1 Bene Kolinto 5:11 - Baibo Busansulushi Bwa Libuku Ili

¹¹ Sombi ndakalinga kwaamba ayi tamweelete kupanga cibusa amuntu uliita ayi ngumuKlistu, sombi kaali shicikololo, mulyabi, shikulambila shibumbwabumbwa, shikwaamba shibiibi kubabye, cakolwa nabi mwiipi. Tamweelete kulya amuntu wa mushobo uyo.

1 Bene Kolinto 5:11 교차 참조

Bene Loma 16:17

Ndamusenga nobamakwesu ayi mucenjele abantu abo bapansaanya babyaabo akulengesha ayi babishe. Balo baleeisha shipusene asheesho nshemwakeeya. Amubatalamuke!

2 Bene Tesalonika 3:14

Na umwi akake kucita mbotwaamba munkalata njetwatuma iyi, mumulabilile akumusoonoka kwaamba ayi akanyumfwe nsoni.

2 Bene Tesalonika 3:6

Ono nobamakwesu, tutoomwaambila muliina lya Mwaami Jesu Klistu ayi abo boonse batolo mulikoto lyanu alimwi batasuni kukonkela nshetwakamwiisha, mubasoonoke.

Mateyo 18:17

Ono na wakaka kubanyumfwila abalo, ulwiite bantu ba mucoonde. Ono na wakaka kunyumfwila abamucoonde boonse, amumucitebo anga ngumuntu wa kunsengwe nabi musonkeshi.

2 Joni 1:10

Paceebo ceeco, na umwi muntu wesa kuli ndimwe kaateeishi sheeshi, mutamutambuli akumutambula mumaandaanu. Muteeleshi nabi kumwaansha.

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

1 Timoti 3:3

Taaelete kuba cakolwa, nabi mukali, sombi mubombu, shiluumuno, utasunishi maali.

Mateyo 23:25

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulasansha pansengwe lya nkomeshi ambale, sombi mumyoyo yanu muliswitebo bulyabi akulisuna.

Ciyubululo 2:20

Sombi ndicite litongooshi pali ndiwe ceebo mwanakashi uyo Jesebelo, ulibanda ayi ngumulaluki wakwe Lesa, ulamulangabo. Kwiinda mukwiisha kwakwe, ulabalengesha kubisha ndyaabanyengelela ayi banoocita bufuule akulya shakulya shakabengwa kushibumbwabumbwa.

Bene Efeso 5:5

Mulyeelete kwishiba cancinencine ayi taakuuwo mufuule, uyo ucita shitaluleme, nabi shikukumbwa camunyono shintu sha bamwi (mukwiinga lunkumbwa lwa munyono lulaba ngolesa wabo) weshi akatambuleko Bweene bwakwe Klistu alimwi aLesa.

Luka 21:34

“Amucenjele kwaamba ayi mutabi bantu basunibo kulya mumibala, bacakolwa alimwi balisukamabo shintu sha buumi bwa panshi pano mukwiinga inga bushiku bulya bwamucana kamutalibambite.

1 Bene Kolinto 6:10

beepi, balyabi, bacakolwa, beshimatushi nabi bapambi teshi bakenjile muBweene bwakwe Lesa.

Esekelo 22:12

Muli ndiwe bamwi bantu balatambula makulo kwaamba ayi bacaye bantunyinaabo. Bamwi balasesa cinyona mucila pankongole nshebapa bene Isilaelinyinaabo. Bamwi balacana mpindu akubila ceebo cakucenjeeka babyaabo. Ncakwiila bantu abo banduba nebo neLesa. Nebo neMwaami Lesa Shinkusu shoonse ndaamba.

Bene Kolose 3:5

Amucaye lunkumbwa loonse lwa mucishi ca panshi ulo luli muli ndimwe, mbuli bufuule, kucita shintu shitaluleme, lunkumbwa lubiibi, miyeeyo ibiibi alimwi abupambi. Mukwiinga kupamba akwalo kulikoshenye akulambila shibumbwabumbwa.

1 Bene Kolinto 8:11

Paceebo ceeco uyo ucite lushomo luniini, mukwabesu uyo Klistu ngwaakafwita, ulaakunyonyooka ceebo ca lushibo lwako!

