1 Bene Kolinto 7:2 - Baibo Busansulushi Bwa Libuku Ili

² Ono ceebo cakuloonda bufuule musankwa woonse ulyeelete kuba amukaakwe, alakwe mwanakashi ayibaye.

1 Bene Kolinto 7:2 교차 참조

Bene Efeso 5:28

Nkokwaamba ayi basankwa balyeelete kusuna bamakaabo bweenka mbuli mbobasuni mibili yabo. Uyo usuni mukaakwe, ulilisuni mwiine.

Bene Efeso 5:33

Nakubi boobo alaamba apali ndimwe. Musankwa uli woonse ulyeelete kusuna mukaakwe bweenka mbwaalisuni mwiine. Alakwe mwanakashi ulyeelete kulemeka ibaye.

1 Bene Kolinto 7:9

Sombi na tookoonshi kulicata, ulyeelete kweebabo na kweebwa, ceebo ncibiibi kunoopengabo alunkumbwa lwa mubili.

Tushimpi 18:22

Uyo ucana mwanakashi wakweeba, ulacana cintu cibotu alimwi Mwaami Lesa ulamunyumfwila nkumbu.

1 Bene Kolinto 6:18

Bufuule kamubutalamuka. Shibiibi shimwi shoonse shicita muntu tashibishi mubili wakwe, sombi cibiibi ca bufuule cilabisha mubili wakwe mwiine.

1 Timoti 4:3

Balo baleeisha ayi kweeba akulya shakulya shimwi ncibiibi. Sombi Lesa wakalenga shakulya kwaamba ayi bashomi abo bakashiba shalushinisho banoolya, na bamana kulumba Lesa.

Malaki 2:14

Lyalo muleepusha ayi, “Ino nceebonshi?” Mwaami Lesa taitambuli mukwiinga ngokamboni pali ndiwe alimwi amukaako wakubwanike, ceebo tookwe kucita kweelana ambowakamulasha. Wakacita boobo nacibi kwaamba ayi wakalinga mukaako kweelana acipangano ca cikwati.

Tushimpi 19:14

Muntu ulakonsha kupyana buboni bwa bashali bakwe boonse, sombi mwanakashi ucenjete ncipo ciswa kuMwaami Lesa.

Mateyo 5:32

Sombi nebo ntoomulwiita ayi uyo woonse uleka mukaakwe, utakwe kucita bulale, utoomulengesha kucita bulale na weebwa. Alakwe uyo weeba mwanakashi wakalekwa, wacita bulale.

1 Bene Kolinto 7:1

Ntooyanda nkumbule miipusho njemwakanembela. Kuteeba ncibotu.

1 Bene Kolinto 7:3

Musankwa ulyeelete kucita mulimo wakwe woonse mbuli mbwaaelete pamukaakwe alakwe mwanakashi ulyeelete kucita bweenka ubo kuli ibaye.

1 Bene Tesalonika 4:4

Musankwa amusankwa ulyeelete kwaamba ayi ekale amukaakwe munshila isalalite alimwi yabulemu,

Boomboloshi 21:22

Ono na bamaishiwabo nabi bamanandumishabo baakwisa mukututongookila, tulaakubakumbula ayi, ‘Amutunyumfwile nkumbu kwiinda mukutusuminisha kubatola ceebo tatukwe kubacanina banakashi ciindi ca nkondo ya kuJabeshi Gilyadi. Mwebo tamucite mulandu tau, ceebo teshi ndimwe mwakeebesha bana banu kubene Benjameni.’ ”