1 Bene Kolinto 2:14 - Baibo Busansulushi Bwa Libuku Ili

¹⁴ Uyo woonse utacite Mushimu Usalashi taakoonshi kutambula shipo shiswa kuMushimu. Muntu wamushobo uyo ulayeeya ayi taaku mboshibete alimwi taakoonshi kushishiba mukwiinga taaku muntu weenga washishiba kaatacite Mushimu.

1 Bene Kolinto 2:14 교차 참조

1 Bene Kolinto 1:18

Makani aamba shalufu lwakwe Klistu pamucilingano taaku mbwaabete kubantu basowekete, sombi kuli ndiswe sotuli munshila yakupulushikwa, ninkusu shakwe Lesa.

1 Joni 2:27

Sombi mwebo, Klistu wakamupa Mushimu Usalashi ukala muli ndimwe. Aboobo takuyandiki aumwi mufundishi mukwiinga Mushimu Usalashi ngomwakatambula ulamwiisha shoonse alimwi nshaamwiisha nshalushinisho, teshi shabubeshi. Paceebo ceeco, kweelana ambwaakamwiisha, amukalilile muli Klistu.

1 Bene Kolinto 15:46

Teshi mubili wa mushimu utaanguna, sombi ngwabuntu, kuboolaawo ngwamushimu.

Judi 1:19

Bantu aba mbobapansaanya babyaabo. Balakonkelabo shintu sha mucishi ca panshi nshebeshi alimwi tabacite Mushimu Usalashi.

Jemusi 3:15

Ceebo busongo bwa mushobo uyu tabuswi kwiculu. Bulaswa mucishi ca panshi, mbwa buntu alimwi mbwa bushikaswa.

1 Joni 2:20

Sombi mwebo Klistu wakamupa Mushimu Usalashi, aboobo mulishi shalushinisho shoonse.

1 Bene Kolinto 15:44

Mubili ngotubika ngumubilibo wa buntu, sombi pakubushikwa kuswa kubafu ulaakuba wa mushimu. Na mubili wa buntu nkouli, ingayi awalo wa mushimu nkouli.

1 Bene Kolinto 2:12

Swebo tatukwe kutambula mushimu wa buntu, sombi twakatambula Mushimu uswa kuli Lesa kwaamba ayi twishibe shipo isho Lesa nshaakatupa.

Tushimpi 14:6

Shikucelebula ulalangoola busongo cakutabucanaawo, sombi bantu bacite maano akunyumfwisha shintu, balafwambaana kuba alushibo.

Joni 12:37

Nakubi kwaamba ayi wakacita shaankamiko pameenso abo, tabakwe kumushoma.

Joni 5:44

Ino ono inga mwashoma buyani na mulisunibo kulilumbaisha nobeene, sombi kamutasuni ayi mulumbaishikwe kuli Lesa womwibo eenka?

Mateyo 16:23

Mpeeke Jesu wakapiluluka akwaambila Pita ayi, “Koya kulaale, webo Satana! Webo uli mfumpu kuli ndime ceebo miyeeyo yako iyo taiswi kuli Lesa, sombi njabuntu.”

Joni 14:26

Nakubi boobo Mucafwi, Mushimu Usalashi, uyo baTa ngweshi bakatume muliina lyangu ulaakumwiisha shintu shoonse, akumwiibalusha shintu shoonse nshindakamulwiita.

Milimo ya Batumwi 16:14

Pakati kabo pakalinga umwi mwanakashi wiitwa ayi Lidiya uswa kundabala ya Tiyatila. Wakalinga shimakwebo wa shisani shifubelafubela shamakwebo alimwi mwanakashi uyu wakalinga kulambila Lesa. Lyalo Lesa wakamucalula kalango ayi anyumfwishe nshakalinga kwaamba Paulo.

Joni 8:43

Ino nceebonshi ncemutoobulila kunyumfwa nshentokwaamba? Sa te nceebo cakwaamba ayi tamusuni kunyumfwa maswi angu?

1 Bene Kolinto 1:23

Sombi swebo tulashimikila shakwe Klistu uyo wakapopwa pamucilingano. KubaJuda makani aya nimfumpu, akwalo kubaswamashi bakunsengwe taaku mbwaabete.

1 Joni 5:20

Tulishi kwaamba ayi Mwanaakwe Lesa wakesa akutupa busongo ayi twishibe Lesa wancinencine. Tuli muli Lesa wancinencine ceebo tuli muli Jesu Klistu Mwanaakwe. Uyu ngoLesa wancinencine alimwi mbobuumi butamaani.

Milimo ya Batumwi 25:19

Anu ngamakanibo akupikishanya pamiyeeyo ya mbuli mbobapaila Lesa alimwi apamusankwa umwi wakafwa wiitwa ayi Jesu, uyo lakwe Paulo ngwaamba ayi ngumuumi.

Joni 15:26

“Ono aakwisa Mucafwi, ngweshi nkamutumine kuswa kuli baTa, Mushimu wiisha shalushinisho uyo uswa kuli baTa, ngweshi akasansulule shapali ndime.

Milimo ya Batumwi 18:15

Ono mukwiinga ngamakani aamba pamaswi, meena alimwi amulawo wanu, mulyeelete kulibonena nobeene. Nebo nshikoonshi koombolosha shintu shambuli sheeshi, sobwe!”

Milimo ya Batumwi 17:32

Ndibakanyumfwa ayi Paulo utokwaamba shakubuka kuswa kubafu, bamwi bakatalika kumuseka. Sombi bamwi bakaamba ayi, “Tulisuni kwaamba ayi ukese ukatulwiteewo alimwi pacikani ncemunya ici.”

Joni 10:20

Baanji mulikoto lyabo bakaamba ayi, “Ulicite shikaswa, ngushincinko, anu ngwaanshi wakukutika?”

Milimo ya Batumwi 17:18

Bamwi bafundishi beetwa ayi bene Epikuliya abaSitoiki bakatalika kumupikisha. Bamwi bakaamba ayi, “Anu ono alakwe uyu uteeite ulisuni kwaambanshi?” Abalo bamwi bakaamba ayi, “Caboneka anga utokwaamba pabalesa ba baswamashi.” Bakaamba boobo ceebo Paulo wakalinga kushimikila Makani Abotu akwe Jesu akubuka kuswa kubafu.

Joni 14:17

Mucafwi uyo nguMushimu Usalashi wiisha shalushinisho. Bamucishi tabakoonshi kumutambula mukwiinga tabamuboni nabi kumwishiba. Sombi mwebo mulimwishi mukwiinga ulekala amwebo alimwi ulaakwikala muli ndimwe.

1 Bene Kolinto 1:21

Ceebo Lesa mubusongo bwakwe mwiine wakalengesha kwaamba ayi bantu baalilwe kumwishiba kwiinda mubusongo bwabo. Sombi kwiinda mumakani ngotushimikila ayo bantu ngobabona ayi taaku mbwaabete, Lesa cakamukonda ayi apulushe bashoma kwiinda muli ngawo.

1 Bene Kolinto 1:25

Ceebo ico ciboneka anga nkubula maano kwakwe Lesa cileenda pabusongo bwa bantu, acalo ico ciboneka anga nkubula nkusu kwakwe Lesa cileenda pankusu sha buntu.

1 Bene Kolinto 3:1

Nebo palwaangu nobamakwesu, ndakaalilwa kumwaambila mbuli bantu bacite Mushimu Usalashi. Sombi ndakamwaambila mbuli bantu bakunsengwe, nabi mbuli baana mubuKlistu.