1 Bene Kolinto 6:6

Sombi ncemucita ncakwaamba ayi, mushomi ulatola mushominyina kunkuta ya bantu bakunsengwe kwaamba ayi oomboloshekwe.

Bene Loma 13:13

Atwikale kabotu mbuli bantu bekala mumumuni. Tatweelete kwikala mubucakolwa bupusenepusene, bufuule alimwi akutalilemeka. Tatweelete kulwana alimwi akunyumfwilana munyono.

Kulumbaisha 101:5

Ndaakuumusha muntu woonse ufuya mubye mubushishi. Teshi nkalekeleewo muntu ulisumpula akulinyumfwa.

Kulumbaisha 10:3

Ncakwiila bamucita shibi balalisumpula mulunkumbwa lwa myoyo yabo ibiibi. Balalumbaisha bantu balyabi, sombi balasebaanya liina lya Mwaami Lesa.

Ciyubululo 2:14

“ ‘Sombi ndicite matongooshi amwi pali ndiwe ceebo mulikoto lyanu muli bamwi bakonkela kwiisha kwakwe Balamu. Lakwe wakeeisha Balaki bwakulengesha bene Isilaeli kubisha kwiinda mukubanyengelela ayi balye shakulya shakabengwa kushibumbwabumbwa alimwi akucita bufuule.

1 Timoti 6:5

alimwi akwaambana kuteeli kuswa kubantu abo bacite miyeeyo ibiibi batakoonshi kwishiba shalushinisho. Balo balayeeya ayi kupaila Lesa ninshila yakubililaamo.

Bene Efeso 5:18

Amucileeke kukolwa uko kweshi kukamunyonyoolebo, sombi amusushikwe aMushimu Usalashi.

Bene Galatiya 2:12

Kabatana kushika basankwa bamwi mbwaakatuma Jemusi, Pita wakalinga kulya abaswamashi bakunsengwe bashominyina. Sombi ndibakashika basankwa abo, wakalipatula akucileka kulyaabo mukwiinga wakalinga kuloonda baabo bakalinga kusuni ayi baswamashi bakunsengwe banoopalulwa.

1 Bene Kolinto 11:21

Ceebo ndimulya umwi aumwi ulalya cakulya cakwe mwiine, paceebo ceeco bamwi balekalabo ansala, sombi bamwi balakolwa.

1 Bene Kolinto 10:14

Ono aboobo nobamakwesu amusoonoke kukulambila shibumbwabumbwa.

1 Bene Kolinto 7:15

Nakubi boobo na utashomi pabeebene wayeeya kukaka mubye ushoma, acite bweenka ubo. Na cacitika boobo, ushoma uyo wacaala, musankwa nabi mwanakashi, ulyaangulukite kucita mbwaasuni. Lesa wakamwiita kwaamba ayi mube muluumuno.

1 Bene Kolinto 7:12

Kubamwi boonse ntokwaamba ayi (nebo kuteshi Lesa), na musankwa ushoma ulikwete mwanakashi utashomi, usuminite kwikala anguwe, taaelete kuleka mwanakashi uyo.

Milimo ya Batumwi 9:17

Lyalo Ananiyasi wakaya wenjila muŋanda mwakalinga Saulo. Wakabika maansaakwe pali nguwe akwaamba ayi, “Mukwaabo Saulo, Mwaami Jesu mwiine uyo ngowakabona munshila ndiwakalinga kwisa kokuno, wantuma kwaamba ayi webo utalike kubona alimwi akwaamba ayi usushikwe Mushimu Usalashi.”

Luka 18:11

“Mpomunyaawo muFalisi wakanyamuka akupaila ayi, ‘Ndamulumba nobaLesa ceebo nshibete mbuli bamwi bantu boonse bapambi, bataluleme nabi beshibulale alimwi ndalumba ceebo nshibete mbuli musonkeshi uyu.

Milimo ya Batumwi 1:15

Ndipakeenda nshiku shiniini, kwakaba libungano lya baabo boonse bakalinga kushoma muli Jesu abo bakalinga kushika mpashi mwaanda amakumi obilo. Lyalo Pita wakanyamuka,

1 Bene Kolinto 6:9

Sa tamwishi kwaamba ayi beshishibiibi boonse teshi bakenjile muBweene bwakwe Lesa? Mutalibeeci, boonse bafuule, balambila shibumbwabumbwa, beshibulale, basankwa boona abasankwanyinaabo,