1 Bene Kolinto 14:11 - Baibo Busansulushi Bwa Libuku Ili

¹¹ Nakubi boobo na ndabula kunyumfwa cishobo citokwaambikwa, muntu utokwaamba ulaba mweensu kuli ndime, anebo ndaba mweensu kuli nguwe.

1 Bene Kolinto 14:11 교차 참조

Milimo ya Batumwi 28:2

Bantu ba kooko bakatunyumfwila nkumbu abuumbi. Bakatutambula kabotu cakwaamba ayi bakatukunkila amulilo ceebo mfula yakalinga kuloka alimwi kwakaba mpewo.

Bene Kolose 3:11

Mubuumi bupya ubu taaku bupusano buliiwo pakati ka baJuda abaswamashi bakunsengwe, bakapalulwa abatana kupalulwa, batacite lushibo, beshinkondo baloondesha, pakati ka basha abaangulukite, sombi cinene nguKlistu mukwiinga lakwe nsheshoonse alimwi uli muboonse.

1 Bene Kolinto 14:21

MuMalembo akwe Lesa cililembetwe ayi Lesa wakaamba ayi, “Ndaakwaamba abantu bangu kwiinda mubantu baamba mushishobo sheensu, ndaakwaambaabo kwiinda mumilomo ya beensu, sombi bantu bangu teshi bakanyumfwileewo.”

Bene Loma 1:14

Ceebo ndicite mulimo wakushimikila Makani Abotu kubantu boonse, beeite nabi bateeite, bacite lushibo nabi batacite lushibo.

Milimo ya Batumwi 28:4

Bantu abo ndibakabona nsoka keeleleela kulyaansa lyakwe Paulo, bakalyaamboosha beene abeene ayi, “Musankwa uyu ncakwiila ngumucayi. Nakubi kwaamba ayi wapuluka palweenge, sombi lesa wiitwa ayi Bululami taasuni kwaamba ayi abe abuumi.”

1 Bene Kolinto 14:10

Mucishi ca panshi muli shishobo shiinji shipusenepusene, ono cishobo comwi acomwi cilicite ncecaamba.