8 Aboobo taaku bupusano pali wooyo ushanga autilila ceebo Lesa ulaakulambula womwi awomwi kweelana amilimo njaakacita.
Ceebo Lesa ulaakulambula muntu woonse kweelana amilimo yakwe.
Amucenjele kwaamba ayi mutasowi ceeco ncemwakasebensela, sombi mukatambule cilambu canu coonse.
Ceebo MwanaaMuntu ulaakwisa abaanjelo bakwe mubulemu bwa baIshi, lyalo ndyeshi akalambule muntu womwi awomwi kweelana amilimo yakwe.
Jesu utokwaamba ayi, “Amubone, ntoofwambaana kuboola! Ndaakuletelela ashilambu shangu shakwisa mukupa muntu womwi awomwi kweelana anshaakacita.
Cimwi ncakwaamba ayi noBaami baLesa mulicite lusuno. Ncakwiila mulaakulambula muntu womwi awomwi kweelana asheesho nshaakacita.
Aboobo nobamakwesu nomusunikwi, amwiimikane mulushomo cakutatenkaana. Amubike myoyo yanu kumulimo wa Mwaami ceebo mulishi ayi tamutoosebensela Mwaami kwakubula mpindu.
Ono na Mweembeshi Munene akese, mulaakutambula mushini wa bulemu uyo weshi ukabule kumana.
Lesa uliluleme, aboobo teshi akalube ncito njemwakacita, alimwi alusuno ndomwakamubonesha kwiinda mulucafwo ndomwakacita aloolo ndomucicita kubashominyinaanu.
Muntu woonse ulyeelete kubona milimo yakwe mbuli mbweebete. Na ili kabotu, inga walisumpula ceebo ca njiyo, cakuteelanya aya umwi muntu.
Na cakayaka muntu palwiimbi ulu capuluka mumulilo, muyaki uyo ulaakutambula cilambu.
Swebo soonse tuli basebenshi bakwe Lesa, mwebo muli muunda wakwe. Alimwi muli Ŋanda yakwe Lesa.
Basongo balaakunoobala bweenka butuba mwiculu, abo batanjilila bantu baanji mubululami, balaakunoobala anga ninyenyeenshi kwalyoonse alyoonse.”
alimwi ndaakucaya bana bakwe boonse. Lyalo shoonde shoonse shilaakwishiba ayi ndimeenshi shili mumyoyo alimwi amiyeeyo ya bantu boonse. Ndaakupa muntu woonse mulikoto lyanu kweelana amilimo yakwe.
Uyo ubambila kabotu cisamu ca nkuyu ulaakulya shisepo sha ncico. Mbweeke ubo musebenshi ucitila kabotu mwaami wakwe ulaakupekwa bulemu.
Mwaboona ayi ushanga autilila taaku mbobabete, sombi nguLesa ulengesha ayi shikule.
Nakubi kwaamba ayi mulicite bafundishi bashika kushuulu likumi mubuumi bwanu bwa buKlistu, tamucite bamaishiwanu baanji. Mukwiinga kwiinda muli Klistu Jesu ndakaba ishiwanu ceebo cakumushimikila Makani Abotu.
Sa kuli shilumamba usebensesha maali akwe mwiine mumulimo wakwe? Sa kuli mulimi ushanga muunda wa minyansa wabula kulyaamo? Sa kuli ufuba ŋombe kwakubula kukamaako mukupa?
Mukwiinga woonse muntu ulalinyamwita mukuli wakwe.
Mwaami wakamwaambila ayi, ‘Webo utooba mweendeleshi wa mandabala anene ali osanwe.’
