3 Ceebo makani anene ngondakamuletela ngoaayo anebo ngondakapekwa. Makani ayo ngakwaamba ayi Klistu wakafwa ceebo ca shibiibi shesu bweenka bwaamba Malembo akwe Lesa.
Klistu mwiine wakayumuna shibiibi shesu mumubili wakwe pamucilingano kwaamba ayi tuswe munkusu sha shibiibi akwikala lyoonse mubululami. Ceebo ca shilonda shakwe mwashilikwa.
Klistu wakalibenga ceebo ca shibiibi shesu ayi atufuune kububi bwa mucishi cino ca panshi, kweelana akuyanda kwakwe Lesa Ishiwesu.
Lakwe ngomulambu Lesa mwaalekelelela shibiibi shesu alimwi teshibo sheesu sheenka, sombi ashibiibi sha bantu boonse.
Nshikwe kupekwa kumuntu nabi kwiishikwa kumuntu, sombi Jesu Klistu ngowakanjubulwita Makani Abotu ayo.
Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.
Lesa wakabenga Jesu kwaamba ayi acaikwe ceebo ca shibiibi shesu alimwi wakamubusha kuswa kubafu kwaamba ayi atululamike pameenso akwe.
Mwaami Lesa Shinkusu shoonse waamba ayi, “Nyamuka, webo omupeeni ulwane mweembeshi wangu! Ee, umulwaane uyo unsebensela. Umucaaye, lyalo mbelele shitoopalangana. Nebo nemwiine ntoolwana bantu bangu.
“Webo omuntu, ndaakubika kuba shikulindilila mushobo wa bene Isilaeli. Paceebo ceeco unoonyumfwa maswi ngweshi nokwaamba, awebo unooya mukubacenjesha kweelana amaswi angu.
Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.
Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.
Ceebo maswi ngondakatambula kuswa kuMwaami ngoaayo anebo ngondakamulwiita. Maswi ayo ngakwaamba ayi Mwaami Jesu, mashiku ayo eenka ndyaakaabwa, wakabwesa cimaande,
Sombi Lesa wakaambilabo limwi kwiinda mubalaluki bakulukulu boonse, ayi Usalitwe wakwe wakalinga kweelete kupenshekwa, aboobo shakacitika bweenka ubo.
Mpeeke bushiku bwakaboolaawo Joni wakabona Jesu keesa kuli nguwe. Lyalo wakoolobesha ayi, “Amubone Mwanaambelele wakwe Lesa uyo ukusha shibiibi sha bantu ba mucishi coonse ca panshi!
Balaluki abo bakeelesha kwishiba ciindi ndyeshi cikacitike ambweshi cikacitike. Mushimu wakwe Klistu wakalinga mubalaluki abo, wakalinga kwaambilabo limwi ayi Klistu ulaakupenshekwa, sombi aakumana kupenshekwa ulakupekwa bulemu.
Kwiinda mulufu lwakwe ndwaakalibenga, Jesu wakatwaangulula alimwi tulalekelelwa shibiibi shesu kwiinda mubulowa bwakwe. Ncakwiila luse lwakwe Lesa lulakankamika abuumbi,
Klistu wakatulubula kumashingo aswa muMilawo ndyaakashinganwa ceebo cesu mukwiinga Malembo akwe Lesa alaamba ayi, “Ulishinganishitwe woonse uyo upopwa pacisamu.”
Lesa wakamwaaba ayi acaikwe kwaamba ayi lufu lwakwe lube nshila yakulekelelamo shibiibi sha bantu bashoma Jesu. Ici ncitondesho ca bululami bwakwe. Kale kale Lesa wakalinga kulangabo shibiibi sha bantu ceebo ca nkumbu shakwe shakulekelela.
mukwiinga ubu mbulowa bwangu bwa cipangano cipya, bweshi bukatiilwe kwaamba ayi baanji balekelelwe shibiibi shabo.
Mukwiinga Klistu wakafwa linkanda lyomwibo kwaamba ayi Lesa alekelele shibiibi sha bantu boonse. Klistu lakwe uliluleme, ono wakafwita bataluleme kwaamba ayi babe beshicibusa bakwe Lesa. Wakacaikwa mumubili, sombi wakabushikwa mumushimu.
Alimwi mukwiinga alakwe ulilefukite, teelete kubenga milambu ya banyama kuli Lesa ceebo ca shibiibi sha bantu bamwi beenka, sombi ashibiibi shakwe mwiine.
Mupailishi munene uli woonse ulasalwa pakati ka bantu bene mishaabo akubikwa ayi anobeemikanina kuli Lesa. Mulimo wakwe ngwakupa shipo sha banyama alimwi ashipo shimwi shoonse kuli Lesa kwaamba ayi shibiibi sha bantu shilekelelwe.
Ndamulumbaisha ceebo lyoonse mulanjeeya alimwi mulakonkela nshendakamwiisha.
Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”
MwanaaMuntu utooya kulufu kweelana ambokulembetwe, sombi mapensho kuli wooyo muntu utoomwaaba! Naakwiinga cakabotabo akutashalwa muntu uyu.”
Lyalo Jesu wakabaambila ayi, “Mwebo nobantu baluya nomucelwa kushoma shintu shoonse shakaamba balaluki bakulukulu!
Maswi a muMalembo ngaakalinga kuya cibelenga ngaaya, “Wakalinga anga nimbelele itootolwa mukucaikwa, alimwi anga ngumwanaambelele utaliili pakuceswa booya. Taakwe kwaambaawo nabi liswi lyomwi.
Kweelana akwishibila kwakwe, Paulo wakenjila mucoonde akulwiita bantu Malembo akwe Lesa kwanshiku shakookesha sha Cibelu shotatwe.
