1 Bene Kolinto 5:7 - Baibo Busansulushi Bwa Libuku Ili

⁷ Mulyeelete kukusha cimena ca kale kale ca shibiibi kwaamba ayi mube bantu basalalite cakumaninina. Lyalo mutooba anga ngumulwi upya utacite cimena alimwi mboonshi kwaamba ayi mbomubete ubo. Ceebo Klistu mwanaambelele wesu wa Pasika, wa bushiku bwakwiibaluka kusotokela, wakacaikwa kale.

1 Bene Kolinto 5:7 교차 참조

Bene Efeso 4:22

Paceebo ceeco, amushiye bwikaalo bwanu bukulukulu, ubo bwakalinga kumunyonyoola ceebo bwakalinga kumucenjeeka ayi mucite shintu shitaluleme.

Joni 1:29

Mpeeke bushiku bwakaboolaawo Joni wakabona Jesu keesa kuli nguwe. Lyalo wakoolobesha ayi, “Amubone Mwanaambelele wakwe Lesa uyo ukusha shibiibi sha bantu ba mucishi coonse ca panshi!

Ciyubululo 5:12

Ndakabanyumfwa kabeemba mumaswi apeculu ayi, “Mwanaambelele wakalinga wacaikwa, ngoweelete kutambula bweendeleshi, bubile, busongo, nkusu, mucinshi, bulemu alimwi akulumbaishikwa.”

Kulonga 12:15

Mwaami Lesa wakaamba ayi, “Munshiku shili shosanwe ashobilo, tamweelete kulya shinkwa, sombibo cimaande. Pabushiku butaanshi munshiku ishi, mulyeelete kukusha cimena coonse mumaandaanu mukwiinga uyo woonse weshi akalye shinkwa munshiku shosanwe ashobilo ishi, ulaakukushikwa mubantu bangu bene Isilaeli.

1 Bene Kolinto 10:17

Ono ceebo cakwaamba ayi shinkwa ngomwibo, soonse natufuuli, tuli mubili womwi ceebo tulabaana shinkwa womwi.

Joni 19:14

Bwakalinga bushiku bwakulibambila shaPasika alimwi lisuba lyakalinga kuya pakati ka mutwi, Pilato ndyaakaambila baJuda ayi, “Ngooyu mwaami wanu!”

Maako 14:12

Pabushiku butaanshi bwakusekelela kwakulya Cimaande, bushiku ubo ndibakalinga kucaya twana twa mbelele twa pabushiku bwa Pasika bwakwiibaluka kusotokela, bashikwiiya bakwe bakamwiipusha ayi, “Ino nkuli nkomusuni kwaamba ayi tuye tukamubambile kwakulita cakulya ca bushiku bwa Pasika?”

Joni 1:36

Ndyaakabona Jesu kaainda, wakaamba ayi, “Amubone, ngulya Mwanaambelele wakwe Lesa!”

Mateyo 13:33

Jesu alimwi wakabalwiita acimwi cikoshanyo ayi, “Bweene bwa kwiculu buli anga ncimena ciniini mwanakashi ncaakasenkanya mushikopo shotatwe sha fulaulo, kushikila woonse wafutumuka.”

Bene Loma 3:25

Lesa wakamwaaba ayi acaikwe kwaamba ayi lufu lwakwe lube nshila yakulekelelamo shibiibi sha bantu bashoma Jesu. Ici ncitondesho ca bululami bwakwe. Kale kale Lesa wakalinga kulangabo shibiibi sha bantu ceebo ca nkumbu shakwe shakulekelela.