1 Amweeleshe cankusu kuba alusuno alimwi mubike myoyo yanu yoonse kushipo sha Mushimu Usalashi, bunene cipo cakwaamba maswi akwe Lesa.
Ono aboobo nobamakwesu, amweeleshe cankusu kuba acipo cakwaamba maswi akwe Lesa, sombi kwaamba mumilaka yeensu mutakukaashi.
Amweeleshe kwikala muluumuno abantu boonse alimwi akweelesha kwikala buumi busalalite ceebo taaku muntu utasalalite nabi womwi eshi akabone Lesa.
Utasuuli cipo ico ncewakapekwa balaluki ndibakashimikila makani akwe Lesa, ciindi likoto lya bamatanjilili ndilyakabika maansa pali ndiwe.
Kamucita shintu shoonse mulusuno.
Ono nobamakwesu, pacikani ca shipo sha Mushimu Usalashi, ntooyanda ayi mwishishibishe.
Ono pali shintu shotatwe sheshi shikabule kumana. Ishi ndushomo, lulangilo alimwi alusuno. Nakubi boobo pasheeshi, cinene ndusuno.
Mutasebaanyi makani ayo ashimikila baabo baambililaako Lesa,
Mwaami Lesa ulipatite nshila sha mucita shibi, sombi ulisuni muntu ucita shintu shiluleme.
Ono webo omuntu wakwe Lesa, swa kushintu shoonse sha mushobo uyu. Koelesha kuba abuumi bululeme, bwakulemeka Lesa, bwalushomo, bwalusuno, bwakutaboola pesule abwa kulibombya.
Na kuli umwi uyeeya ayi ulicite cipo cakwaamba maswi akwe Lesa nabi cipo cimwi ciswa kuMushimu Usalashi, ulyeelete kwishiba kwaamba ayi ncentoomulembela bulya ngumulawo uswa kuMwaami Jesu.
Mwaami Lesa waamba ayi, “Amukutike nsheshi ŋambe mwebo nomusuni kupulushikwa, ee, mwebo nomwisa kuli ndime ayi mucaafwe. Amuyeeye mwaandami ulya ngomwakaswaako, muyeeye cikaanda ca mabwe akuyakisha nkondakamukaba.
ucite mpuwo ibotu ya milimo yakwe. Ulyeelete kuba mwanakashi wakakusha kabotu bana bakwe, wakalinga kutambula beensu muŋanda yakwe, wakalinga kucita milimo yakulibombya kubashominyina, wakalinga kucafwa bantu mumapensho alimwi wakalibenga kucita shintu shibotu.
Atulumbe Lesa, baIshi Mwaami wesu Jesu Klistu! Mukwiinga kwiinda muli Klistu, wakatupa shoolwe sha mushimu shoonse shicanika mucishi ca kwiculu.
Sombi mwebo amubike myoyo yanu kushipo shiindaawo. Ono ntoomutondesha nshila ibotu kwiinda shoonse.
Uyo ukonkela shiluleme alimwi ucite nkumbu, ulacana buumi, bululami abulemu.
Oosunikwi, utakonkeli micito ibiibi, sombi ibotu. Uyo woonse ucita shiluleme ngumwanaakwe Lesa. Sombi uyo ucita shibiibi, tamwishiiwo Lesa.
Pabuumi bwakupaila kwiine kwiine, mwiilikewo lusuno lwa bwanabwankashi, apalo palusuno lwa bwanabwankashi ulo, mwiilikewo lusuno kubantu boonse.
Aboobo tulyeelete kusebensesha shipo shesu isho Lesa nshaapa muluse lwakwe. Na cipo cesu nkushimikila Maswi akwe Lesa, tulyeelete kucita boobo kweelana alushomo ndotucite.
Ucileeke lunkumbwa lwa mubili lwa bwanike, ukonkelebo bululami, lushomo, lusuno aluumuno pantu pomwi abaabo basenga lucafwo kuMwaami Lesa amoyo utacite kampenda.
Ncetutokwaamba nceeci, baswamashi bakunsengwe tebakalinga kweelesha kulilulamika pameenso akwe Lesa. Sombi Lesa wakabalulamika ceebo bakamushoma.
Anu lyoonse tulyeelete kucita shintu shileta luumuno pabantu alimwi akucafwa bene Klistu kuyuma mulushomo.
Kuswawaawo utooya kukalundu kakwe Lesa muGibiya, uko kuli misumba ine Filisiti. Ono pamwinjililo wa ndabala utookumanya likoto lya balaluki beshi banooswa kucipaililo pakalundu, kabesa cilisha tulumbu, ngoma, mitoolilo atunkobele, uku kabalaluka.
Na kaancite cipo cakwaamba maswi akwe Lesa, akwishiba lushinisho lushisitwe akuba alushibo lwa shintu shoonse alimwi na kaancite lushomo lukonsha kutuntulusha kalundu, sombi kaantacite lusuno, ingayi taaku mboombete.
Ono aboobo cipo cakwaamba mumilaka yeensu ncitondesho kubatashomi kuteshi kubashomi, sombi cipo cakwaamba maswi akwe Lesa ncitondesho kubashomi kuteshi kubatashomi.
