1 Bene Kolinto 13:5 - Baibo Busansulushi Bwa Libuku Ili

⁵ Lusuno talupi kubula bulemu, kuliyanda nabi kukalala bwaangu. Ncakwiila lusuno talulengeshiiwo kubikilanina mfundilishi mumoyo.

1 Bene Kolinto 13:5 교차 참조

1 Bene Kolinto 10:24

Taaku muntu weelete kuyandoolabo shimukondelesha, sombi shikondelesha babye.

Jemusi 1:19

Nobamakwesu basunikwi, kamwiibaluka ayi mulyeelete kuba bantu bafwambaana kukutika, bacelwa kwaamba alimwi akukalala.

Bene Filipi 2:21

Mukwiinga bamwi baanji balalisukamabo shintu shakulisangalasha beene kutaamba makani akwe Jesu Klistu.

Bene Filipi 4:8

Cakweelaako nobamakwesu, kamuyeeya shintu isho shibotu sheelete kulumbwa, mbuli shintu shalushinisho, shilemekwa, shiluleme, shitacite kampenda, shiboneka kabotu alimwi ashintu shoonse shabulemu.

Bene Galatiya 5:13

Mwebo nobamakwesu, Lesa wakamwiita kwaamba ayi mwaanguluke. Anu amucenjele kwaamba ayi lwaanguluko ulu lutamulengeshi kwikala buumi bwa kubisha, sombi mucafwane womwi awomwi mulusuno.

1 Bene Kolinto 12:25

Cakaba boobo kwaamba ayi kutabi kupansaana mumubili, sombi kwaamba ayi shipansha shoonse shinoocafwana.

2 Bene Kolinto 5:19

Tutooshimikila ayi, kwiinda muli Klistu, Lesa utoolengesha bantu boonse kuboosha bushicibusa anguwe. Shibiibi shabo ulabalekelela akushilubaako. Watupa makani akwaamba ayi ulisuni bantu boonse kuba beshicibusa bakwe.

1 Bene Kolinto 10:33

Amucite kweelana ambooncita. Nebo ndeelesha kukondelesha bantu boonse mushintu nsheencita. Nshiyandoolibo sheesho shikonda ndime nemwiine, sombi shikonda boonse kwaamba ayi abalo bapulushikwe.

1 Bene Kolinto 11:18

Kutaanguna ndakanyumfwa kwaamba ayi ndimubungana mushoonde shanu mulasalululana. Anebo ndasumina ayi cikani ici ncalushinisho paniini.

Mateyo 5:22

Sombi nebo ntoomulwiita ayi uyo woonse ucitile mfundilishi mubye, ulyeelete koomboloshekwa. Awooyo waambila mubye ayi, ‘Taaku mboobete!’ ulyeelete koomboloshekwa munkuta inene. Sombi uyo waamba ayi, ‘Webo omuluya!’ ulyeelete wawaalwa mumulilo utamaani.

Luka 7:39

Lyalo muFalisi ulya wakeeta Jesu ndyaakabona bobulya, wakalyaamboosha ayi, “Muntu uyu naalinga mulaluki wancinencine naashiba mbwaabete mwanakashi uyu utoomucata mukwiinga ngumucita shibi.”

Maako 3:5

Jesu wakakalala ndyaakabalangilisha, sombi wakabafwita nkumbu ceebo cakuyuma kwa myoyo yabo akuluba. Mpeeke wakaambila musankwa uyo ayi, “Fungulula lyaansa lyako.” Wakalifungulula, mpomunyaawo lyakaba kabotu alimwi.

2 Bene Tesalonika 3:7

Mwebo nobeene mulishi kwaamba ayi mulyeelete kwikala bweenka mbotwakalinga kwikala pakati kanu. Twakalinga kusebensa cankusu,

1 Bene Kolinto 7:36

Na umwi wayeeya ayi utoobisha kukasha mwanaakwe kweebwa alimwi wabona ayi wakula akuyeeya ayi ulyeelete kweebwa, aacite kweelana ambwaayeeya. Taatoobishila Lesa na weebesha mwanaakwe.

Mateyo 9:4

Sombi Jesu wakeshiba ncebakalinga kuyeeya, lyalo wakaamba ayi, “Mutooyeeyelanshi shintu shibiibi mumyoyo yanu?

Isaya 3:5

Lyalo bantu balaakutalika kulyatililana, nkokwaamba ayi musankwa kulyatilila musankwanyina, shikamukobo kulyatilila shikamukobonyina. Bacikula bwangu balaakunoonyansha bamanene abalo bantu bataaku mbobabete balaakunoonyansha bamatanjilili babo.

2 Samwelo 10:3

bamaloba ba bene Amoni bakaambila Anuni mwaami wabo ayi, “Sa mutooyeeya ayi ndushinisho nceebo cakupa bulemu baishiwanu Defedi ncaatumina basankwa bakwe ayi bese bamulishaanisheeko pakufwa kwabo? Sa taakwe kubatumabo kuli ndimwe ayi babonebone ndabala inene mbweebete akwiisensa, lyalo akese akeekoome?”

2 Timoti 2:10

Aboobo ndatolelela mushintu shoonse ceebo ca bantu Lesa mbwaakasala kwaamba ayi abalo bakatambule lupulusho lwakesa kwiinda muli Klistu Jesu, ulo luleta bulemu butamaani.

Jelemiya 11:19

Ndakalingabo anga ngumwanaambelele mubombu utootolwa mukucaikwa. Nshindakalinga kwishiiwo ayi batoopinga kuncaya. Bakalinga kwaamba ayi, “Atunyonyoole cisamu ashisepo sha ncico. Atumukushe mucishi ca bantu boomi kwaamba ayi liina lyakwe litakayeeyekwiwo tubili.”

Tushimpi 14:17

Muntu ucite kamoyo kaniini ulacita shintu shabuluya. Taaku muntu usuni mubeshi.

Jobo 21:27

“Ndishi kabotu kabotu nshemutooyeeya, ee, miyeeyo yanu ibiibi pali ndime ndiishi.

Shakubelenga 16:15

Mpomunyaawo Mose wakakalala abuumbi akwaambila Mwaami Lesa ayi, “Mutatambuli mulambu nabi womwi ngweshi babenge. Taaku nabi womwi ngondakabishisha alimwi nshikwe kubwesaawo nabibo mbongolo yabo.”

Shakubelenga 12:3

Mose wakalinga muntu shikuliceesha kwiinda muntu uli woonse mucishi ca panshi.

2 Timoti 4:16

Paciindi ndindakataanguna koomboloshekwa, taaku wakesa mukuncafwaako. Boonse bakampalangana. Lesa abalekelele!

Shakubelenga 32:6

Mpeeke Mose wakabakumbula ayi, “Sa mulisuni kwikala kokuno, bene Isilaelinyinaanu kabaya kunkondo?