1 Bene Kolinto 15:4 - Baibo Busansulushi Bwa Libuku Ili

⁴ Ncakwiila kweelana aMalembo eenka ayo wakabikwa mucuumbwe akubushikwa pabushiku bwatatu.

1 Bene Kolinto 15:4 교차 참조

Osiya 6:2

Muciindi ciniinibo ulaakutubusha, ee, munshiku shobilo nabi shotatwe ulaakutubusha kwaamba ayi tube abuumi pameenso akwe.

Mateyo 12:40

Ceebo bweenka mbuli Jona mbwaakalinga mulifumo lya nswi inene inshiku shotatwe, alakwe MwanaaMuntu ulaakwikala nshiku shotatwe mucuumbwe.

Jona 1:17

Mwaami Lesa wakatuma nswi inene abuumbi ayi imine Jona, alimwi wakekala munswi iyo kwanshiku shotatwe.

Kulumbaisha 2:7

Ono mwaami uyo waamba ayi, “Ntokwaambilisha Mwaami Lesa ncaamba. Wandwiita ayi, ‘Webo uli mwanaangu, sunu ndaba baiso.

Bene Ebulu 13:20

Lesa upa luumuno, uyo wakabusha Mwaami Jesu kuswa kubafu, lakwe ngoMweembeshi munene wa mbelele mukwiinga wakalibenga ayi acaikwe alimwi kwiinda mulufu lwakwe, wakabika cipangano citamaani.

Bene Loma 6:4

Aboobo kwiinda mukubombekwa kwesu, cili anga twakafwa akufukilwa pantu pomwi anguwe kwaamba ayi bweenka Jesu Klistu mbwaakabushikwa kuswa kubafu kwiinda mubulemu bwa nkusu sha baIshi, aswebo twikale mubuumi bupya.

Luka 24:46

Wakabaambila ayi, “Mbulya mbocilembetwe muMalembo ayi Usalitwe wakwe Lesa ulyeelete kupenshekwa akubuka kuswa kubafu pabushiku bwatatu.

Luka 24:26

Sa tecalinga kweelete ayi Usalitwe apenshekwe mushobo uyo kwaamba ayi enjile mubulemu bwakwe?”

Luka 9:22

Wakabaambila alimwi ayi, “MwanaaMuntu ulyeelete kupenshekwa abuumbi, akukakwa abamaloba, bamatanjilili ba bapailishi abafundishi ba Milawo. Balaakumucaya, sombi pabushiku bwatatu ulaakubushikwa kuswa kubafu.”

Bene Kolose 2:12

Mukwiinga ndimwakabombekwa, cakaba anga mwakabikwa mucuumbwe pantu pomwi aKlistu alimwi mukubombekwa uko mwakabushikwa anguwe kwiinda mukushoma nkusu shakwe Lesa, uyo wakamubusha kuswa kubafu.

Milimo ya Batumwi 17:31

Mukwiinga wakasala bushiku bomwi mbweshi akoomboloshe bantu boonse mucishi mubululami, kwiinda mumuntu uyo ngwaakasala. Wakabonesha shoonse ishi kubantu kwiinda mukubusha muntu uyo kuswa kubafu!”

Milimo ya Batumwi 1:3

Ndyaakafwa akubuka kuswa kubafu, Jesu wakalitondesha kuli mbabo akubeshibisha munshila shipusenepusene ayi ngumuumi. Wakaboneka kuli mbabo inshiku makumi one akwaambaabo shaBweene bwakwe Lesa.

Maako 9:31

mukwiinga wakalinga kwiisha bashikwiiya bakwe. Wakalinga kubalwiita ayi, “MwanaaMuntu ulaakwaabwa mumaansa a bantu abo beshi bakamucaaye. Nakubi boobo pabushiku bwatatu ulaakubuka alimwi kuswa kubafu.”

Mateyo 20:19

akumwaaba kubaswamashi bakunsengwe. Balaakumuwela, kumukwiipa akumupopa pamucilingano. Sombi pabushiku bwatatu ulaakubushikwa kuswa kubafu!”

Mateyo 16:21

Kuswa ceeco ciindi Jesu wakatalika kusansulwita bashikwiiya bakwe ayi, “Ndyeelete kuya kuJelusalemu nkweshi nkaye mukupenshekwa abuumbi abamaloba, bamatanjilili ba bapailishi abafundishi ba Milawo. Ndaakucaikwa, sombi pabushiku bwatatu, ndaakubushikwa.”

1 Pita 1:11

Balaluki abo bakeelesha kwishiba ciindi ndyeshi cikacitike ambweshi cikacitike. Mushimu wakwe Klistu wakalinga mubalaluki abo, wakalinga kwaambilabo limwi ayi Klistu ulaakupenshekwa, sombi aakumana kupenshekwa ulakupekwa bulemu.

Joni 19:38

Pesule, Josefu wa kuAlimateya wakasenga Pilato ayi amusuminishe kubwesa mutuntu wakwe Jesu kuswa pamucilingano. (Josefu wakalinga kushoma muli Jesu alakwe, sombi wakalinga kuyubayuba kuloonda bamaloba ba baJuda.) Mpeeke Pilato wakamusuminisha, lyalo wakoobwesa.

Kulumbaisha 16:8

Lyoonse ndatanjisha Mwaami Lesa wangu. Aboobo teshi nkapenge ceebo uli pafwaafwi anebo.