1 Bene Kolinto 12:28 - Baibo Busansulushi Bwa Libuku Ili

²⁸ Mucoonde, Lesa wakataanguna kubika batumwi, kuboolaawo balaluki, kubolaawo bafundishi. Lyalo ndipakesa abo bantu beshikucita shaankamiko, bamwi abo bakapekwa nkusu shakushilika, kucafwa bamwi, kweendelesha ncito nabi kwaamba milaka yeensu.

1 Bene Kolinto 12:28 교차 참조

1 Bene Kolinto 12:18

Ono kweelana mbocibete, Lesa wakabika cipansha comwi comwi mumubili pamusena mpocibete kweelana ambwaakasuna mwiine.

Bene Efeso 3:5

Mushiindi shakeenda, bantu tabakwe kulwiitwaawo muyeeyo uyu wabushishi. Sombi bulya Lesa waciyubulula kubatumwi alimwi abalaluki bakwe basalalite kwiinda muMushimu Usalashi.

Bene Ebulu 13:24

Mutwaanshisheko bamatanjilili banu alimwi abantu bakwe Lesa boonse. Bamakwabesu ba kuItali bamwaansha.

Bene Ebulu 13:17

Amunyumfwile bamatanjilili banu kwiinda mukukonkela milasho yabo. Lyoonse balalama buumi bwanu cakutookesha mukwiinga balaakusansulwita Lesa mbuli mbobakasebensa milimo yabo. Na kamubanyumfwila, balaakusebensa milimo yabo iyo cakusangalala. Sombi na kamutabanyumfwili, balaakusebensa cabuumba, aboobo ici teshi cikamucafweewo, sobwe.

1 Timoti 5:17

Ono bamatanjilili beendelesha coonde abo basebensa kabotu milimo yabo, balyeelete kulipilwa abuumbi, bunene bunene abo basebensa kabotu mukushimikila alimwi akwiisha.

Bene Efeso 2:20

Anu amwebo mwayakilwa waawo pakayakila batumwi alimwi abalaluki, Klistu Jesu mwiine ndyelibwe lya mulikonko lya ŋanda.

Milimo ya Batumwi 20:28

Nkokwaamba ayi mulyeelete kulilama kabotu nobeene akulama likoto lya bantu abo Mushimu Usalashi mbowakamupa ayi mulame. Amweembele kabotu coonde cakwe Lesa, abo mbwaakapulusha ayi babe baakwe kwiinda mulufu lwa Mwanaakwe.

Shakubelenga 11:17

Ndaakuseluka kwisa mukwaamba awebo peenka apo, alimwi ndaakubwesa Mushimu eenka ngondakakupaawo akubapa abalo. Lyalo balaakunookucafwa mulimo wa kweendelesha bene Isilaeli aba, anu teshi ukanoocita mulimo uyo weenka.

1 Bene Kolinto 10:32

Bwikaalo bwanu butabi mfumpu kubaJuda, baswamashi bakunsengwe nabibo kucoonde cakwe Lesa.

Luka 6:14

Menaabo ngaaya: Simoni uyo ngwaakapa liina lya Pita, aAndulu mukwabo, Jemusi aJoni, Filipo aBatolomeyo,

Maako 16:17

Abo bashoma balaakuba ashitondesho ishi: Balaakunookusha bashikaswa muliina lyangu, balaakunokwaamba milaka imwi ipusenepusene.

Milimo ya Batumwi 11:27

Paciindi ici balaluki bamwi bakaswa kuJelusalemu kuya kuAntyoki.

1 Bene Kolinto 12:29

Sa boonse mbatumwi? Sa boonse mbalaluki? Sa boonse mbafundishi? Sa boonse bakapekwa nkusu shakucita shaankamiko?

1 Bene Kolinto 12:30

Sa boonse balicite shipo shakushilika? Sa boonse balaamba mumilaka yeensu? Sa boonse balakonsha kusansulula milaka imwi? Shoonse ishi tabwishi mboshibete, tau.

1 Bene Kolinto 14:2

Mukwiinga waamba mumulaka weensu taambi kubantu, sombi kuli Lesa ceebo taaku muntu nabi womwi umunyumfwa. Mushimu Usalashi ngoomwaambisha makani akwe Lesa ashisitwe.

1 Bene Kolinto 14:4

Uyo waamba mumulaka weensu ulalicafwa mwiine, sombi waamba maswi akwe Lesa ulacafwa bamucoonde boonse kukula mulushomo.

1 Bene Kolinto 14:5

Ndisuni ayi noonse kamwaamba mumilaka yeensu. Nakubi boobo ndisuni bunene bunene kwaamba ayi noonse kamucite cipo cakwaamba maswi akwe Lesa. Ceebo uyo waamba maswi akwe Lesa uleendaawo pawooyo shikwaamba mumilaka yeensu citobo kapaliiwo shikusansulula nshaamba kwaamba ayi bantu boonse mucoonde bacafwikwe.