32 Sombi Lesa ulatoombolosha akutondesha bukali bwakwe kwaamba ayi tutakacailwi pantu pomwi abatashomi nguwe.
Abo mboonsuni ndabakalalila akubapa mulandu. Aboobo yuminina abuumbi, usanduke kuswa kushibiibi shako.
Amubone! Mwaami Lesa wakanyinsha mumapensho aanji, sombi taakwe kunsuminisha ayi mfwe.
Amwishibe kwaamba ayi Mwaami Lesa, Lesa wanu ulamululika akumupa mulandu bweenka mbuli mushali mbwaaisha bana bakwe ayi bacileke kubisha.
Nceceeco nobamwi ncemucishilwa akutyolooka mushiso alimwi bamwi ncebafwita.
Aboobo baambile ayi, ‘Uyu ngomushobo utanyumfwili Mwaami Lesa, Lesa wa nguwo alimwi ukaka kululikwa. Kushomeka kwaloba. Takunyumfwikiiwo nabibo paniini.’
Tulishi kwaamba ayi tuli bakwe Lesa nabi bantu bamwi boonse batokweendeleshekwa aMubiibi.
Ono tulishi kwaamba ayi shoonse shaamba Milawo shilaamba pabaabo beendeleshekwa anjiyo kwaamba ayi bakabule pakuyubila milandu Lesa njeshi akabape.
Teenyumfwi maswi akwiicenjesha. Teenyumfwi maswi akwiilulika. Teecinkite manungo muMwaami Lesa nabi kusenga lucafwo kuli nguwe.
Ceebonshi ucisunibo kunokuumwa? Ino nceebonshi ncoocitolelelabo bwaashu? Bona kumutwi wako kuliswite kale shiloonda awalo moyo wako ulicisitwe kale.
Ndaakuba baishi alakwe ulaakuba mwanaangu. Na walubisha, ndaakunoomukwipa bweenka mushali mbwaakwipa mwanaakwe.
Pali bupusano pacipo cakaswa kuli Lesa alimwi acibiibi ca muntu womwi Adamu. Ceebo Adamu ndyaakabisha linkanda lyomwibo Lesa wakaamba ayi apekwe mulandu. Sombi cipo ciswa kuli Lesa cilalulamika bantu nabi shibiibi shabo nshiinji buyani.
Ino ono uliimfwi pali musongo? Ino uliimfwi pali muntu wiite? Ino uliimfwi pali shikupikishanya sha mucishi ca panshi? Mukwiinga Lesa watondesha kale ayi busongo bwa bantu taaku mbobubete.
Ceebo Lesa mubusongo bwakwe mwiine wakalengesha kwaamba ayi bantu baalilwe kumwishiba kwiinda mubusongo bwabo. Sombi kwiinda mumakani ngotushimikila ayo bantu ngobabona ayi taaku mbwaabete, Lesa cakamukonda ayi apulushe bashoma kwiinda muli ngawo.
Netwalinga kuliyeeya katutana kulya, naakwiinga bukali bwakwe Lesa tabwisi pali ndiswe.
Aboobo nobamakwesu, kulilabo ciindi ndimutoolya Mulalilo wa Mwaami, kamulindilana.
Pakati ka baabo, kuli Aimeneyusi aAlekisanda abo mbondakalekela mumaansaakwe Satana kwaamba ayi beeye kutacobola Lesa.
