13 Aboobo, na cakulya calengesha mukwesu muli Klistu kubisha, teshi nkalyewo nyama alimwi kwaamba ayi ntakabishishi mukwesu uyo.
Ono ncibotu kucileka kulya nyama, kunwa shibilite nabi kucita cintu cimwi cili coonse ceenga calengesha muKlistunyinaanu kubisha.
Na umwi walefuka, anebo ndalefuka. Na umwi wawita mucibiibi, nebo ndoongumana.
Swebo tatusuni kwaamba ayi bantu batongooke mulimo wesu kwiinda mukubashinkilisha.
Lusuno talupi kubula bulemu, kuliyanda nabi kukalala bwaangu. Ncakwiila lusuno talulengeshiiwo kubikilanina mfundilishi mumoyo.
Umwi muntu inga waamba ayi, “Nebo ndisuminishitwe kucita shili shoonse.” Ono teshi kwaamba ayi shintu shoonse nshibotu. Nebo inga ndaamba ayi, “Shintu shoonse shilisuminishitwe kuli ndime,” sombi inga nshileeki nabi comwi kungalula musha.
Amucite kweelana ambooncita. Nebo ndeelesha kukondelesha bantu boonse mushintu nsheencita. Nshiyandoolibo sheesho shikonda ndime nemwiine, sombi shikonda boonse kwaamba ayi abalo bapulushikwe.
Na bamwi balicite nkusu shakulangila lucafwo ulu kuswa kuli ndimwe, sa te swebo tulicite nkusu shakulangila lucafwo kwiinda mbabo? Nakubi boobo tatukwe kusebensesha nkusu ishi, sombi twakasuula kwaamba ayi tutashinkili bantu kutambula Makani Abotu aamba shakwe Klistu.
Ono kwaamba ayi tutabakalashi basonkeshi aba, koya kulweenge ukalobe. Inswi njeshi utaangune kuloba, wiicenamune mukanwa. Utoocanamo maali akwana musonko wangu awaako, utole uye ukasonke.”
Sombi tulyeeletebo kubalembela nkalata yakubalwiita ayi tabeelete kulya shakulya shitasalalite ceebo nshipo shakapekwa kushibumbwabumbwa, kutacita cikololo, kutalya nyama shakashinwa alimwi abulowa.
Paceebo ceeco tatweelete kubona bene Klistunyineesu ayi mbeshikubisha. Sombi ncetweelete kucita nkuyeeya kwaamba ayi tutanoolengesha bene Klistunyineesu kubisha.
Bwikaalo bwanu butabi mfumpu kubaJuda, baswamashi bakunsengwe nabibo kucoonde cakwe Lesa.
