11 Ono ucita shoonse nguMushimu womwi weenka. Ulapa shipo shipusenepusene kumuntu womwi awomwi kweelana ambwaayanda.
Shipo shilipusenepusene, sombi ushipa nguMushimu Usalashi womwi eenkabo.
Alakwe Lesa wakalinga kuyumya bukamboni bwabo kwiinda mukucita shaankamiko shipusenepusene ashitondesho sha nkusu sha kwiculu alimwi akwiinda mukubapa shipo sha Mushimu Usalashi kweelana akuyanda kwakwe.
Ono swebo, kulilumbaisha kwesu teshi kukeendilile manyinsa amwi. Tulalilumbaisha mukati ka manyinsa a milimo iyo Lesa njaakatupa. Ncakwiila amwebo muli mumanyinsa a milimo iyo.
Sombi womwi awomwi mulikoto lyesu wakatambula cipo ceelete kuswa kuli Klistu kweelana akuyanda kwakwe mwiine.
Kuli nkusu shipusenepusene, sombi Lesa ngomwi usebensesha nkusu isho mubantu boonse.
Mukuyanda kwakwe mwiine wakatupa buumi kwiinda mumaswi a lushinisho, ayi pakati ka shilengwa shakwe shoonse tube anga nshisepo shitaanshi.
Shoonse shintu shilacitwa kweelana amiyeeyo yakabamba Lesa alimwi akuyanda kwakwe. Aboobo Lesa wakatusala ayi tube bantu bakwe muli Klistu, nkokwaamba ayi ncaakatusalila kweelana ambwaakabamba kuswa kumatalikilo.
Muntu womwi awomwi ulyeelete kwikala bweenka mbuli cipo ncaakapekwa kuswa kuli Lesa alimwi kweelana abuumi ubo Lesa mbwaakamwiitilaamo. Ili ndyelifunde ndyeempa mushoonde shoonse.
Necakabota naakwiinga bantu boonse balinga mbuli ndime. Ono ceebo cakwaamba ayi muntu womwi awomwi ulicite cipo cakwe kuswa kuli Lesa, umwi aumwi ulicite cipo camushobo upusene amubye.
Aboobo tulyeelete kusebensesha shipo shesu isho Lesa nshaapa muluse lwakwe. Na cipo cesu nkushimikila Maswi akwe Lesa, tulyeelete kucita boobo kweelana alushomo ndotucite.
Anu Lesa ulanyumfwila nkumbu abo mbaasuni kunyumfwila akulengesha cimpamya kubamwi abo mbaasuni.
Bweenka baIshi mbobabusha bafu akubapa buumi, alakwe Mwaana ulapa buumi kubaabo mbaasuni kupa.
Joni wakakumbula ayi, “Taaku cintu muntu nceenga wacana na Lesa taakwe kumupa.
Muuwo ulapupila kuli koonse nkoosuni alimwi mulanyumfwa koopupa, sombi tamwishibi nkowaswita nabi nkootooya. Mbweeke ubo mbocibete kumuntu woonse washalwa kuMushimu Usalashi.”
Sa nsheelete kucita mbuli mboonsuni pabuboni bwangu? Mpashi wamfwita munyono mukwiinga nshisalululi pakupa?’ ”
Ncakwiila Ta, mwebo mwakacita kweelana akuyanda kwanu.
Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’
Ono kweelana mbocibete, Lesa wakabika cipansha comwi comwi mumubili pamusena mpocibete kweelana ambwaakasuna mwiine.
