27 Ono mwebo noonse muli mubili wakwe Klistu alimwi womwi awomwi pakati kanu ncipansha cakwe.
Wakacita boobo kwaamba ayi bantu boonse bashoma muli Lesa bakanoolibambite kusebensa mukuyumya bashomi abo bali ngomubili wakwe Klistu.
Ono bulya ndisangalete kwaamba ayi ndamupengela. Ceebo mumapensho angu aya, ntoocafwa kumanisha mapensho akwe Klistu akacaala akupengela mubili wakwe, uli ncecoonde.
ico cili ngumubili wakwe alimwi swebo tuli shipansha sha mubili wakwe.
Mbweeke ubo, nakubi kwaamba ayi tuli baanji, tuli mubili womwi muli Klistu. Aboobo twakacatanishikwa pantu pomwi bweenka mbuli shipansha sha mubili womwi.
Klistu uli anga ngumubili womwi ucite shipansha shiinji. Nabi ulicite shipansha shiinji, ngumubili womwi.
Coonde ngomubili wakwe Klistu, nkokukumanisha kwa wooyo ukumanisha shintu shoonse pali poonse.
Lakwe ngomutwi wa mubili wakwe, nkokwaamba ayi coonde. Lakwe ngomatalikilo a coonde alimwi ngomutaanshi kubushikwa kuswa kubafu, kwaamba ayi abe mutaanshi pashintu shoonse.
Mukwiinga musankwa ulicite nkusu pamukaakwe bweenka mbuli Klistu mbwaacite nkusu pacoonde, cili ngomubili wakwe alimwi Klistu mwiine ngoMupulushi wa coonde.
Tutoolembela ndimwe nocoonde cakwe Lesa ca muKolinto. Lesa wakamusala kwiinda muli Klistu Jesu alimwi akumwiita ayi mube bantu bakwe pantu pomwi abantu boonse bali kumisena ipusenepusene, abo balemeka Mwaami Jesu Klistu, Mwaami wabo aswebo soonse.
Mwebo mulishi kwaamba ayi mibili yanu nshipansha sha mubili wakwe Jesu Klistu. Ono sa inga ndabwesa cipansha ca mubili wakwe Jesu akucipaankanya amufuule? Napaceyuubo.
Ono ceebo cakwaamba ayi shinkwa ngomwibo, soonse natufuuli, tuli mubili womwi ceebo tulabaana shinkwa womwi.
Na comwi cipansha caciswa, shoonse shipansha shimwi shilaciswa. Ncakwiila na cipansha comwi calemekwa, shipansha shimwi shoonse shilasekelela pantu pomwi.
Tabacatite kuli Klistu, uyo uli ngomutwi wa coonde. Sombi muli Klistu mubili woonse ulatambula nkusu alimwi shipansha shoonse shilacatanishikwa mushiso sha nshisho. Munshila iyi mubili ulakula kweelana aLesa mbwaasuni.
