1 Bene Kolinto 10:10 - Baibo Busansulushi Bwa Libuku Ili

¹⁰ Tatweelete kunootongooka bweenka bwakacita bamwi pakati kabo, alimwi bakacaikwa amunjelo unyonyoola.

1 Bene Kolinto 10:10 교차 참조

Shakubelenga 16:41

Ndibwakaca, bene Isilaeli bakatongooka kuli Mose aAloni. Bakaamba ayi, “Mwakacaya bantu ba Mwaami Lesa.”

Shakubelenga 14:2

Bakalinga kutongookela Mose aAloni kabaamba ayi, “Nicakabota kufwita mucishi ca Ijipiti nabi momuno muluyanga!

Shakubelenga 14:37

Abo bakalengesha ayi makani akubeca aya pacishi ca Kenani anyumfwike, Mwaami Lesa wakabaletela malwashi, lyalo boonse bakafwa.

1 Makani 21:15

Mpomunyaawo Mwaami Lesa wakatuma munjelo wakwe kuya mukunyonyoola Jelusalemu. Sombi wakayeeya bumbi akwaambila munjelo wakwe ayi, “Mbubo ono! Cileke.” Lyalo wakacileka. Munjelo uyo wakalinga kwiimfwi palubansa lwakulupwitaawo lwakwe Alauna mwine Jebusi.

Bene Filipi 2:14

Amucite shintu shoonse cakutatongooka alimwi akupikishanya.

2 Samwelo 24:16

Mpeeke munjelo wakalinga kunyonyoola bantu ndyaakanyamuna lyaansa ayi anyonyoole Jelusalemu, Mwaami Lesa wakayeeya bumbi akukasha munjelo uyo ayi, “Mbubo ono! Cileke.” Lyalo wakacileka. Munjelo uyo wakalinga kwiimfwi palubansa lwakulupwitaawo lwakwe Alauna mwine Jebusi.

Kulumbaisha 106:25

Bakalinga kutongooka mumatente abo, alimwi tabakwe kunyumfwila Mwaami Lesa.

Kulonga 12:23

Ono Mwaami Lesa pakuya cicaya bene Ijipiti mucishi cabo, ulaakubona bulowa ubo peculu lya milyango alimwi apashisamu sha kumilyango. Mpeeke ulaakukasha shikunyonyoola kwinjila mumaandaanu ayi amucaaye.

Judi 1:16

Bantu mbomunya aba mbeshi kutongooka lyoonse akubekesha bamwi shilubo, balakonkela shiyanda mibili yabo shibiibi. Balaamba cakulisumpula alimwi akubotesha baabo bacite buboni ayi babapeewo.

Kulonga 15:24

Bantu bakatalika kutongooka kuli Mose akumwiipusha ayi, “Ino tutoonwanshi?”

Milimo ya Batumwi 12:23

Paciindi ceenka ico munjelo wa Mwaami Lesa wakalengesha Elodi kuciswa mukwiinga taakwe kupa bulemu kuli Lesa. Mpeeke mapila akamulya, wafwa.

2 Makani 32:21

Lyalo Lesa wakatuma munjelo uyo wakesa mukucaya bashilumamba bene Asilya abamatanjilili babo. Kuswawaawo mwaami wa bene Asilya wakaboolela kumishaabo kaafwite nsoni abuumbi. Ono bumwi bushiku ndyaakalinga kulambila muŋanda ya lesa wakwe, bana bakwe basankwa bamwi bakamucaya amipeeni.

Ciyubululo 16:1

Mpomunyaawo ndakanyumfwa liswi lyakoolobeshekwa kubaanjelo bosanwe abobilo kuswa muŊanda yakwe Lesa ayi, “Kamuya mukapukwite bukali bwakwe Lesa ubo buli mumbale shifongomene shosanwe ashobilo mucishi ca panshi!”

Bene Ebulu 11:28

Ndushomo lwakalengesha ayi abambe bushiku bwa Pasika bwakwiibaluka kusotokela akwaambila bantu ayi basansaile bulowa pamilyango, kwaamba ayi munjelo uleta lufu atacayi baana bakwiiya ba bene Isilaeli.

Shakubelenga 16:11

Na mutootongooka pali Aloni, nkokwaamba ayi nguMwaami Lesa uyo webo alimwi abaabo batookukonkela ngomutoobukila.”

Shakubelenga 17:5

Lyalo nkooli ya musankwa ngondasala ilaakusonsa. Munshila iyi ndaakukasha kutongooka kwa bene Isilaeli kutamaani pali ndiwe.”

Shakubelenga 17:10

Kuswawaawo Mwaami Lesa wakaambila Mose ayi, “Boosha nkoli yakwe Aloni kunembo lya Libokoshi lya Cipangano. Ilyeelete kubikwa ayi njakucenjesha bene Isilaeli abo beshikubukila bamatanjilili ayi balaakufwa na kutongooka kwabo kubule kumana.”