1 Bene Kolinto 9:23 - Baibo Busansulushi Bwa Libuku Ili

²³ Shoonse ishi ndashicita ceebo ca Makani Abotu kwaamba ayi nebo pantu pomwi ambabo tukatambule shoolwe sha ngawo.

1 Bene Kolinto 9:23 교차 참조

2 Timoti 2:10

Aboobo ndatolelela mushintu shoonse ceebo ca bantu Lesa mbwaakasala kwaamba ayi abalo bakatambule lupulusho lwakesa kwiinda muli Klistu Jesu, ulo luleta bulemu butamaani.

Maako 8:35

Mukwiinga uyo woonse usuni kupulusha buumi bwa buntu, ulaakubusowa. Sombi uyo woonse usowa buumi bwakwe ceebo ca ndime alimwi aceebo ca Makani Abotu, ncakwiila uyo ulaakubucana.

1 Joni 1:3

Ico ncetwakabona akunyumfwa ncetutoomushimikila kwaamba ayi mwebo alimwi aswebo tusenkane mubwanabwankashi bwakwe Lesa alimwi aMwanaakwe Jesu Klistu.

Bene Ebulu 3:14

Mukwiinga soonse tulasebensela pantu pomwi aKlistu kulilabo na twatolelela mulushomo ndotwakatalikaalo kushikila akumeelelesho a buumi bwesu.

Bene Galatiya 2:5

Sombi tatukwe kubashiilawo musena napaceyi ceebo twakalinga kusuni kwaamba ayi tumusungile lushinisho lwa Makani Abotu.

Bene Ebulu 3:1

Nobamakwesu, nomwakeetwa kuli Lesa kwaamba ayi mube abuumi bwa kwiculu. Amuyeeye Jesu, Mutumwi alimwi Mupailishi Munene wa lushomo ndotushimikila.

2 Timoti 2:6

Mulimi wasebensa cankusu ngooelete kutambula shitaanshi sha bulimi.

2 Bene Kolinto 2:4

Ndakamulembela cakuungumana akucisa moyo alimwi akulila abuumbi, kuteshi kwaamba ayi mulenshe nsoni, sombi kwaamba ayi mwishibe lusuno kukomena ndooncite pali ndimwe.

1 Bene Kolinto 9:12

Na bamwi balicite nkusu shakulangila lucafwo ulu kuswa kuli ndimwe, sa te swebo tulicite nkusu shakulangila lucafwo kwiinda mbabo? Nakubi boobo tatukwe kusebensesha nkusu ishi, sombi twakasuula kwaamba ayi tutashinkili bantu kutambula Makani Abotu aamba shakwe Klistu.

1 Pita 5:1

Ono ntoolwiita bamatanjililima ba coonde pakati kanu. Ndakabona ambuli Klistu mbwaakapenshekwa alimwi ntoolindila kutambulaako bulemu bwakwe Klistu bweshi bukayubululwe.

Bene Loma 11:17

Misampi imwi ya cisamu ca olifi cakushanga yakatyoka, lyalo Lesa wakalengesha ayi pasonse musampi wa cisamu ca olifi ca muluundu. Mwebo nobaswamashi bakunsengwe muli anga ncisamu ca olifi ca muluundu. Aboobo mulatambula nkusu kuswa kumiyanda ya cisamu ca olifi cakushanga, nkokwaamba ayi kuswa kubene Isilaeli.

1 Bene Kolinto 9:22

Pakati ka bantu bacite lushomo luniini ndakekala mbweeke mbuli mbabo kwaamba ayi mbalete kuli Lesa. Aboobo kubantu boonse ndakekala mbweeke mbuli mbabo kwaamba ayi na kacikonsheka bamwi Lesa abapulushe.

1 Bene Kolinto 9:24

Ncakwiila mulishi ayi bacica lubilo lwakupingana mbaanji, sombi utambula cilambu ngomwibo. Ono amwebo mulyeelete kucica cakutambula cilambu.