1 Bene Kolinto 4:15 - Baibo Busansulushi Bwa Libuku Ili

¹⁵ Nakubi kwaamba ayi mulicite bafundishi bashika kushuulu likumi mubuumi bwanu bwa buKlistu, tamucite bamaishiwanu baanji. Mukwiinga kwiinda muli Klistu Jesu ndakaba ishiwanu ceebo cakumushimikila Makani Abotu.

1 Bene Kolinto 4:15 교차 참조

Bene Galatiya 4:19

Nobana bangu, bweenka mbuli mwanakashi mbwaanyumfwa kucisa na mumala mwabuka, anebo mbontoonyumfwa ceebo ca ndimwe kushikila buumi bwa buKlistu buboneke cancinencine muli ndimwe.

1 Bene Kolinto 3:10

Lesa muluse ulo ndwaakantondesha, nebo ndakakaba lwiimbi mbuli muyaki ucishi kabotu, sombi umwi muntu utooyakaawo. Ono womwi awomwi ulyeelete kucenjela mbuli mbwaatooyaka.

1 Bene Kolinto 9:23

Shoonse ishi ndashicita ceebo ca Makani Abotu kwaamba ayi nebo pantu pomwi ambabo tukatambule shoolwe sha ngawo.

1 Bene Kolinto 9:14

Mbweeke ubo Mwaami Jesu wakaamba ayi abo bashimikila Makani Abotu, balyeelete kucana cakulya kwiinda mukushimikila uko.

1 Pita 1:23

Lesa wakamupa buumi bupya, kuteshi kuswa kumbuto inyonyooka, sombi itanyonyooki, iyo ili ngomaswi akwe Lesa ayo aliiko alimwi eshi akanooliikobo lyoonse.

Jemusi 1:18

Mukuyanda kwakwe mwiine wakatupa buumi kwiinda mumaswi a lushinisho, ayi pakati ka shilengwa shakwe shoonse tube anga nshisepo shitaanshi.

Filimoni 1:19

Maswi aya ntooalemba alyaansa lyangu ayi, “Nebo nePaulo ndaakukulipila.” Mukwaamba boobo, nsheelete kukwiibalusha ayi nkongole njoocite kuli ndime, mbuumi bwako omwiine.

Taitasi 1:4

Ntoolembela ndiwe Taitasi omwanaangu wancinencine mulushomo ndotucite. Luse aluumuno shibe awebo kuswa kuli Lesa Ishiwesu aKlistu Jesu Mupulushi wesu.

2 Timoti 4:3

Ciindi cilaakushikila bantu ndyeshi bakakake kunyumfwa kwiisha kwalushinisho, sombi balaakukonkela shiyanda myoyo yabo kwiinda mukulibunganishisha bafundishi baanji abo beshi bakanokwaamba nshebasuni kunyumfwa.

1 Bene Kolinto 9:18

Ino ono cilambu cangu nciinshi? Ncakwiila nkushimikila Makani Abotu cakutatambula malipilo alimwi asheelete kutambula muntu ushimikila Makani Abotu.

1 Bene Kolinto 9:12

Na bamwi balicite nkusu shakulangila lucafwo ulu kuswa kuli ndimwe, sa te swebo tulicite nkusu shakulangila lucafwo kwiinda mbabo? Nakubi boobo tatukwe kusebensesha nkusu ishi, sombi twakasuula kwaamba ayi tutashinkili bantu kutambula Makani Abotu aamba shakwe Klistu.

1 Bene Kolinto 3:6

Nebo ndi anga ngumuntu wakashanga mbuto, alakwe Apolosi washitilila, sombi nguLesa ulengesha ayi shikule.

Bene Loma 15:20

Lyoonse ndisuni bunene kushimikila Makani Abotu mumisena bantu mobatana kunyumfwaawo kale shapali Klistu kwaamba ayi ntakatoleleli mulimo wakatalika umwi muntu.

Shakubelenga 11:12

Teshi ndime ndakabamita nabi kubashala. Ceebonshi mwandwiita ayi noobalela akubanyamuna mumaansaangu anga mbakateta kushikila mucishi ico ncemwakalasha bamashali babo bakulukulu?

1 Bene Kolinto 1:30

Lesa ngowakalengesha ayi tube muli Klistu Jesu ayi lakwe abe busongo bwesu. Wakatululamika pameenso akwe Lesa, watusalasha akutwaangulula.

1 Bene Kolinto 3:8

Aboobo taaku bupusano pali wooyo ushanga autilila ceebo Lesa ulaakulambula womwi awomwi kweelana amilimo njaakacita.

1 Bene Kolinto 9:16

Nsheelete kulisumpula ceebo cakushimikila Makani Abotu mukwiinga Mwaami Jesu ngowakandwiita kucita boobo. Mapensho kuli ndime na ndabula kushimikila Makani Abotu!

1 Bene Kolinto 15:1

Ono nobamakwesu, ndisuni kumwiibalusha Makani Abotu ngondakamushimikila. Mwakaatambula alimwi ndolwiimbi lwa lushomo lwanu.

2 Bene Kolinto 4:5

Ceebo tatushimikili shapali ndiswe sobeene, sombi shapali Jesu Klistu ayi ngoMwaami. Swebo tulalyaamba ayi tuli basebenshi banu ceebo cakwe Jesu.

Bene Galatiya 3:24

Nkokwaamba ayi Milawo yakapekwa kuli ndiswe ayi itweendeleshe kushikila Klistu ndyaakesa kwaamba ayi Lesa atululamike kwiinda mulushomo.

Bene Galatiya 3:25

Ono bulya mukwiinga tuli muciindi ca lushomo, nkokwaamba ayi tatucibete mubweendeleshi bwa Milawo.