1 Bene Kolinto 7:17 - Baibo Busansulushi Bwa Libuku Ili

¹⁷ Muntu womwi awomwi ulyeelete kwikala bweenka mbuli cipo ncaakapekwa kuswa kuli Lesa alimwi kweelana abuumi ubo Lesa mbwaakamwiitilaamo. Ili ndyelifunde ndyeempa mushoonde shoonse.

1 Bene Kolinto 7:17 교차 참조

1 Bene Kolinto 4:17

Paceebo ceeco ntoomutumina Timoti, uli anga ngumwanaangu musankwa ngoonsunishi alimwi uyo ushomeka muMwaami Lesa. Ulaakumwiibalusha shabwikaalo bwangu muli Klistu Jesu ubo bweendelana ansheenjiisha kuli koonse mushoonde shoonse.

1 Bene Kolinto 7:24

Nobamakwesu, muntu woonse ulyeelete kunoolibo shicibusa aLesa mububo ubo mbwaakalingaamo Lesa kaatana kumwiita.

2 Bene Kolinto 8:18

Twamutuma amushominyineesu uyo ulemekwa abuumbi mushoonde shoonse ceebo ca mulimo wakwe wakushimikila Makani Abotu.

2 Bene Kolinto 11:28

Peculu lya shimwi shoonse, lyoonse ndacanika akulisukama kunene abuumbi ceebo ca shoonde shoonse.

1 Bene Kolinto 7:18

Na umwi muntu wakeetwa kuli Lesa kaapalwitwe, taaelete kukusha citondesho cakupalulwa uko. Alakwe umwi na wakeetwa kuli Lesa kaatapalwitwe taaelete kupalulwa.

1 Bene Kolinto 7:7

Necakabota naakwiinga bantu boonse balinga mbuli ndime. Ono ceebo cakwaamba ayi muntu womwi awomwi ulicite cipo cakwe kuswa kuli Lesa, umwi aumwi ulicite cipo camushobo upusene amubye.

1 Bene Kolinto 14:33

Mukwiinga Lesa taasuni kunyonyongana, sombi ulisuni luumuno. Ono kweelana amushoonde shimwi shoonse sha bantu bakwe Lesa,

Mateyo 19:12

Mukwiinga nkobali bantu batakoonshi kweeba mukwiinga mbobakashalwa. Nkobali abamwi batakoonshi kweeba ceebo bakacitwa boobo abantu. Nkobali bamwi alimwi abo bakakaka kweeba kwaamba ayi basebensele kabotu Lesa. Uyo weenga wacikonsha kukonkela kwiisha uku, akonkele.”

1 Bene Kolinto 16:1

Ono pamakani a shipo shakucafwa bashomi bamwi, amucite bweenka mbondakalwiita shoonde sha kuGalatiya.

1 Bene Kolinto 10:32

Bwikaalo bwanu butabi mfumpu kubaJuda, baswamashi bakunsengwe nabibo kucoonde cakwe Lesa.

1 Bene Kolinto 11:16

Ono na kuli weenga wayanda kupikishanya pacikani ici, inga ndaamba ayi swebo tatucite cimwi ncotushibite nabi cishibite bamushoonde shakwe Lesa shoonse.

1 Bene Kolinto 11:34

Alimwi na umwi ulifwite nsala ulyeelete kulita limwi kuŋanda kwaamba ayi mutakalileteli bukali bwakwe Lesa ceebo cakubungana kwanu. Ono shimwi shikani ndaakushibamba ndaakwisa.

Bene Galatiya 1:22

Ciindi ico, bashomi ba mushoonde sha kuJudeya kabatenshiiwo.

1 Bene Tesalonika 2:14

Ceebo nobamakwesu bweenka bwakapenga shoonde shakwe Lesa mucishi ca Judeya, mbweeke ubo amwebo mbomwakapenga. Bene mishaanu bakamupensha bweenka mbobakapenshekwa kubaJudanyinaabo.

2 Bene Tesalonika 1:4

Paceebo ceeco tulikondetwe pali ndimwe mushoonde shakwe Lesa. Tulikondetwe pali ndimwe ceebo cakukomenya myoyo akutaboola pesule mulushomo kweelana aciindi ndyemuli mumapensho amakatasho.