenge lwa Genesaleti. Bantu baanji bakalinga kushindikana kwaamba ayi banyumfwe maswi akwe Lesa.

Jelemiya 44:16

“Teshi tunyumfwewo maswi ayo ngowatwaambila muliina lya Mwaami Lesa!

Agayi 1:12

Kuswawaawo Selubabelo mwanaakwe Sheyalutyelo, Joshuwa mwanaakwe Jeosadaki mupailishi munene abantu bamwi bakacaalaawo, boonse bakasumina kukonkela mulawo wa Mwaami Lesa, Lesa wabo. Bantu abo bakalinga kuloonda akunyumfwila maswi angu neAgayi mukwiinga Mwaami Lesa, Lesa wabo ngowakantuma.

Bene Ebulu 4:2

Mukwiinga aswebo twakanyumfwa Makani Abotu bweenka mbuli mbabo. Sombi taaku bubotu mbobakacanaamo mukwiinga bakanyumfwabo, ono tabakwe kushoma.