7 Sombi teshi boonse beshi makani aya. Bamwi bakashibila kulambila shibumbwabumbwa, abobulya na balya cakulya camushobo uyo, balacibona anga capekwa kushibumbwabumbwa. Ono ceebo cakutonsha kwabo, cakulya ico cilababisha.
Kwiinda muMwaami Jesu, ndishi cakutatonsha ayi taaku cintu nabi comwi cibisha muntu ciine. Sombi na muntu ulashoma ayi ncibiibi, nkokwaamba ayi cilabica kuli nguwe kucicita.
Sombi tulyeeletebo kubalembela nkalata yakubalwiita ayi tabeelete kulya shakulya shitasalalite ceebo nshipo shakapekwa kushibumbwabumbwa, kutacita cikololo, kutalya nyama shakashinwa alimwi abulowa.
Nobene Klistuma nebo ndishinishite kwaamba ayi mulicite buumi bubotu alimwi mulishi shoonse nshemweelete kucita akulwiitana nobeene.
Ono kweelana amwiipusho ngomwakalemba pashakulya shipekwa kushibumbwabumbwa, ndushinisho kwaamba ayi soonse tulicite lushibo. Ono lushibo ulo lweenka lulalengesha bantu kulisumpula, sombi lusuno ndoluyaka.
Ono aboobo pamakani akulya shakulya shipekwa kushibumbwabumbwa, tulishi ayi shibumbwabumbwa tashicite ncito. Alimwi tulishi ayi kulibo Lesa womwi.
Mulyaangulukite kulya nyama ili yoonse yuulishikwa mumishika ya nyama cakuteepusha, mukucana kwaamba ayi moyo ulamupensha.
Twamusenga alimwi nobamakwesu, ayi mucenjeshe batolo. Amuyumyeyumye beshiboowa, mucafwe balefukite alimwi bantu boonse kamubakalikila myoyo.
