1 Bene Kolinto 3:9 - Baibo Busansulushi Bwa Libuku Ili

⁹ Swebo soonse tuli basebenshi bakwe Lesa, mwebo muli muunda wakwe. Alimwi muli Ŋanda yakwe Lesa.

1 Bene Kolinto 3:9 교차 참조

1 Pita 2:5

Amwebo mube anga ngamabwe oomi ayo Lesa ngweshi ayakishe ŋanda yakwe ya mushimu. Muŋanda iyo mweshi mukasebensele mbuli bapailishi basalalite mukubenga milambu ya mushimu itambulwa kuli Lesa kwiinda muli Jesu Klistu.

2 Bene Kolinto 6:1

Kweelana ambotusebensela pantu pomwi aLesa, twamusenga kwaamba ayi nomwakatambula shoolwe sha luse lwakwe Lesa mutakashinyonyoolibo.

1 Bene Kolinto 3:16

Sa tamwishi kwaamba ayi mwebo muli Ŋanda yakwe Lesa alimwi ayi Mushimu wakwe Lesa ulekala muli ndimwe?

Maako 16:20

Bashikwiiya bakaya cishimika Makani Abotu koonse koonse. Alakwe Mwaami wakabapa nkusu shakucita shaankamiko, kutondesha bantu ayi maswi akwe ngancinencine.]

Mateyo 9:37

Mpeeke wakaambila bashikwiiya bakwe ayi, “Shakutebula shafula, sombi beshikutebula baceya.

Isaya 61:11

Ono bweenka bulongo mbobumenesha shishango, ee, bweenka muunda mbookusha shakashangwaamo, mbweeke ubo Mwaami Lesa Shinkusu shoonse mbweshi akaboneshe bululami abulemu bwakwe pameenso amishobo imwi yoonse.

1 Bene Kolinto 3:6

Nebo ndi anga ngumuntu wakashanga mbuto, alakwe Apolosi washitilila, sombi nguLesa ulengesha ayi shikule.

Bene Kolose 2:7

Mucinke manungo akuyaka buumi bwanu muli nguwe alimwi muyume mulushomo kweelana ambobakamwiisha. Mulyeelete kunoolumba Lesa lyoonse.

Bene Efeso 2:10

Ceebo cakuba muli Klistu, Lesa wakalengesha ayi tube mbotubete bulya, kwaamba ayi tucite milimo ibotu iyo Lesa njaakabambilabo limwi ayi twiiciite.

1 Bene Kolinto 6:19

Sa tamwishi kwaamba ayi mibili yanu niŋanda ya Mushimu Usalashi uli muli ndimwe uyo Lesa ngwaakamupa? Buumi mbomucite ono teshi bwaanu, sombi mbwakwe Lesa.

Milimo ya Batumwi 4:11

Jesu ngowooyo waambwa muMalembo akwe Lesa ayi, ‘Libwe ndimwakakaka akusuula mwebo nobayaki lyakaba ndyelibwe liyandika lya mulikonko lya ŋanda.’

3 Joni 1:8

Anu swebo tulyeelete kubacafwa kwaamba ayi tusebensele pantu pomwi mumulimo wakushimikila shalushinisho.

1 Timoti 3:15

na ndaceelwa kwisa, makani aya eenka akakuboneshe bantu mbobeelete kwikala muŊanda yakwe Lesa, iyo ili ncecoonde cakwe Lesa muumi. Coonde ndyelicinko lya lushinisho alwiimbi lwa ndulo.

Isaya 61:3

Wakantuma kucafwa baabo balila muSiyoni, kubafwalika ngala yakukondwa kuteshi milota ya buumba. Kubapa mafuta atondesha kusangalala kuteshi mapensho aleta minsonshi. Kubalengesha kwiimba nyimbo shakulumbaisha kuteshi buumba. Balaakunokwiitwa ayi mibanga yabululami iyo Mwaami Lesa njaakashanga kwaamba ayi atondeshe bulemu bwakwe.

2 Bene Kolinto 6:16

Ncipanganonshi ceenga caba pakati ka Ŋanda yakwe Lesa ashibumbwabumbwa? Ceebo swebo tuli Ŋanda yakwe Lesa muumi, mukwiinga Lesa ulaamba ayi, “Ndaakuba mubantu bangu, akwikala pakati kabo, Ndaakuba Lesa wabo, abalo balaakuba bantu bangu.”

Jelemiya 2:21

Ndakakushanga bweenka mbuli munyansa ubotu wakuswa kumbuto ibotu abuumbi. Ino wakasanduka buyani kuba munyansa ulula wamuluundu?

Kulumbaisha 118:22

Libwe bayaki ndibakakaka, lyakaba ndyelibwe liyandika lya mulikonko lya ŋanda.

Kulumbaisha 72:16

Amukabe shili anga ngamaila shiinji mucishi cakwe coonse. Shishango ashikanefume patulundu. Ashikacate anga nsheesho sha kuLebanoni. Mandabala anene aakasule bantu, mbweeke bwiisu mbobuswite muluundu.

Bene Ebulu 3:6

Sombi Klistu mukuba Mwanaakwe Lesa, ulashomeka mukweendelesha bantu bakwe Lesa boonse. Nkokwaamba ayi swebo tuli bantu bakwe Lesa na twatolelela kutaloonda alimwi akulisumpwita mushintu ishi nshetutoolangila.

Mateyo 16:18

Ono ntookwaambila ayi ndiwe Pita, aboobo pamwaandami uyu mpweshi nkayakile coonde cangu alimwi nkusu sha lufu teshi shikacikomeewo nalilaampi.

Isaya 61:5

Beshi bakanoomweembelelako mbelele ampongo mbaswamashi. Ee, beshi bakanoomulimina myuunda imwi aya minyansa mbanaabenebo.

Isaya 32:20

mulaakukondwa abuumbi ceebo mulaakupekwa coolwe. Mulaakunooshanga mbuto shanu munshaatulonga toonse, ashalo ŋombe ambongolo shanu shilaakunoolilitabo.

Tushimpi 9:1

Busongo bwakayaka ŋanda ya mbubo akubesa macinko a njiyo ali osanwe aobilo.

Mateyo 15:13

Jesu wakakumbula ayi, “Mbewu ili yoonse njebatakwe kushanga baTa bali kwiculu ilaakutumunwa.